Яндекс қандай сұрақтар қояды және неліктен

Яндекс пайдаланушылардың пікірлерін жинақтау бойынша эксперимент жүргізеді. Іздеу нәтижелерінде біз әртүрлі сұрақтар қоямыз. Мысалы, фильмдер, тауарлар, компьютерлік ойындар туралы сұраймыз, интернет-дүкендерде көрсетілетін қызметтердің сапасы туралы сұрап білеміз. Іздеу нәтижелері туралы пікіріңізді сұрап-білеміз: "Сіз іздегеніңізді таптыңыз ба?", "Осындай нысандық жауап карточкасы сіз үшін пайдалы ма?".

Жиналған деректер Яндекс сервистерін жақсартуға көмектеседі деп үміттенеміз. Ал егер тәжірибе сәтті деп танылса, біз жай ғана сұрап қоймаймыз, сондай-ақ алынған ақпаратпен бөлісеміз.

Ескертпе. Сұраққа жауап беру немесе бірнәрсеге баға беру туралы ұсыныстар барлығын бірдей көрсетілмейді. Тәжірибеге қатысушылар Яндекс пайдаланушыларының арасынан кездейсоқ тәсілмен таңдалады.

Берілген тәжірибе туралы жиі қойылатын сұрақтар

Өз жауабымды қалай қарауға немесе түзетуге болады?

Тәжірибенің бұл кезеңінде сіз өз жауаптарыңызды қарай немесе өзгерте алмайсыз.

Неге менен тек нысандарға баға беру ғана сұралады, алайда пікір қалдыру ұсынылмайды?

Тәжірибе аясында біз әртүрлі сұрақтар қоямыз. Олардың кейбірі мәтіндік пікір қалдыру мүмкіндігін қарастырмайды.

Мен мәтіндік пікір қалдырдым. Оны қашан және қайдан көре аламын?

Әзірге біз мәтіндік пікірлерді тек жинақтап, талдаудамыз, бірақ олар әлі жарияланбайды. Пікіріңіздің ескерілгендігі туралы сенімді болуыңыз үшін біз оны сіздің Яндекстегі логиніңізге тіркелген электрондық пошта мекенжайына да хат түрінде жібереміз.

Болашақта кейбір пікірлерді Яндекстің сервистерінде және іздеу нәтижелерінде көрсетуді жоспарлап отырмыз.

Неліктен Яндекс бұрын фильмдер мен ұйымдарды бағалауды ұсынып, қазір тоқтатып тастады?

Тәжірибеге қатысушылар Яндекс пайдаланушыларының арасынан кездейсоқ тәсілмен таңдалады. Бұл жолы сіз қатысушылар тізіміне түспеген болуыңыз мүмкін. Оған қоса, тәжірибеде шектеу әрекет етеді: егер сіз берілген нысанға баға берген болсаңыз, сізден бұл туралы қайта сұрамауға тырысамыз.

Менен Х ұйымының қызметкерімін бе, жоқпын ба деп сұрайды. Сізге оның не қажеті бар, сіздер мені аңдып жүрсіздер ме?

Біз объективті бағалар жинауға үйренгіміз келеді. Егер адам ұйымның клиенті болмаса, оған қызмет көрсету сапасына дұрыс баға беру қиын болады. Сондықтан біз осындай сұрақтар қоямыз.

Барлық жинақталған деректер Құпиялылық саясатына сәйкес сақталады.

Олардың менің ұйымыма білдіретін сенімі туралы неліктен сұрайсыз? Бұл оның беделіне нұқсан келтіруі мүмкін!

Тәжірибені іске қосар алдында, біз пайдаланушылар неліктен оң немесе теріс пікір қалдыратындығына талдау жүргіздік. Нәтижесінде, мысалы, банктер мен ұялы телефон операторларында ұйымға деген сенім өте маңызды екендігі анықталды. Бұл сауалдар біздің пайдаланушыларды толғандырады, сондықтан біз осындай сұрақ қоямыз.

Іздеу нәтижелерінде менің ұйымым туралы сауалнаманы қалай өткізуге болады? Оның бағасы қанша?

Біз мұндай сауалнамаларды тапсырыспен өткізуді жоспарлап отырған жоқпыз. Пайдаланушылардың ұйымдар туралы пікірлері — бұл тәжірибенің бөлігі. Егер тәжірибе сәтті деп танылса, біз деректерді үнемі жинап отырамыз, алайда дерек жинау тек Яндекстің іздеу сервисін жақсарту үшін ғана жүргізіледі.

Пайдаланушылардың бағалары құжаттардың саралануына әсер ете ме?

Әсер етпейді. Қазір біз бағаларды тек қана жинап, оларға талдау жүргіземіз. Егер тәжірибе сәтті деп танылса, пайдаланушылардың бағалары саралау кезінде де ескерілуі мүмкін.

Мен өз мәселемді шешемін және сұрақтарға жауап бергім келмейді!

Жауап бермеңіз. Барлық сұрақтар мен ұсыныстарға мән бермеуге болады.