Келіссөз бөлмелеріне арналған Телемост: веб-қосылым

Егер сіздің келіссөз бөлмелеріңіз видео-конференцияларға арналған жабдықпен жабдықталған болса, қызметкерлер одан смартфонды басқару құралы ретінде пайдалана отырып, Телемостқа қосыла алады. Видео-кездесуге қатысушы нақты бір пайдаланушы емес, бөлме болады.

Ол үшін бизнеске арналған Яндекс 360 тарифіне қажетті веб-қосылымдар саны (1 қосылым = 1 келіссөз бөлмесі) бар қосымшаны сатып алып, баптауды орындаңыз.

Жабдыққа қойылатын талаптар

Келіссөз бөлмесі интернетке қосылған ДК немесе мини-ДК, теледидар және конференцияларға арналған аудиовизуалды жабдықпен (камера, микрофон, динамик) жабдықталған болу керек.

Компьютерде мына тізімдегі браузерлердің бірі орнатылған болу керек:

• Яндекс Браузер
• Google Chrome
• Microsoft Edge
• Firefox
• Safari

Планшет пен теледидардағы браузерлер қолданылмайды.

Бастапқы баптау үшін тінтуір мен пернетақта керек болады.

Бизнеске арналған Яндекс Телемостқа қойылатын жүйелік талаптар

Қосылымдарды қалай сатып алуға болады

1. Ұйым әкімшісінің аккаунтына кіріңіз.

2. Телемост → Қосымшалар қойындысына өтіңіз.

3. Келіссөз бөлмелеріне арналған Телемост бөлімінде Веб-нұсқа арқылы қосылуды таңдап, Қосу батырмасын басыңыз.

4. Қажетті келіссөз бөлмелерінің санын көрсетіп, құнын қарап шығыңыз да, Қосу батырмасын басыңыз.

Төлем сәтті өткеннен кейін Веб-нұсқа арқылы қосылу бөлімінде қосылымдардың қолжетімді саны көрсетіледі.

Келіссөз бөлмесін Телемостпен қалай байланыстыруға болады

1. Телемосты баптауды жоспарлап отырған келіссөз бөлмесінде орнатылған компьютерде браузерді ашып, http://room.telemost.yandex.ru мекенжайын енгізіңіз

   Келесі қадамдарда керек болатын код пайда болады. Ол әрбір 5 минут сайын жаңарып отырады.

2. Жұмыс компьютерінде ұйым әкімшісінің аккаунтына кіріңіз және Кеңселер мен келіссөз бөлмелері парақшасына өтіңіз.

3. Келіссөз бөлмелері қойындысында Телемостпен байланыстырғыңыз келетін бөлмеге басыңыз. Тізімде жоқ келіссөз бөлмесін қалай қосуға болады

   Егер сізде қолжетімді қосылымдар бар болса, ашылған терезеде Қосылу батырмасы болады. Егер қосылымдар қалмаса, Қосу батырмасын көресіз. Лимитті ұлғайту үшін соған басыңыз. Сондай-ақ Телемостан бұрын қосылған бөлмелердің бірін ажыратуға болады.

4. Қосу батырмасын басыңыз.

5. 1 қадамда алған кодты енгізіп, Қосылу батырмасын қайта басыңыз.

6. Келіссөз бөлмесіндегі компьютердегі браузердің мекенжай жолында камера мен микрофонды қолдануға рұқсат беруге сұрау ашылады — осы сайтқа оларды қолдануға тұрақты рұқсат беріңіз.

   Дайын. Енді бұл келіссөз бөлмесі видео-кездесулерге қатыса алады. Теледидар экранында Телемоста жоспарланған кездесулер және қызметкерлер оларға қосылу үшін қолданатын QR-код көрсетілген парақша ашылады.

   Экранда артық элементтер болмау үшін браузердің бұл қойындысын толық экран режимінде ашуға кеңес береміз.

7. Бәрі істеп тұрғанын тексеріп шығыңыз: QR-кодты смартфонмен сканерлеп, қызметкерге арналған нұсқаулықтың көмегімен Телемоста бар кез келген кездесуге қосылыңыз. Нұсқаулықты қарау

Келіссөздер бөлмесін Телемостан қалай ажырату керек

1. Ұйым әкімшісінің аккаунтына кіріңіз және Кеңселер мен келіссөз бөлмелері парақшасына өтіңіз.

2. Келіссөз бөлмелері қойындысында Телемостан ажыратып тастағыңыз келетін бөлмеге басыңыз.

3. Ажырату батырмасын басыңыз және әрекетті растаңыз.

Бұл келіссөз бөлмесіндегі жабдықтан Телемостағы кездесуге қосылу мүмкін болмай қалады, ал сізде бір қолжетімді қосылым пайда болады.

Егер келіссөз бөлмесін бизнеске арналған Яндекс 360-тан өшіріп тастасаңыз, ол Телемостан автоматты түрде ажыратылады. Келіссөз бөлмесін қалай өшіру керек

Қосылымдар санын қалай өзгертуге болады

1. Ұйым әкімшісінің аккаунтына кіріңіз.

2. Телемост → Қосымшалар қойындысына өтіңіз.

3. Келіссөз бөлмелеріне арналған Телемост бөлімінде Веб-нұсқа арқылы қосылуды таңдап, Санын өзгерту батырмасын басыңыз.

4. Келіссөз бөлмелерінің санын қажетті мәнге дейін азайтыңыз немесе ұлғайтыңыз, кейін Сақтау батырмасын басыңыз.

Қосылым төленетін минималды мерзім — 1 ай. Қосылымдардың санын кез келген сәтте көбейтуге болады, ал азайту үшін алдыңғы көбейткен сәттен бастап бір ай өту керек.

Оған қоса, оның санын қазіргі сәтте Телемоспен байланысқан келіссөз бөлмелерінің санына дейін ғана азайтуға болады.

Мысал. Сізде 10 қосылым сатып алынған және тек 7 келіссөз бөлмесі Телемоспен ұйымның кабинеті арқылы байланысқан. Егер минималды мерзім өткен болса, сіз оның мәнін 7-ге дейін азайта аласыз. Одан әрі азайту үшін алдымен келіссөз бөлмелерін Телемоспен ажыратыңыз.