Сапарға тапсырыс

Таксиге тапсырыс бөлімі арқылы сіз өз компанияңыздың қызметкерлері, клиенттері мен қонақтары үшін таксиге тапсырыс бере аласыз.

• Қалай тапсырыс беру керек
• Сапардың құны қалай есептеледі
• Тапсырыстан бас тарту жолдары
• Тапсырыстар тарихы

Қалай тапсырыс беру керек

1. Таксиге тапсырыс бөліміне өтіңіз.

   Басқа тәсіл

   Қызметкердің карточкасындағы Такси шақырту батырмасын басыңыз.

2. Қызметкердің немесе қонақтың телефон нөмірі мен машина қажет болатын уақытты көрсетіңіз.

   Кез келген күннің кез келген уақытына алдын ала тапсырысты тек жеке кабинеттен ғана жасауға болады. Тапсырыс орындалатын жердегі жергілікті уақытты көрсетіңіз.

3. Жөнелту мекенжайын көрсетіңіз (қолмен енгізіңіз немесе картадан белгілеңіз).

4. Қалауыңыз бойынша межелі орынды көрсетіңіз. Сол кезде сапар үшін алдын ала құны есептеледі.
   Сіз 5 аралық мекенжайды көрсете аласыз (Нүктені қосу батырмасын басыңыз).

5. Тарифті таңдап, шығындар орталығын таңдаңыз.

6. Егер қажет болса, жүргізушіге түсініктеме қалдырыңыз.

   Сіз Компания парақшасы бөлімінің Баптаулар қойындысы арқылы компанияның барлық тапсырыстарына ортақ түсініктеме қалдыра аласыз.

7. Такси шақырту батырмасын басыңыз.

Кейін қызметкер немесе қонақ машина мен жүргізуші туралы ақпарат көрсетілген SMS алады, сондай-ақ, өз мобильді қосымшасында тапсырысты көреді. Қызметкер тапсырысты өзі өзгерте алмайды немесе одан бас тарта алмайды.

Сапардың құны қалай есептеледі

Қолданыстағы бағалар туралы ақпарат тарифтер көрсетілген парақшада орналасқан.

Тапсырыс рәсімдеген кезде iOS (3.50 және одан кейінгі нұсқа) және Android (3.15 және одан кейінгі нұсқа) жүйелеріне арналған қолданба сапардың алдын ала құнын есептейді.

Есептеу кезінде таңдалған тариф, орынға дейінгі қашықтық, жолдағы уақыт, кептелістер туралы деректер, сондай-ақ ауа райы жағдайы ескеріледі.

Сапардың алдын ала белгіленген құны жолда жаңа кептелістер туындаса да, немесе жүргізушіге бағдардан ауытқу қажет болса да ұлғаймайды. Жолаушы тегін күту уақытын асырып алса, межелі пунктті өзгертсе немесе жүргізушіден жолда аялдауды сұраса ғана сапар құны қайта есептелуі мүмкін.

Тапсырыстан бас тарту жолдары

Таксиге тапсырыс бөлімінде Тапсырыстан бас тарту батырмасын басып, бас тартатыныңызды растаңыз.

Тапсырыстар тарихы

Таксиге тапсырыс бөлімі арқылы сіз барлық ресімделген тапсырыстар — белсенді, орындалған және болмаған тапсырыстар тарихын қарай аласыз.

Әрбір тапсырыс карточкасы келесілерден тұрады:

• Тапсырыс күйі
• Автокөлік туралы ақпарат
• Жүргізуші туралы ақпарат
• Бағдар нүктелері
• Тапсырыс күні мен уақыты
• Сапар құны

Барлық тапсырыстарды қарау үшін парақшаның төменгі бөлігіндегі тапсырыстарға басыңыз.

Тапсырыстар туралы барынша толық ақпарат Есептер бөлімінде жинақталған.