Видеоны іздеу және көру

Видеоны іздеу Яндекстің іздеу жүйесін пайдалану жөніндегі лицензияға сәйкес жүргізіледі. Сервис еркін қолжетімділікпен бейне ресурстарда орналастырылған роликтерді табады.

Іздеу нәтижелерін қалыптастыру үшін жүйе автоматты түрде видеоны өңдейді — атауы, сипаттамасы, белгілері (тегтерін) және роликтердің басқа да атрибуттарын сараптайды, сондай-ақ видеоны саралау, сұрауларды талдау, спамды басу алгоритмдерін және т. б. қолданады.

Әдепкі бойынша қызмет жарияланымның мерзімі шектеусіз видеоны іздейді. Жүктелген күні ролик атауының жанында көрсетілген.

Іздеу режимі

Бейне бойынша іздеуде бірнеше режим қолжетімді:

• Шектеулерсіз — сүзу режимі өшірулі. Іздеу нәтижелерінде барлық табылған контент, оның ішінде 18+ контент те болады.

• Қалыпты фильтр — 18+ видео егер сұраныс осындай ресурстарды іздеуге анық жіберілген болса, іздеу нәтижесіне түседі. Бұл режим әдепкі бойынша қосулы.

• Отбасылық — іздеу нәтижелерінен 18+ видеоконтент (тіпті сұраным осындай ресурстарды іздеуге тікелей бағытталса да) толығымен алынып тасталынады. Видео бойынша іздеу қойындысын қайтадан ашсаңыз да, режим қалады.

  Отбасылық режимді қосу үшін:

  1. Ол үшін Іздеуді баптау парақшасына өтіңіз.

  2. Парақшаның астындағы Іздеуді сүзгілеу бөлімінен Отбасылық режимді таңдаңыз.

  3. Сақтау баптырмасын басыңыз.

  Егер отбасылық режимді сөндіргіңіз келсе, Іздеуді сүзгілеу бөлімінен басқа кез келгенін таңдап, Сақтау батырмасын басыңыз.

  Отбасылық режимді қосу және ажырату туралы толығырақ.

Ойнату үшін видеохостинг таңдау

Егер видео бірнеше хостингтен табылған болса, қарау кезінде роликті қайсысынан ойнату керектігін таңдауға болады. Әдепкі түрде таңдалған дереккөзді ауыстыру үшін плеердегі атауының жанындағы таңбасын басыңыз.

Белгілі бір сайттар бойынша іздеу

Іздеу үшін белгілі бір бейнехостингті таңдау немесе қажет емесін фильтрлер көмегімен алып тастауға болады. Тізімде ең танымал бейнехостингтер көрсетілген.

Тек белгілі бір бейнені іздеуді шектеу үшін сұрау тілін пайдаланыңыз: сұранымға host және видеохостинг атауын қосыңыз, мысалы [pixar host:www.youtube.com].

Танымал сұраулардың ұсынымдары

Танымал сұраулардың ұсынымдары фильмдер, мультфильмдер, сериалдар, телевизиялық шоу және мультсериалдар бойынша іздеу нәтижелерінде көрсетіледі.

Мысалы, [тақтар ойыны] сұранымы бойынша «Мынаны да көріңіз» бөлімі пайда болады, онда сізге ұнауы мүмкін видеолар топтамасын таба аласыз.

Ұсынымдары бар бөлім іздеу сұраныстарын талдау, объектілер арасындағы өзара байланыс және басқа пайдаланушылардың сұраныстарымен жұмыс істеу кезіндегі сәтті тәжірибе негізінде, сондай-ақ, егер олар туралы деректер болса, сіздің қалауыңызды ескере отырып автоматты түрде қалыптасады. Толығырақ.

Байланысқан объектілер

Бейне бойынша іздеудегі байланысқан нысандар — пайдаланушы сұрауымен байланысты іздеу сұранымдары топтамасы. Байланысқан объектілер іздестіру нәтижелерінде бөлек бөлімде карточкалар түрінде көрсетіледі.

Мысалы, [мәскеу көз жасына сенбейді]  сұранымы бойынша байланысқан объектілер ретінде «Терминатор» фильмінің сериялары көрсетіледі. Ал  [фильмдер 2016] жалпы сұранымы бойынша бір белгімен біріктірілген фильм карточкалары, бұл жағдайда жыл бойынша көрсетіледі.

Объектінің түріне байланысты карточкада қосымша ақпарат берілуі мүмкін. Осылайша, фильмдер үшін картинаның рейтингі, шыққан жылы мен жанры көрсетіледі.

Байланысқан объектілер Яндекс технологиясының Объектілік жауабы негізінде автоматты түрде қалыптасады. Бөлімді қалыптастыру үшін КиноПоиск, Википедия және басқа да беделді дереккөздердегі деректер қолданылады.

Байланысқан объектілерге арналған сұраным бойынша іздеу нәтижелерін көру үшін, объект картасын басыңыз.

«Сериалдар» бөлімі

«Сериалдар» бөлімі бейне бойынша іздеу нәтижелерінің жоғарғы бөлігінде сериалдар туралы сұранымдар бойынша көрсетіледі. Бөлім серияның маусымдары мен сериялары арасында жылдам ауысуға және қаралған серияларды есте сақтауға мүмкіндік береді.

«Сериалдар» бөлімі көптеген факторлар негізінде автоматты түрде қалыптасады, оның ішінде бейне бойынша іздеуді пайдаланушылардың іздеу сұранымдары мен мінез-құлықтары талданады. Сондай-ақ Яндекстің Объектілік жауап технологиясы және ашық дереккөздер — Уикипедия, Кинопоиск және myshows.me порталы деректері қолданылады.

Егер сіз бөлімнің жұмысы туралы пікір қалдырғыңыз келсе, бізге жазыңыз.

Қысқа вертикаль видеолар

Бөлімге Яндекстің видео бойынша іздеу серіктестері ұсынған контент түседі, олардың сайттарында вертикаль және жарнамасы жоқ қысқа (үш минуттан аз) роликтер орналасқан.

Қолдау қызметіне жазу