Оқиғалар туралы хабарламаларды баптау

Кездесулерді өткізіп алмас үшін мобильді қосымша орнатып алыңыз.

Күнтізбенің қосымшасында пуш-хабарламалар баптауға болады. Оны қайдан алуға болады

Сіз Күнтізбеде оқиға жасағанда немесе өзгерткенде сізге және шақырылған барлық қатысушылардың электрондық поштасына оқиға туралы міндетті хабарлама-хат автоматты түрде жіберіледі.

Сондай-ақ, сіз оқиға басталған кезде немесе оның басталуына дейін бірер уақыт бұрын өзіңіз бен басқа қатысушыларға хабарлап отыратын ескертпелерді де баптай аласыз. Поштаға хаттардан басқа өзге де ескертпе түрлерін баптауға болады. Мысалы, Пошта қосымшасы орнатылған телефондағы пуш-хабарламалар.

Хабарлама-хаттар

Хабарлама-хат алушыға оның оқиғаға қатысушы ретінде қосылғаны туралы хабарлайды. Шақырылған қатысушы хаттан шақыруды қабылдай алады немесе бас тарта алады. Хабарламада оқиға туралы негізгі ақпарат болады, сол арқылы қатысу туралы шешім қабылдауға болады.

Күнтізбенің басқа бағдарламалармен сәйкестігі

Хабарлама-хатқа тіркеме ретінде ICS-файл жіберіледі. Бұл күнтізбе платформасы мен әртүрлі бағдарламалар арасындағы сәйкестікті қамтамасыз ететін файл форматы: бағдарламалар жүктелген ICS файлды автоматты түрде ажыратады және пайдаланушыға онда көрсетілген оқиға туралы ақпаратты күнтізбеге қосуды ұсынады.

Оқиға туралы ескертпелер

Алдағы оқиғалар туралы ескертпелер Поштаға хат, телефонға смс немесе пуш-хабарламалар түрінде, сондай-ақ, сіздің Яндекс Күнтізбеңізбен синхрондалған басқа күнтізбе бағдарламаларына жіберілуі мүмкін.

Ескерту

Пуш-хабарламаларды алып отыру үшін өзіңізде Яндекс Пошта қосымшасының соңғы нұсқасы орнатылғанын және телефон баптауларында хабарламалар қосулы тұрғанын тексеріп алыңыз.

Сіз бөлек күнтізбедегі бүкіл оқиғалар үшін бірден ортақ ескертпелер қоса аласыз немесе әрбір нақты оқиға үшін дербес ескертпе орната аласыз.

Күнтізбедегі бүкіл оқиғаларға арналған ескертпе

Ортақ ескертпелерді қай жерден баптаған ыңғайлы екенін таңдаңыз:

  1. Ескертпелерді қосқыңыз келетін нақты күнтізбенің баптауларын ашыңыз — меңзерді сол жақ панельдегі оның атауына бағыттап, таңбасын басыңыз.

  2. Маған ескертіп отыру бөлімінде Тағы бір хабарлама қосу батырмасын басыңыз.

  3. Оқиғалар басталардан қанша уақыт бұрын ескертпелер алғыңыз келетінін және оларды алу тәсілін көрсетіңіз:

    • e-mail бойынша — Поштаға хат арқылы;
    • смс түрінде — сіздің Яндекс ID-де көрсетілген нөмірге;
    • CalDAV арқылы — сіздің Яндекс Күнтізбеңізбен синхрондалған сыртқы күнтізбе бағдарламаларына;
    • қосымшада — Яндекс Пошта қосымшасы орнатылған телефонға пуш-хабарламалар түрінде.

  4. Егер ескертпелер шақыруын сіз жауапсыз қалдырған оқиғалар үшін де келіп отырғанын қаласаңыз, Қабылданбаған оқиғалар туралы ескерту тармағын белгілеңіз.

  5. Өзгерістерді сақтап қойыңыз.

  1. Хаттар тізімінің астындағы күнтізбе таңбасына басыңыз.

  2. Мәзірді ашыңыз — экранның сол жақ жоғарғы бұрышындағы белгішесін басыңыз.

  3. Күнтізбелерді баптау бөлімінде оқиғалары үшін ескертпелер баптағыңыз келетін күнтізбені таңдаңыз.

  4. Маған ескерту бөлімінде Тағы бір хабарлама қосу батырмасын басыңыз.

  5. Басқа нұсқаны таңдаңыз.

  6. Оқиға басталардан қанша уақыт бұрын ескертпелер алып отырғыңыз келетінін көрсетіңіз.

  7. Ескертпелерді алу тәсілін көрсетіңіз:

    • e-mail бойынша — Поштаға хат арқылы;
    • смс түрінде — сіздің Яндекс ID-де көрсетілген нөмірге;
    • CalDAV арқылы — сіздің Яндекс Күнтізбеңізбен синхрондалған сыртқы күнтізбе бағдарламаларына;
    • қосымшада — Яндекс Пошта қосымшасы орнатылған телефонға пуш-хабарламалар түрінде.

  8. Хабарламаны жасауды растаңыз — экранның оң жақ жоғарғы бұрышындағы белгішесін басыңыз.

  9. Егер ескертпелер шақыруын сіз жауапсыз қалдырған оқиғалар үшін де келіп отырғанын қаласаңыз, Қабылданбаған оқиғалар туралы ескерту тармағын белгілеңіз.

  10. Өзгерістерді сақтап қойыңыз.

Жекелеген оқиғалар туралы ескертіп отыру

Дербес ескертпелерді қай жерден баптаған ыңғайлы екенін таңдаңыз:

  1. Түзету үшін оқиғаны ашыңыз немесе толық форма арқылы жаңасын жасай бастаңыз.

  2. Маған ескерту бөлімінде Тағы бір хабарлама қосу батырмасын басыңыз.

  3. Оқиға басталардан қанша уақыт бұрын ескертпе алғыңыз келетінін және оны алу тәсілін таңдаңыз:

    • e-mail бойынша — Поштаға хат арқылы;
    • смс түрінде — сіздің Яндекс ID-де көрсетілген нөмірге;
    • CalDAV арқылы — сіздің Яндекс Күнтізбеңізбен синхрондалған сыртқы күнтізбе бағдарламаларына;
    • қосымшада — Яндекс Пошта қосымшасы орнатылған телефонға пуш-хабарламалар түрінде.

  4. Өзгерістерді сақтап қойыңыз.

  1. Телефондағы Пошта қосымшасында хаттар тізімінің астындағы күнтізбе таңбасына басыңыз.

  2. Түзету үшін оқиғаны таңдаңыз немесе жаңасын жасай бастаңыз.

  3. Маған ескерту бөлімінде Тағы бір хабарлама қосу батырмасын басыңыз.

  4. Басқа нұсқаны таңдаңыз.

  5. Оқиға басталардан қанша уақыт бұрын ескертпелер алып отырғыңыз келетінін көрсетіңіз.

  6. Ескертпені алу тәсілін таңдаңыз:

    • e-mail бойынша — Поштаға хат арқылы;
    • смс түрінде — сіздің Яндекс ID-де көрсетілген нөмірге;
    • CalDAV арқылы — сіздің Яндекс Күнтізбеңізбен синхрондалған сыртқы күнтізбе бағдарламаларына;
    • қосымшада — Яндекс Пошта қосымшасы орнатылған телефонға пуш-хабарламалар түрінде.

  7. Хабарламаны жасауды растаңыз — экранның оң жақ жоғарғы бұрышындағы белгішесін басыңыз.

  8. Оқиғаны сақтап қойыңыз — экранның оң жақ жоғарғы бұрышындағы белгішесін басыңыз.

Күнтізбенің хаттарын қалай сөндіріп қоюға болады

Күнтізбе сіздің пошта жәшігіңізге үш түрлі хат жолдап отыруы мүмкін:

  • оқиғаның жақында басталатыны туралы ескертпе;
  • оқиғаға шақыру, оқиғаны өзгерту немесе тоқтату туралы хабарлама-хаттар;
  • келіссөздер бөлмелерін брондау туралы хаттар.

Күнтізбенің бүкіл хаттары Яндекс Поштаның Кіріс хаттар қалтасына түсіп отырады. Егер Күнтізбеден хаттар алғыңыз келмесе, оларды сөндіріп тастауға болады.

Ескертпелерді сөндіру

Нақты күнтізбедегі бүкіл оқиғалар үшін сөндіру

Жаңа оқиғалар үшін ескертпелер түспейтін болады, ал жасалған оқиғалар туралы ескертпелерді Күнтізбе әрі қарай да жіберіп отырады.

  1. Ескертпелерін сөндіріп қойғыңыз келетін нақты күнтізбенің баптауларын ашыңыз — меңзерді оның сол жақтағы панельдегі атауына бағыттап, таңбасын басыңыз.

  2. Маған ескертіп отыру бөлімінде бас тартқыңыз келетін e-mail бойынша ескерту тармағын тауып, оған қарама-қарсы тұрған таңбасын басыңыз.

  1. Хаттар тізімінің астындағы күнтізбе таңбасына басыңыз.

  2. Мәзірді ашыңыз — экранның сол жақ жоғарғы бұрышындағы белгішесін басыңыз.

  3. Күнтізбелерді баптау бөлімінде оқиғалары үшін ескертпелер сөндіргіңіз келетін күнтізбені таңдаңыз.

  4. Маған ескерту бөлімінде бас тартқыңыз келетін e-mail бойынша ескерту тармағын тауып, оған қарама-қарсы тұрған таңбасын басыңыз.

Нақты оқиға үшін сөндіру

  1. Толық форма арқылы түзету үшін оқиғаны ашыңыз.
  2. Маған ескерту бөлімінде бас тартқыңыз келетін e-mail бойынша ескерту тармағын тауып, оған қарама-қарсы тұрған таңбасын басыңыз.
  1. Телефондағы Пошта қосымшасында хаттар тізімінің астындағы күнтізбе таңбасына басыңыз.
  2. Түзетуге арналған оқиғаны таңдаңыз.
  3. Маған ескерту бөлімінде бас тартқыңыз келетін e-mail бойынша ескерту тармағын тауып, оған қарама-қарсы тұрған таңбасын басыңыз.

Хабарлама-хаттарды сөндіру

Оқиғаға шақыру, оны өзгерту немесе одан бас тарту туралы хабарлама-хаттарды толық сөндіріп тастауға болмайды — олар басқа пайдаланушылардан да келуі мүмкін. Бұл хаттар оқиғаның күйі туралы өзекті деректерді, оның ішінде шақыруды қабылдаған және қабылдамаған қатысушылардың құрамы туралы деректерді ұстап отыру үшін қажет. Бірақ сіз Күнтізбенің хабарламаларын бөлек қалтаға сақтап отыра аласыз:

Поштаның интерфейсінде оқиғалар туралы хабарлама-хаттар үшін бөлек фильтр баптаңыз:

  1. Күнтізбе хабарламаларына арналған жеке қалта жасаңыз.

  2. Хаттарды өңдеу ережелерін баптаңыз. Баптау кезінде:

    • Егер бөлімінде — Тақырып'X-Mailer'мәніYandex Calendar мәніне тең деген шартты көрсетіңіз;

    • Әрекетті орындау бөлімінде — Қалтаға салу тармағын белгілеп, хабарламалар үшін жасалған қалтаны таңдаңыз.

Келіссөздер бөлмелерін брондау туралы хаттарды сөндіру

Егер сіз келіссөздер бөлмесін пошта бағдарламасы немесе күнтізбе қосымшасы арқылы брондасаңыз, сізге брондау күйі туралы хабарлама келеді. Егер келіссөздер бөлмесі бос болса, оның мекенжайынан кездесу шақыру қабылданғаны туралы хат келеді. Егер келіссөздер бөлмесі бос болмаса, сіз кездесуге қатысудан бас тарту туралы хат аласыз. Мұндай хаттарсыз сіз қажетті келіссөздер бөлмесінің брондалған немесе брондалмағаны туралы біле алмайсыз.

Егер хаттарды бәрібір сөндіріп қою керек болса:

  1. Күнтізбенің баптауларын ашыңыз — оң жақ жоғарғы бұрыштағы белгішесін басыңыз.
  2. CalDAV арқылы брондау туралы хаттарды алу опциясын сөндіріп тастаңыз.

Бүкіл хабарламаларды уақытша сөндіріп қою

Күнтізбенің бүкіл хабарламаларын белгілі бір уақытқа бірден сөндіріп қоюға болады. Бұл жағдайда мыналар ажыратылады:

Хабарламаларды Күнтізбенің браузердегі интерфейсі арқылы сөндіріп қоюға болады:

  1. Күнтізбенің баптауларын ашыңыз — оң жақ жоғарғы бұрыштағы белгішесін басыңыз.
  2. Хабарламалар қойындысына өтіңіз.
  3. Хабарламаларды сөндіру бөлімінде Күнтізбе сізді мазаламауы тиіс уақыт пен күн кезеңін көрсетіңіз.

Ескерту

Кейбір хабарламаларды сөндіріп тастай алмайсыз, олар поштаға бәрібір келетін болады:

  • Сізді қатысуға басқа пайдаланушы шақырған оқиғалар туралы хабарлама-хаттар.
  • Бөгде платформалар мен күнтізбе бағдарламалары жіберген хабарламалар.
Қолдау қызметіне жазу
Алдыңғы
Оқиғаны табу
Келесі
Істер тізімі