Telegram-дағы Бот

Қажетті ақпаратты Telegram-дағы бот көмегімен аударыңыз — осылайша сіз шетелдік әріптестеріңіздің немесе басқа елдердегі достарыңыздың хабарламаларына бірнеше қосымша арасында ауыспай-ақ жедел жауап бере аласыз. Оған қоса, ботты топтық чатқа қосуға болады, сонда ол хабарламаларды чат қатысушыларының тіліне аударатын болады.

Яндекс Аудармашының Telegram боты тізімдегі барлық тілді қолдайды.

Ботпен дербес чат

Бот-аудармашымен жұмысты бастау үшін сілтеме бойынша өтіңіз.

Бот екі пәрменді орындай алады:

• /tolang – аударма тілін белгілейді. Мысалы, ағылшын тіліне аудару үшін /tolang en, /tolang English немесе /tolang Ағылшын пәрменін пайдаланыңыз. Келесі хабарламаға аудару қажет мәтінді енгізіп, жіберіңіз.

  Пәрмен	Әрекет	Аударуға арналған мәтін	Аударма нәтижесі	Ескертпе
  /tolang en /tolang English /tolang Ағылшын	Хабарламаны ағылшын тіліне аудару.	Оливер, Лондонның орталығындағы жайлы кофехананы ұсын	Oliver, recommend a cozy coffee shop in central London	Егер әрі қарай сізге ағылшын тіліне аудару қажет болса, пәрменді қайта енгізу қажет емес.
  /tolang ru en /tolang Russian English /tolang Орыс Ағылшын	Орыс тілінен ағылшын тіліне және ағылшын тілінен орыс тіліне ауысып аудару.	Мен такси шақыртқым келеді Oliver’s supposed to meet me after the flight	I want to take a taxi Оливер менімен ұшып келгеннен кейін кездесуі тиіс	Аударма екі бағытта да жұмыс істейді.
  /tolang cz fr en /tolang Czech French English /tolang Чех Француз Ағылшын	Көрсетілген тілдерге рет-ретімен аудару.	Оливер, Лондонның орталығындағы жайлы кофехананы ұсын	Oliver, recommandez un café confortable dans le centre de Londres	Бот мәтінді бірінші қолдау көрсетілетін тілге аударады.

  Егер сіз /tolang пәрменін әлі енгізбеген болсаңыз, онда чатқа жіберілген хабарламаны аудару сіз ең жиі қолданатын екі тілдің біріне орындалады.

• /mylang – сіз қолданатын тілді көрсетеді. Оны өзгерту үшін /setmylang пәрменін пайдаланыңыз.

Топтық чат

Аудармашы ботты топтық чатқа қосу үшін экранның жоғарғы бөлігіндегі баптауларға өтіңіз, кейін Қатысушыларды қосу батырмасын басыңыз және Yandex Translate мәтінін енгізіңіз. Оны чаттың кез келген қатысушысы жасай алады.

Топтық чатта аудармашы ботпен жасалатын жұмыс онымен дербес чатта жасалатын жұмыстан айрықша. Топтық чатта мынадай пәрмендер қолданылады:

• /tolang — топтың чатында қолданылатын тілдерді көрсетеді, бірақ оларды орнатпайды. Аудармаға арналған тілдер тізімі чат пайдаланушыларының тіліне байланысты. Мысалы, егер чаттағы пайдаланушылар орыс және ағылшын тілдерін пайдаланса, тек осы тілдерге ғана аударма жасау мүмкін болады.

• /mylang — сіз қолданатын тілді көрсетеді. Оны өзгерту үшін /setmylang пәрменін пайдаланыңыз.

  Чатта әлдеқашан қолданылған тілді қолмен жою мүмкін болмайды. Егер осы тілді жалғыз пайдаланушы чаттан шығып кетсе, 30 күннен кейін бұл тілге аударма автоматты түрде өшіріледі.

Қолдау қызметіне жазу