Іздеу сыбырсөздері мен сүйікті сайттар
Іздеу сыбырсөздері — бұл сіз жасаған сұраным басталатын әріптен басталатын ең көп таралған сұранымдардың нұсқалары және олар іздеу өрісінің астындағы арнайы блокта пайда болады. Сыбырсөздер арқасында сіз сай келетін сұраным нұсқасын оны толық термей-ақ жылдам таңдап, нақтылай аласыз.
Іздеу сыбырсөздері белгілі бір кезең ішіндегі пайдаланушылардың сұранымдар статистикасын талдау негізінде автоматты түрде құрастырылады. Біз алгоритмдердің жұмысына араласпаймыз және пайдаланушылардың талаптары бойынша сыбырсөздерді өшірмейміз. Бірақ, алгоритмдерді жақсарту үшін біз пайдаланушылардан олардың пікірі бойынша дұрыс емес сыбырсөздерді әрдайым қабылдап отырамыз.
Ескертпе. Іздеу сыбырсөздері жекеленген болуы мүмкін, яғни тек жалпы нұсқаларды ғана емес, сонымен бірге сіз бұрын берген жеке сұранымдарыңызды да көрсетуі мүмкін. Мұндай сұранымдар басқа сыбырсөздер арасында түспен ерекшеленеді. Оған қоса, біз жекеленген сыбырсөздерде сіз іздеуден жиі өткен сайттарды да көрсетеміз. Сүйікті сайттарды сұранымды термей-ақ көруге де болады — жай ғана бос іздеу өрісіне басыңыз.
Бұл функцияларды басқару үшін Яндекстегі Іздеудің баптаулар парақшасына өтіңіз.