Іздеуді баптау
Қажетті ақпаратты табу үшін жай ғана іздеу өрісіне сұраныс енгізіңіз. Егер сіз іздеуді дәлірек жасағыңыз келсе, кеңейтілген іздеу фильтрлерін 
(іздеу жолағының оң жағындағы белгіше) немесе сұрауды теру кезінде сұраулар тілін пайдаланыңыз.
- Егер сіз Яндекстегі өз аккаунтыңызға кірген болсаңыз, онда баптаулар сіздің Яндекс ID-ге тіркеледі. Сондай-ақ, баптаулар туралы ақпарат компьютеріңізде (cookie файлында) сақталады және сіз оны өзгерткенге дейін әрекет етеді.
- Оған қоса баптаулар нақты браузерге тіркеледі — егер браузерді ауыстырсаңыз, Яндекстегі іздеуді қайтадан баптау керек болады. Сондай-ақ, егер сіз барлық cookie файлдарын өшіріп тастасаңыз (мысалы, браузерді немесе операциялық жүйені қайта орнату кезінде), баптауларды жаңарту қажет болады.
- Егер компьютермен бірнеше пайдаланушы жұмыс істесе және онда бірнеше браузер орнатылған болса, онда әрбір пайдаланушы мен браузер үшін баптауларды жеке-жеке жасауға болады.
Баптауларға өту үшін іздеу нәтижелері көрсетілген парақшаны төмен айналдырып, Баптаулар батырмасын басыңыз.
Іздеу сыбырсөздерін баптау
Сізге сүйікті сайттарға кіруге кеңес беру және іздеу нәтижелерінде дербес жауаптарды көрсету үшін Яндекс сіздің іздеу және іздеу нәтижелерінен сайттарға өту тарихыңызды пайдаланады. Қажетті опцияларды орнатыңыз:
- Іздеу тарихын көрсету — сіз мәтінді енгізе бастаған кезде Яндекс кеңестер береді, ал іздеу нәтижелерінде алдыңғы сұраныстар тарихына негізделген жекеленген жауаптар болады. Бұл опцияны сөндіріп отыру үшін Яндексте авторизациядан өтіңіз.
- Сіз жиі кіретін сайттарды көрсету — сіз бос іздеу өрісіне басқан кезде сіздің сүйікті сайттарыңыз туралы кеңестер көрсетіледі.
- Сайттарға кіру уақытын көрсету — іздеу нәтижелерінде сіз бұрын өз сұраныстарыңызға жауап тапқан сайттарға кірген уақытыңыз көрсетіледі.
- Веб-ресурстарды жекелендіру белгілерін көрсету — іздеу нәтижелеріндегі жекеленген жауаптар арнайы белгішемен белгіленеді.
Іздеу нәтижелерінен "ересектерге арналған" парақшаларды алып тастау
Іздеу нәтижелерінен дөрекі лексика және "ересектерге арналған" мазмұнды қамтитын құжаттарды алып тастауға болады. Ол үшін баптаулар бетінің төменгі бөлігіндегі Іздеуді фильтрлеу бөлімінен қажетті режимді таңдаңыз:
- Отбасылық режим — іздеу нәтижелерінен «ересектерге арналған» контент (тіпті сұраным осындай ресурстарды іздеуге тікелей бағытталса да) толығымен алынып тасталынады.
- Қалыпты фильтр — егер сұраным осындай ресурстарды іздеуге айқын бағытталмаған болса (режим әдепкі бойынша қосулы), іздеу нәтижелерінен "ересектерге арналған" сайттар алынып тасталынады.
- Шектеулерсіз — іздеу нәтижелерінде сұраныс бойынша табылған барлық құжаттар, оның ішінде "ересектерге арналған" интернет-ресурстар да болады.
Келесі ресурстардың көмегімен іздеуді одан да қауіпсіз етіп баптауға болады:
- Hosts файлы. Файлда отбасылық іздеу режимі алдын ала орнатылған Яндекс IP мекенжайын тіркеу керек.
Яндекс іздеу нәтижелерін қалай орналастырады
Яндекс табылған құжаттың пайдаланушының сұранысына қаншалықты сай екендігіне талдау жүргізеді. Жауап қаншалықты пайдалы болса, ол іздеу нәтижелерінің парақшасында соншалықты жоғары орналасады.
Нәтижелері автоматты түрде сараланады. Бұл ретте сайт бойынша навигация ыңғайлылығы, оның құрылымы, мәтіндердің сапасы, жарнаманың бар-жоқтығы және сайттың басқа да мүмкіндіктері ескеріледі.
Толығырақ Яндекс іздеу рейтингінің принциптері бөлімінен қараңыз. Іздеу нәтижелерінде веб-сайттарды орналастыру туралы веб-шеберлерге арналған ақпарат Вебмастер Анықтамасының Сайтты индекстеу және Сайтты саралау бөлімдерінде көрсетілген.
