Кеңістіктер

  1. Жұмыс және жеке
  2. Кеңістіктер арасында ауысу жолы
  3. Жұмыс кеңістігінің ерекшеліктері
  4. Жұмыс кеңістігін қосу жолы
  5. Чатты жұмыс кеңістігіне тасымалдау жолы
  6. Сұрақтар мен жауаптар

Кеңістіктер ұйым ішінде тілдесуге арналған.

Жұмыс және жеке

Егер компанияңыз Бизнеске арналған Яндекс 360 сервисінде тіркелген болса, сіз үшін Мессенджерде екі кеңістік түрі қолжетімді болады:

  • Жеке: ұйымнан тыс адамдармен тілдесу.
  • Жұмыс: компания ішіндегі қызметкерлердің тілдесуіне арналған кеңістік. Егер адам екі ұйымда жұмыс істесе, оның екі тәуілсіз жұмыс кеңістігі болады.
    • Егер компания 2022 ж. 1-шілдеден кейін тіркелген болса, жұмыс кеңістігі әдепкісінше қосулы болады. Ұйымыңыздың кеңістігіне ауысыңыз.
    • Егер компания 2022 ж. 1-шілдеге дейін тіркелген болса, сізде жұмыс кеңістігі болмауы мүмкін. Әкімшіден оны қосуды сұраңыз.

Кеңістіктер арасында ауысу жолы

  1. (немесе iOS операциялық жүйесінде Реттеулер) түймесін басыңыз.
  2. Кеңістіктер блогында қажетті кеңістікті таңдаңыз.

Жұмыс кеңістігінің ерекшеліктері

Жұмыс кеңістігі сыртқы пайдаланушылардан жабық:

  • Бизнеске арналған Яндекс 360 мекенжай кітапшасындағы контактілер ғана көрсетіледі.
  • Тікелей сілтемесі болса да, чатқа сыртқы пайдаланушылар кіре алмайды.

Бұл жерде жұмыс істеу үшін барлық шарттар жасалған:

  • Чаттарға жеке қызметкерлерді ғана емес, сонымен қатар бөлімшелерді немесе топтарды қосуға болады. Бизнеске арналған Яндекс 360 сервисінде көрсетілетін штаттағы барлық өзгерістер жұмыс кеңістігінде автоматты түрде көрсетіледі.
  • Пайдаланушы профилінде қызметкердің бөлімі мен жұмыс топтары көрсетіледі.
  • Пайдаланушылар үшін Мессенджердің барлық функциялары қолжетімді: чаттарда тілдесу және т.б.

Жұмыс кеңістігін қосу жолы

Ескертпе. Жұмыс кеңістігін әкімші ғана қоса алады.

Қолдау қызметіне қосылу туралы өтінім жіберіңіз. Өтінім жібергеннен кейін, жұмыс кеңістігіне қызметкерлер арасындағы барлық жеке және топтық чаттар тасымалданады. Сыртқы пайдаланушылары бар чаттар тасымалданбайды. Әкімші сыртқы пайдаланушыларды жойып, оны қолмен тасымалдай алады.

Чатты жұмыс кеңістігіне тасымалдау жолы

Ескертпе. Чатты тек оның әкімшісі тасымалдай алады.

Егер чатта сыртқы пайдаланушылар бар болса, Мессенджер оны қауіпсіздік мақсатында жабық кеңістікке тасымалдамайды. Чатты қолмен тасымалдаңыз:

  1. Чаттан сыртқы пайдаланушыларды жойыңыз.
  2. Жоғарғы оң жақта белгішесін (iOS операциялық жүйесінде) басып, Чатты тасымалдау опциясын таңдаңыз.

Сұрақтар мен жауаптар

Жұмыс чаттары жоғалды, іздеуде әріптестерімді табу мүмкін емес
Жұмыс кеңістігіне ауыспаған болуыңыз мүмкін. Оған өту үшін:
  1. (немесе iOS операциялық жүйесінде Реттеулер) түймесін басыңыз.
  2. Кеңістіктер блогында қажетті кеңістікті таңдаңыз.

Егер ережелерді бұзатын жарияланымды немесе комментарийді байқасаңыз немесе хабарыңыз қателікпен жойылды деп санасаңыз, қолдау қызметіне жазыңыз.