Қайталанатын оқиғалар
Күнтізбенің қосымшасында кездесуді қайталау кестесін баптауға болады. Құр қарапайым кестелер ғана емес, күрделі кестелерді де құрастыруға болады, мысалы:
- әр айдың үшінші бейсенбісі;
- әрбір үшінші аптаның әрбір күні;
- әрбір бесінші жылдың 25 наурызы.
Қарапайым кестені баптау
Ең қарапайым қайталау кестелері — мысалы, жұмыс күндері немесе аптасына бір рет — қосымшада алдын ала бапталған, тек қажеттісін таңдау жеткілікті.
- Жаңа оқиға жасаңыз немесе бар оқиғаны түзете бастаңыз.
- Қайталау батырмасын басыңыз.
- Кестені таңдаңыз.
- Оқиғаны сақтап қойыңыз.
Күрделі кестені баптау
Егер тізімде қажетті кесте болмаса, оны өзіңіз құрастырыңыз.
1-қадам
Кестеге сай келетін күнге сериядағы алғашқы оқиғаны белгілеңіз. Осылайша, егер оқиғаны әрбір айдың үшінші бейсенбісі қайталап отырғыңыз келсе, оқиғаны осындай бейсенбіге белгілеп қойыңыз — мысалы, 2025 жылдың 20 ақпаны.
2-қадам
Қайталау батырмасын басып, Басқа нұсқаны таңдаңыз.
Дайын кестені негіз етіп алуға болады
Егер сізге бар кестені сәл ғана түзету керек болса (мысалы, кездесуді жұма күнінен басқа жұмыс күндері қайталау), онда былай жасаңыз:
- Алдымен дайын кестені таңдаңыз — мысалы, Әрбір жұмыс күні.
- Кейін Қайталау батырмасын қайтадан басып, Басқа нұсқаны таңдаңыз.
Кестені баптау терезесі ашылады.
3-қадам
Бірінші блокта қайталау кезеңін анықтауға арналған уақыт өлшем бірлігін белгілеңіз.
Мысалы, егер күнді белгілесеңіз, қандай да бір күн сайын бір рет қайталауды, ал егер жылды белгілесеңіз — қандай да бір жыл сайын бір рет қайталауды белгілеуге болады.
Төменде әр түрлі өлшем бірліктеріне қарап белгілеуге болатын кестелердің үлгілері келтірілген:
|
Өлшем бірлігі |
Үлгілер |
|
Күн |
|
|
Апта |
|
|
Ай |
|
|
Жыл |
|
4-қадам — егер апта немесе айды таңдасаңыз керек болады
Егер алдыңғы қадамда сіз апта немесе айды таңдаған болсаңыз, онда сізге оқиғаны қайталап отыратын апта немесе ай күнін белгілеу қажет.
Егер сіз апта сайын қайталауды белгілесеңіз, оқиға болып отыратын апта күндерін таңдаңыз.
Мысалы, мынадай баптау қатысушылардың күнтізбесіндегі оқиға апта сайын емес, әр бір аптадан кейін әрбір жұмыс күні сайын болатындығын білдіреді:
Егер оқиғаны әртүрлі аптада әр түрлі күндері өткізіп отыру керек болса
Қайталанып отыратын бірнеше бөлек оқиға жасаңыз.
Мысалы, шеберлік сағаты апта сайын, бірақ әртүрлі күндері өтеді:
- жұп санды апталар сайын сейсенбі және бейсенбі күндері;
- тақ санды апталар сайын сәрсенбі және жұма күндері.
Алдымен жұп санды апталар үшін қайталанатын оқиғаларды жасаңыз:
- Жұп санды аптадағы күнді таңдаңыз және сериядағы бірінші оқиғаны жасаңыз.
- Екі аптада бір рет сейсенбі және бейсенбі күндері қайталап отыруды баптаңыз.
- Дәл осылай тақ санды апталар үшін сәрсенбі және жұма күндері қайталанып отыратын екінші серияны жасаңыз.
Егер айлар бойынша қайталауды белгілесеңіз, Күнтізбе екі нұсқадан таңдауды ұсынады:
- Оқиғаларды күніне қарап ай сайын қайталап отыру. Мысалы, айдың әрбір 20 жұлдызы
- Оқиғаларды апта күніне қарай ай сайын қайталап отыру. Мысалы, әрбір үшінші сейсенбі.
Егер маған аптаның күнін өзгерту керек болса не істеу керек
Мысалы, сіз мынадай нұсқаларды көріп тұрсыз:
Басқа күнді таңдау үшін (мысалы, әрбір айдың 15 жұлдызы немес әрбір екінші сәрсенбі) — қайталауды баптау терезесінен шығып, сериядағы бірінші оқиғаның күнін өзгертіңіз. Егер сериядағы оқиғалар әрбір айдың екінші сәрсенбісі қайталанып отыру керек болса, бірінші оқиғаның күні екінші сәрсенбі болу керек.
5 қадам
Егер қажет болса, оқиғаны қайталау аяқталатын күнді белгілеңіз.
6-қадам
Төмендегі Шыққан нәтиже бөлімін қарап, қалаған нәрсеңізді баптағаныңызға көз жеткізіп алыңыз.