Пошта бағдарламаларындағы жәшіктерді ортақ пайдалану мүмкіндігі

Кейбір пошта бағдарламалары бір уақытта бірнеше адамның жәшіктерімен жұмыс істеуге мүмкіндік береді. Ортақ жұмыс істеу мүмкіндігін Microsoft Outlook, Mozilla Thunderbird немесе Пошта (macOS) қызметтерінде баптауға болады.

Бұл ұйым әкімшісі сізге төмендегілерді пайдалануға рұқсат бергенде қажет болуы мүмкін:

  • Табысталған жәшік — сізге, мысалы, иесінің жұмыс демалысы кезінде пайдалануға рұқсат берілген әріптес жәшігі.
  • Ортақ жәшік — белгілі бір иесі жоқ жәшік: оны, мысалы, бір бөлімнің бірнеше қызметкері пайдаланады.

Ондай жәшіктердегі хаттармен жұмыс бірлескен түрде орындалады: бір қызметкердің жәшікте орындаған барлық әрекеті басқаларында көрсетіледі. Мысалы, табысталған жәшікті пайдалану рұқсаты бар қызметкер оқитын хаттар жәшік иесінің пошта бағдарламасында да оқылған болып белгіленеді. Болмаса ортақ жәшіктің бір пайдаланушысы хатты жойса, басқа пайдаланушылар да бұл хатты бұдан былай көрмейді.

Ортақ және табысталған жәшіктерді пайдалану үшін басқа адамдар аккаунтарының құпия сөздерін білудің қажеті жоқ, ондай жәшіктерді пайдалану рұқсатын ұйым әкімшісі береді. Бұл жәшіктерде сіз орындай алатын нақты әрекеттер оның сізге қандай рұқсаттар бергеніне байланысты.

Пайдалану рұқсаты берілген жәшікте не істеуге болады?

  • Құрамын қарау және жәшікті басқару:

    • хаттарды оқу;
    • оларды белгілермен белгілеу;
    • хаттарды басқару: қалталар бойынша орналастыру, мұрағатқа тасымалдау немесе жою;
    • хаттар, белгілер, қолтаңбалар, хаттарды өңдеу ережелерін жасау және жою.

  • Әкімші сізге тиісті рұқсаттар берсе, хаттар жіберу:

    • жіберу рұқсаты хаттарды «Басқаша жіберу» режимінде де, «Біреудің атынан жіберу» режимінде де жіберуге мүмкіндік береді;
    • шектеулі жіберу рұқсаты хаттарды «Біреудің атынан жіберу» режимінде жіберуге мүмкіндік береді.

Пошта бағдарламасын баптау

Поштаңызға әріптес жәшігін немесе ортақ жәшікті пайдалану рұқсаты берілгені туралы хабарландыру келгенде, бұл жәшіктің мекенжайын пошта бағдарламасына қосыңыз.

Нұсқаулық MS Outlook қызметінің классикалық нұсқасы үшін келтірілген

Outlook қызметінің басқа нұсқалары үшін қадам саны басқаша болуы мүмкін.

  1. Файл мәзіріне өтіңіз және Мәліметтер бөлімінде Есептік жазба қосу түймесін басыңыз.

  2. Қолмен баптау немесе қосымша серверлер түрлерін таңдаңыз және Әрі қарай батырмасын басыңыз.

  3. POP немесе IMAP хаттамасын таңдап, Әрі қарай батырмасын басыңыз.

  4. Есептік жазба параметрлерін көрсетіңіз. Олар сізге рұқсат берілген хат жіберу режиміне байланысты «Басқаша жіберу» немесе «Біреудің атынан жіберу».

    • Пайдаланушы туралы мәліметтер бөлімінде сізге пайдалану рұқсаты берілген жәшік туралы деректерді көрсетіңіз:

      • Аты — табысталған жәшік иесінің аты және тегі (мысалы, «Сергей Петров») немесе ортақ жәшік атауы (мысалы, «Кадрлар бөлімінің ортақ жәшігі»);
      • Электрондық пошта мекенжайы — оның Яндекстегі пошталық мекенжайы (мысалы, «s.petrov@example.kz» немесе «shared@example.kz»).

    • Сервер туралы мәліметтер бөлімінде:

      • Тіркелгінің түрі — IMAP;
      • Кіріс пошта сервері — imap.yandex.kz (немесе Ресейден қосылмасаңыз, imap.ya.ru);
      • Шығыс пошта сервері (SMTP) — smtp.yandex.kz;

    • Жүйеге кіру бөлімінде:

      • Пайдаланушы — ұйымыңыздың домені/Яндекстегі логиніңіз/сізге пайдалану рұқсаты берілген жәшік атауы (мысалы, «example.ru/s.petrov/a.ivanov» немесе «example.ru/user/shared») форматындағы техникалық логин;
      • Құпия сөз — Яндекс Поштаға арналған қолданба құпия сөзіңіз. Сізде қолданба құпия сөзі әлі жоқ болса, оны жасау жолын нұсқаулықтан қараңыз.

    • Пайдаланушы туралы мәліметтер бөлімінде жәшігіңіз туралы деректерді көрсетіңіз:

      • Аты — атыңыз және тегіңіз (мысалы, «Алексей Иванов»);
      • Электрондық пошта мекенжайы — сіздің Яндекстегі пошталық мекенжайыңыз (мысалы, «a.ivanov@example.kz» немесе «user@example.kz»).

    • Сервер туралы мәліметтер бөлімінде:

      • Тіркелгінің түрі — IMAP;
      • Кіріс пошта сервері — imap.yandex.kz (немесе Ресейден қосылмасаңыз, imap.ya.ru);
      • Шығыс пошта сервері (SMTP) — smtp.yandex.kz;

    • Жүйеге кіру бөлімінде:

      • Пайдаланушы — ұйымыңыздың домені/Яндекстегі логиніңіз/сізге пайдалану рұқсаты берілген жәшік атауы (мысалы, «example.ru/s.petrov/a.ivanov» немесе «example.ru/user/shared») форматындағы техникалық логин;
      • Құпия сөз — Яндекс Поштаға арналған қолданба құпия сөзіңіз. Сізде қолданба құпия сөзі әлі жоқ болса, оны жасау жолын нұсқаулықтан қараңыз.

    Басқа параметрлерді әдепкі бойынша қалдырыңыз және Басқа баптауларды басыңыз.

  5. Шығыс пошта параметрлерін көрсетіңіз.

    1. Ортақ қойындысында қосылатын есептік жазба атауын енгізіңіз. Бұл атауды қолжетімді жәшіктер тізімінен көресіз.

    2. Қосымша қойындысына өтіңіз. Серверлердің төмендегідей параметрлерін көрсетіңіз:

      • IMAP сервері — 993;
      • SMTP сервері — 465.

      Сервердің екеуі үшін Шифрланған қосылымның мына түрін пайдалану тармағында SSL мәнін таңдаңыз.

    3. Сізге «Басқаша жіберу», режимінде жіберуге рұқсат берілсе, Шығыс пошта сервері қойындысында SMTP серверіне түпнұсқалығын тексеру қажет опциясын қосыңыз, Кіру құралы мәнін таңдаңыз және өрістерді толтырыңыз:

      • Пайдаланушы аты — Яндекстегі логиніңіз.
      • Құпия сөз — сіз 4-қадамда көрсеткен Яндекс Поштаға арналған қолданба құпия сөзі.

    4. Қалған параметрлерді әдепкі бойынша қалдырыңыз және ОК батырмасын басыңыз.

  6. Есептік жазбаны баптауды аяқтау үшін Есептік жазбаны қосу терезесінде Келесі түймесін басыңыз, баптаулар тексерісі орындалады. Егер тексеру сәтті аяқталса, Дайын батырмасын басыңыз. Егер жоқ болса, барлық параметрлер дұрыс көрсетілгенін тексеріңіз.

  1. Бағдарламаны іске қосыңыз.

  2. Сізде бар электрондық пошта тіркелгісін баптау терезесінде мына параметрлерді көрсетіңіз:

    • Сіздің атыңыз — пайдаланушы аты (мысалы, «Иван Петров»);
    • Электрондық пошта мекенжайы — сіздің Яндекстегі пошталық мекенжайыңыз (мысалы, «i.petrov@example.kz»);
    • Құпия сөз — Яндекс Поштаға арналған қолданба құпия сөзіңіз.

  3. Қолмен баптау батырмасын басыңыз және электронды пошта серверлерінің келесі параметрлерін көрсетіңіз:

    Кіріс пошта

    • Хаттама — IMAP;

    • Сервер атауы — imap.yandex.kz (немесе Ресейден қосылмасаңыз, imap.ya.ru);

    • Порт — 993;

    • SSL — SSL/TLS;

    • Аутентификация — «Әдеттегі құпиясөз». Яндекс Поштаға арналған қолданбаның құпиясөзін қолданыңыз.

    • Пайдаланушының аты:

    • Егер поштаңызда сізге пайдалану рұқсаты берілген барлық жәшіктердің пайда болғаны қажет болса, Яндекстегі логиніңізді көрсетіңіз, мысалы, «i.petrov@example.kz»:

    • Егер поштада нақты бір пайдаланушы жәшігінің пайда болғаны қажет болса, логинді ұйымыңыздың домені/Яндекстегі логиніңіз/сізге пайдалану рұқсаты берілген жәшік атауы форматында енгізіңіз (мысалы, example.kz/i.petrov/office):

    Шығыс пошта

    • Сервер атауы — smtp.yandex.kz;

    • Порт — 465;

    • SSL — SSL/TLS;

    • Аутентификация — «Әдеттегі құпиясөз». Яндекс Поштаға арналған қолданбаның құпиясөзін қолданыңыз.

    • Пайдаланушы аты — сіздің Яндекстегі логиніңіз, мысалы, «i.petrov@example.kz».

  4. Енгізілген параметрлердің дұрыстығын тексеру үшін Қайта тестілеу батырмасын басыңыз. Егер тексеру сәтті өтсе, Дайын батырмасын басыңыз.

  1. Бағдарламаны іске қосып, есептік жазба жасау шеберін ашу үшін Пошта Есептік жазба қосу мәзірін ашыңыз.

    Ескерту

    Тіркелгіні жасау шебері бағдарлама бірінші рет іске қосылған кезде автоматты түрде ашылады.

  2. Поштаның басқа тіркелгісі... тармағын таңдаңыз және Жалғастыру батырмасын басыңыз.

  3. Тіркелгінің келесі параметрлерін көрсетіңіз:

    • Толық аты — сіздің атыңыз бен тегіңіз, мысалы, «Иван Петров»;
    • Е-mail мекенжайы — сіздің Яндекстегі логиніңіз, мысалы, «i.petrov@example.ru»;
    • Құпия сөз — Яндекс Поштаға арналған қолданба құпия сөзіңіз.

    Кіру батырмасын басыңыз — бағдарлама енгізілген деректердің дұрыстығын тексереді.

    Тіркелгіні қолмен баптау

    Тіркелгінің келесі параметрлерін көрсетіңіз:

    • Е-mail мекенжайы — сіздің Яндекстегі логиніңіз, мысалы, «i.petrov@example.ru»;
    • Пайдаланушының аты — сіздің ұйымның домені/сіздің Яндекстегі логиніңіз/сізге қолжетімділік ашылған жәшіктің атауы форматындағы логин (мысалы, example.ru/i.petrov/office);
    • Құпия сөз — Яндекс Поштаға арналған қолданба құпия сөзіңіз;
    • Тіркелгінің түрі — IMAP;
    • Кіріс пошта сервері — imap.yandex.kz;
    • Шығыс пошта сервері — smtp.yandex.rukz;

    Кіру батырмасын басыңыз.

  4. Пошта → Баптаулар мәзірін ашыңыз.

  5. Сервер баптаулары қойындысына өтіңіз.

  6. Кіріс пошта сервері (IMAP) бөлімінде Қосылу опцияларын автоматты түрде баптау опциясын өшіріңіз. Порт өрісінде 993 мәнін көрсетіңіз.

  7. Шығыс пошта сервері (SMTP) бөлімінде Қосылу опцияларын автоматты түрде баптау опциясын өшіріңіз. Порт өрісінде 465 мәнін көрсетіңіз.

  8. Сақтау батырмасын басыңыз.

Содан кейін пошта бағдарламасын сөндіріп, қайта қосыңыз. Сол жақтағы қалталар тізімінде сізге қолжетімділік ашылған жәшік пайда болады. Олармен өзіңіздің жәшігіңізбен жұмыс істегендей жұмыс істей аласыз: жәшікте қажетті қалтаны таңдаңыз, сонда экранда оның құрамы көрсетіледі.

Алушы шынайы жіберушіні көруі үшін, қызметкер хатты қалай жіберуі керек?

Табысталған жәшік иесі атынан немесе шынайы жіберушіні көрсетіп, ортақ жәшік атынан хаттар жіберу үшін:

  • пайдалану рұқсатын баптау кезінде әкімші сізге «Біреудің атынан жіберу» режимінде жіберу рұқсатын беруі тиіс;
  • есептік жазба параметрлері осы режимде жіберуге бапталуы тиіс (баптау бойынша нұсқаулықтың 4-тармағын қараңыз).

Хат жіберу бойынша нұсқаулық MS Outlook үшін сипатталған. Басқа пошта бағдарламалары үшін қадамдар аталғандардан өзгеше болады.

  1. Жаңа хабар жасай бастаңыз немесе сізге пайдалануға рұқсат берілген жәшікке келген хатқа жауап бере бастаңыз.

  2. Хат жіберушіні толтырыңыз:

    1. Кімнен түймесін басыңыз және Басқа электрондық пошта мекенжайы тармағын таңдаңыз.
    2. Кімнен өрісінде сізге пайдалану рұқсаты берілген жәшіктің электрондық мекенжайын енгізіңіз.
    3. Жіберу құралы түймесін басыңыз және өз электрондық мекенжайыңызды таңдаңыз.

  3. Хаттың басқа өрістерін әдеттегідей толтырыңыз және Жіберу түймесін басыңыз. «Біреудің атынан жіберу» режимінде жіберу шарттары орындалса және барлығы дұрыс жасалса, алушыға жәшік иесінің мекенжайынан хат келеді. Ол хатты пошта бағдарламасында оқығанда, хатты иесі атынан сіз жібергеніңізді көреді.

    Егер хат алушы бірлескен жұмысқа қолдау көрсететін пошта бағдарламасын пайдаланбаса

    Бұл жағдайда «Біреудің атынан жіберу» туралы ақпарат алушыда көрсетілмеуі мүмкін.

Алушы шынайы жіберушіні көрмеуі үшін, қызметкер хатты қалай жіберуі керек?

Табысталған жәшік иесінің аккаунтынан немесе шынайы жіберушіні көрсетпей, ортақ жәшік аккаунтынан хаттар жіберу үшін:

  • пайдалану рұқсатын баптау кезінде әкімші сізге «Басқаша жіберу» режимінде жіберу рұқсатын беруі тиіс;
  • есептік жазба параметрлері осы режимде жіберуге бапталуы тиіс (баптау бойынша нұсқаулықтың 4-тармағын қараңыз).

Хат жіберу бойынша нұсқаулық MS Outlook үшін сипатталған. Басқа пошта бағдарламалары үшін қадамдар аталғандардан өзгеше болады.

  1. Жаңа хабар жасай бастаңыз немесе сізге пайдалануға рұқсат берілген жәшікке келген хатқа жауап бере бастаңыз.

  2. Хат жіберушіні толтырыңыз:

    1. ОК батырмасын басыңыз.
    2. Жоғарғы бөлікте ұсынылған есептік жазбалар тізімінен сізге пайдалану рұқсаты берілген жәшікке сәйкес келетінін таңдаңыз.

    Ескерту

    Әдепкісінше Кімнен өрісінде белсенді пошта жәшігінің мекенжайы (курсор орналасқан қалтадағысы) қойылады. Хат жазу кезінде жіберушіні өзгерте аласыз.

  3. Хаттың басқа өрістерін әдеттегідей толтырыңыз және Жіберу түймесін басыңыз. «Басқаша жіберу» режимінде жіберу шарттары орындалса және барлығы дұрыс жасалса, алушыға жіберуші ретінде сіз үшін пайдалану рұқсаты берілген пошта жәшігінің иесі көрсетілген хат келеді.

Есептік жазба параметрлерін өзгерту жолы

Сізге берілген басқа адамның жәшігінен хаттар жіберу режимдерін пайдалану рұқсаттары өзгерсе немесе бастапқы баптауларда қателер кетсе, есептік жазба параметрлерін өзгерту қажет болуы мүмкін.

  1. Файл мәзіріне өтіңіз және Мәліметтер бөлімінде Есептік жазбаларды баптау опциясын таңдаңыз.
  2. Өзгертіңіз келетін есептік жазбаны таңдаңыз.
  3. Өзгерту түймесін басыңыз және қажетті түзетулерді енгізіңіз.

Басқа адамның жәшігін пайдалану рұқсаты қайтарып алынды. Оны жою жолы

  1. Файл мәзіріне өтіңіз және Мәліметтер бөлімінде Есептік жазбаларды баптау опциясын таңдаңыз.
  2. Өз пошта бағдарламаңыздан жойғыңыз келетін есептік жазбаны таңдаңыз және Жою түймесін басыңыз.

«Біреудің атынан жіберу» (Send on behalf) режимі — алушыларға табысталған жәшік иесінің мекенжайынан немесе ортақ жәшік мекенжайынан хаттар келеді, бірақ пошта бағдарламасында олар хатты оның атынан нақты қызметкер жібергенін көреді.

«Басқаша жіберу» (Send as) режимі — алушылар хаттарда тек табысталған жәшік иесінің атын (оны тікелей иесі жібергендей) немесе ортақ жәшік атауын көреді.

Яндекс Поштаның өз пошта жәшігімен жұмыс істеу үшін Microsoft Outlook қызметін баптау туралы тиісті мақаладан оқуға болады.

Яндекс Поштаның өз пошта жәшігімен жұмыс істеу үшін Mozilla Thundebird қызметін баптау туралы тиісті мақаладан оқуға болады.

Яндекс Поштаның өз пошта жәшігімен жұмыс істеу үшін Пошта (macOS) қызметін баптау туралы тиісті мақаладан оқуға болады.

Алдыңғы
Басқа бағдарламалар
Келесі
Пошта бағдарламасына қатысты мәселелерді шешу