Екі факторлы аутентификация арқылы қолжетімділікті қалпына келтіру

Бапталған Яндекс.Кілті бар телефонды жоғалтқан немесе сындырып алғаг жағдайда қолжетімділікті қалпына келтіру қажет болады. Сіздің телефоныңызды тауып алған адам сіздің аккаунтыңызға қол жеткізе алады.

Аккаунтқа қолжетімділікті қалпына келтіру үшін сізге мыналар қажет:
  • аккаунтқа байланған телефон нөмірі;
  • бір реттік құпиясөздерді баптау кезінде пайдаланылған пин-код.
Егер сізде қажетті телефон нөміріне кіру мүмкіндігі болмаса немесе сіз пин-кодты ұмытып қалсаңыз, қолдау қызметіне жүгіну үшін сауалнаманы толтырыңыз.

Қосылған бір реттік құпиясөздермен аккаунтқа қолжетімділікті сәтті қалпына келтіргенде:

  • екі факторлы аутентификация өшіріледі;
  • қосымшалардың ескі құпиясөздері жұмысын тоқтатады;
  • барлық сайттар мен бағдарламалар сіздің аккаунтыңызға қолжетімділікті жоғалтады.

Қалпына келтіргеннен кейін бірден бір реттік құпиясөз бойынша кіруді қоса аласыз.

  1. Қалпына келтіру рәсімі
  2. Егер Яндекс.Кілті бар телефонды жоғалтып алсаңыз

Қалпына келтіру рәсімі

Бір реттік құпиясөздер енгізілген аккаунтқа қолжетімділікті қалпына келтіру үшін:

  1. Нысанды толтырып, Әрі қарай батырмасын басыңыз.
  2. Аккаунтыңызға байланысты телефон нөмірін растаңыз:

    1. Енгізу өрісіне нөмірді енгізіңіз және Кодты алу батырмасын басыңыз. Сіз коды бар SMS-ты аласыз.

    2. Алынған кодты пайда болған өріске енгізіңіз.

    Егер байланған телефон нөмірі қолжетімсіз болса немесе есіңізде болмаса, қолдау қызметіне хабарласу үшін Телефон нөмірі есімде жоқ сілтемесі бойынша өтіңіз. Қолжетімділікті өзекті телефон нөмірінсіз қалпына келтіруі мүмкін емес.

  3. SMS кодын алған және дұрыс енгізген кезде сізге бір реттік құпиясөздерді баптау кезінде жасаған пин-кодты енгізуді ұсынады.

    Егер 10 рет пин-кодты қате енгізсеңіз, автоматты түрде қалпына келтіру бұғатталады. Бұл жағдайда қолжетімділікті қалпына келтіру сауалнамасын толтыру қажет болады.

  4. Егер пин-код дұрыс енгізілсе, аккаунтыңыз үшін жаңа құпиясөзді қоя аласыз. Осыдан кейін 2FA-ны қайта қосуға болады.

Үшінші тарап қосымшалары мен пошта жинағыштары үшін жаңа қосымша құпиясөздерін жасау қажет, өйткені 2FA-ны өшіргеннен кейін ескі құпиясөздер жұмыс істемейді. Жаңаларын Қолжетімділікті басқару бетінде жасауға болады.

Егер Яндекс.Кілті бар телефонды жоғалтып алсаңыз

Яндекс.Кілт үшін пин-кодты теориялық тұрғыдан таңдап алуға болады. Сондықтан жоғалған телефон нөмірі сіздің аккаунтыңызға қолжетімділікті қалпына келтіруге мүмкіндік берсе, телефонды тапқан адам мұны істей алады.

Бұзу қаупін азайту үшін:

  1. SIM-картаны ұялы операторыңыздың нұсқаулығына сәйкес бұғаттаңыз (МТС, МегаФон және Билайн операторларына арналған нұсқаулықтар). Содан кейін тіркелгіге тек сіз қол жеткізе аласыз.

  2. Жаңа SIM картасын алыңыз және жоғарыдағы нұсқаулар бойынша аккуантқа қолжетімділікті қалпына келтіріңіз.