Ықтимал қауіпті сайт туралы ескерту

Кейде веб-ресурстарда тек пайдалы ақпарат қана емес, зиянды код та болады. Мұндай сайттарға кіру компьютерге вирус жұқтыруға, сондай-ақ деректеріңіздің бүлінуі немесе ұрлануына алып келуі мүмкін.

Пайдаланушыларды қорғау үшін Яндекс индекстелген сайттарда қауіпті кодтың бар-жоғын үнемі тексеріп отырады. Егер мұндай код табылса, қауіпті ресурстың сниппетінде келесі ескерту жазылады: "Сайт компьютер немесе мобильді құрылғыңыздың қауіпсіздігіне қауіп төндіруі мүмкін".

Парақшаларды тексеру үшін Яндекс антивирусы мен Sophos® компаниясының өнімдері пайдаланылады.

Біз науқас сайттарды іздеу нәтижелерінен өшіріп тастамаймыз, себебі сайтта сіздің сұранысыңызға сай келетін бірегей пайдалы ақпарат болуы мүмкін.

Мұндай сайтқа өту арқылы сіз өз компьютеріңіз немесе мобильді құрылғыңызға қауіп төндіресіз. Алайда вирусты жұқтырмауыңыз да мүмкін, себебі зиянды кодты орындау үшін әдетте белгілі бір шарттар қажет — мысалы, браузердің нақты бір нұсқасы немесе компьютердегі белгілі бір бағдарламалық жасақтама. Оған қоса, сайтта тек кейбір парақшалар ғана зиянды болуы мүмкін.

Дегенмен, ықтимал қауіп туралы ескертулерді елемеуге болмайды. Егер сіз әлі де сайтқа кіруіңіз керек болса, оның Сақталған көшірмесін қолданыңыз немесе қауіпсіздікті қамтамасыз ету жөніндегі өзге де шараларды қабылдаңыз.

Зарарлы кодтың парақшаларға қалай түсетіндігі және өз сайтыңызды жұқтырудан қалай қорғау керектігі туралы Вебмастер Анықтамасынан қараңыз.