Қосымшалар құпиясөздері

Аккаунтыңызға бөгде қосымшалардың қосылуын қосымшалар құпиясөздері арқылы бақылай аласыз. Мысалы, электрондық пошта клиенті үшін жасаған құпиясөзіңіз дискіңізге WebDAV протоколы арқылы кіруге рұқсат бермейді. Қосымшаның ешбір құпиясөзі аккаунтыңызға қосылуға мүмкіндік бермейді.

Қосымша құпиясөздерін Аккаунтты басқару бетінен жасай аласыз. Екі факторлы аутентификация қосылған кезде қосымшалардың құпиясөздері міндетті болып табылады және оларды өшіруге болмайды.

Назар аударыңыз. Яндекстің ресми қосымшалары мен бағдарламалары екі факторлы аутентификация қосылмаған жағдайда Яндекс ID құпиясөзін, ал 2FA-ны пайдалансаңыз, бір реттік құпиясөзді талап етеді.

Яндексте құпиясөзді қажет ететін әрбір үшінші тарап қосымшасы немесе бағдарламасы үшін жеке құпиясөз жасау керек:

  • электрондық пошта клиенті (Mozilla Thunderbird, Microsoft Outlook, Bat! және т. б.);
  • Яндекс.Диск үшін WebDAV-клиент;
  • Яндекс.Пошта контактілерін мобильді құрылғымен синхрондауға арналған CardDAV-клиент;
  • Яндекс.Күнтізбе үшін CalDAV-клиент;
  • Jabber-клиент (Pidgin, Adium және т. б.);
  • басқа пошта сервистерінің пошта жинаушылары (Mail.ru, Gmail, Outlook.com және басқалары).

Қосымша құпиясөзін жасау үшін:

  1. Аккаунтты басқару парақшасын ашыңыз.
  2. Құпиясөздер және авторизация бөлімінде Қосымша құпиясөздерін қосу тармағын таңдаңыз. Әрекетті растаңыз және Жаңа құпиясөзді жасау батырмасын басыңыз.

    Егер сіз екі факторлы аутентификацияны қосқан болсаңыз, жай ғана Қосымша құпиясөзін жасау батырмасын басыңыз.

  3. Бағдарлама түрін таңдаңыз.
  4. Құпиясөз атауын ойлап табыңыз, мысалы, құпиясөз жасайтын қосымшаның атын көрсетіңіз. Құпиясөз тізімде осы атаумен көрсетілетін болады.
  5. Құру батырмасын басыңыз. Қосымша құпиясөзі қалқымалы терезеде көрсетіледі.
Шектеу. Жасалған құпиясөзді тек бір рет көруге болады. Егер сіз оны қате енгізіп, терезені жапсаңыз, ағымдағы құпиясөзді жойып, жаңасын жасаңыз.

Қосымша құпиясөздерін қалпына келтіру

Сіз жасаған барлық қосымша құпиясөздері келесі жағдайларда қалпына келтіріледі:

  • сіз құпиясөзді өзгерттіңіз (екі факторлы аутентификация ажыратылған кезде);
  • сіз екі факторлы аутентификацияны қостыңыз немесе өшірдіңіз;
  • аккаунтыңызға қолжетімділікті өзіңіз немесе қолдау қызметі арқылы қалпына келтірдіңіз;
  • Барлық құрылғылардан шығу сілтемесіне Аккаунтты басқару парақшасынан өттіңіз.

Осыдан кейін сізге қажет әрбір құпиясөзді қайта жасау керек.