Яндекс неліктен құпиясөзді өзгертуді сұрайды

Аккаунтыңызды біреу бұзған болса керек. Ағымдағы құпиясөзіңізді біліп қойған немесе тапқан бұзушының кіруін болдырмау үшін құпиясөзді өзгерту қажет.

Аккаунт бұғатталған кезде негізгі құпиясөз бен егер қолданған болсаңыз, қосымша құпиясөздері жұмыс істеуін тоқтатады. Сондай-ақ, деректерге қол жеткізуге рұқсат етілген барлық сайттар, бағдарламалар мен мобильді бағдарламалар өшіріледі. Осылайша, сіз бен бұзушы Яндекс веб-сервистері және қандай да бір қосымшалар арқылы аккаунтыңызға қолжетімділікті жоғалтасыз.

  1. Яндекс бұзу туралы қалай біледі?
  2. Яндекс құпиясөзді өзгертуді сұраса не істеу керек

Яндекс бұзу туралы қалай біледі?

Яндекс Сіздің аккаунтыңыздың белсенділігін автоматты түрде тексереді: сіздің жәшігіңізден жіберілген хат спам болып табылмай ма, авторизациялау күмәнсіз бе және т.б. Егер қандай да бір әрекеттерді өзіңіз жасай алмайтындығыңыз анық болса (мысалы, Владивосток пен Мәскеуден өз аккаунтыңызға бір сағат аралығында кіру), аккаунт автоматты түрде бұғатталады. Құпиясөзді өзгерту арқылы ғана бұғаттан шығаруға болады.

Аккаунтыңызды не үшін бұзуы және зиянкес құпиясөзіңізді қалай білуі мүмкін екенін Аккаунтыңызды қорғау бөлімінен оқыңыз.

Яндекс құпиясөзді өзгертуді сұраса не істеу керек

Егер аккаунтыңыз бұзылған болса, демек зиянкес ағымдағы құпиясөзді біледі деген сөз. Сондықтан сізге ғана белгілі болатын жаңа құпиясөзді ойлап табу қажет. Зиянкес оның көмегімен аккаунтыңызға қайта кіре алмауы үшін ескі құпиясөзді енді қолдануға болмайды.

Бұл үшін не істеу керек:

  1. Құпиясөзді өзгертпес бұрын сіз құпиясөзді енгізетін барлық компьютерлер мен құрылғыларды вирустарға тексеріңіз. Вирустың көмегімен зиянкестер сіздің құпиясөзіңізді қайта біліп алып, аккаунтыңызға кіре алады.

  2. Яндекске ағымдағы құпиясөзіңізбен кіріңіз. Құпиясөзді өзгерту беті ашылады.

  3. Тіркелгіңіздің иесі екенін растаңыз:

    • Егер сіздің аккаунтыңызға телефон нөмірі тіркелген болса, SMS-пен растау кодын сұраңыз, оны бетте енгізіңіз және Растау батырмасын басыңыз. Егер тіркелген нөмірге қолжетімділігіңіз болмаса, Бұл нөмір маған қолжетімсіз сілтемесі бойынша өтіңіз.

    • Егер аккаунтқа телефон нөмірі байланбаға болса, бақылау сұрағына жауап беріңіз. Нақты есіңізде болмаса, жауапты дұрыс енгізуге ұсынымдарымыз көмектеседі.

      Бақылау сұрағына жауап бергеннен кейін ұялы телефон нөмірін растау қажет болады. Бұл сізге болашақта аккаунтты оңай және жылдам қалпына келтіруге көмектеседі.

    Егер сіз бақылау сұрағын орнатпасаңыз және телефон нөмірін байламасаңыз, құпиясөзді өзгерту мүмкін емес. Аккаунтқа қолжетімділікті қалпына келтіру үшін сауалнаманы толтырыңыз. Егер сауалнаманы жіберу мүмкін болмаса, бізге төмендегі нысан арқылы жазыңыз.

  4. Біздің ұсынымдарымыз көмегімен жаңа құпиясөзді ойлап табыңыз.