MX жазбасы

МХ жазбасы доменіңіз үшін поштаны қабылдайтын серверге нұсқайды. Поштаңызды Яндекс сервері өңдеу үшін, сол серверге нұсқайтын МХ жазбасын жасау қажет.

Егер сіз доменді Яндекс серверлеріне табыстаған болсаңыз, МХ жазбасы автоматты түрде реттеледі.

МХ жазбасын қосу

МХ жазбасын реттеу бойынша жалпы нұсқаулық

1. Сізге DNS хостингін қамтамасыз ететін компанияның сайтындағы доменді (DNS аймағын) басқару панеліне кіріңіз.

2. Бұрыннан бар МХ жазбаларын жойыңыз.

3. Келесі өріс мәндері бар жаңа МХ жазбасын жасаңыз (әртүрлі басқару панельдерінде өріс атаулары әртүрлі болуы мүмкін)

   • Мән — mx.yandex.net.

     Егер басқару панеліңіз әдепкі түрде қоймаса, сервер атауының соңында міндетті түрде нүкте қою қажет.

   • Басымдық — 10

     Егер бақылау панелінде 10 мәні бар басымдық қарастырылмаған болса, нөлден басқа кез келген басымдықты көрсетіңіз.

   • Ішкі доменнің атауы (немесе Хост) — @

     Кейбір басқару панельдерінде @ таңбасының орнына доменіңіздің атауын көрсету қажет (мысалы, example.org.). Егер @ таңбасын да, домен атауын да көрсету мүмкін болмаса, бұл өрісті бос қалдырыңыз.

     Егер басқару панелінде бұл өріс болмаса, оны көрсетпеуге болады.

   • TTL өрісін толтыру қажет болса, 21600 мәнін көрсетіңіз.

4. Өзгертулердің күшіне енуін күтіңіз. Интернеттегі DNS серверлер жаңа DNS жазбалары туралы деректермен алмасуы үшін 72 сағатқа дейін уақыт қажет болуы мүмкін.

   Бизнеске арналған Яндекс 360 қызметінде күйді жаңарту үшін, Домендер бетіне өтіп, қажетті доменнің жанындағы Доменді растау түймесін басып, Тексеру түймесін басыңыз. Егер деректер DNS хостингінің тарапында жаңартылған болса, күй жаңартылады.

МХ жазбасының дұрыс реттелгенін тексеру

Поштаны жіберу және алуға қатысты мәселелердің алдын алу үшін, DNS жазбалары реттеулерінің дұрыстығын тексеріңіз. Мұны, мысалы, https://www.digwebinterface.com сервисі немесе басқа dig утилитасы көмегімен жасауға болады.

1. https://www.digwebinterface.com бетін ашыңыз.

2. Hostnames or IP addresses өрісінде доменіңіздің атауын көрсетіңіз, мысалы, example.org.

3. Type өрісінде МХ опциясын таңдап, Dig түймесін басыңыз.

Жауап келесі түрде болуы тиіс:

example.org.  20755 IN MX 10 mx.yandex.net.

Егер сервер сұрауға жауап бермесе, жауап қажетті жауапқа сәйкес келмесе немесе жауапта артық жазбалар бар болса, онда MX жазбасы дұрыс реттелмеген. Оны нұсқаулық бойынша реттеңіз.