Ережелерді жасау және баптау

Ережені қалай құрады?

Назар аударыңыз

Берілген ережелер тек жаңа хаттар үшін әрекет етеді. Пошта жәшігіндегі хаттар автоматты түрде өңделмейді. Ережені қолданыстағы хаттарға қолданғыңыз келсе, Қолданыстағы хаттарға қолдану батырмасын басыңыз.

  1. Жоғарғы оң жақ бұрыштағы → Барлық баптаулар белгішесін басыңыз.

  2. Хаттарды өңдеу ережелерін таңдаңыз.

  3. Ережені құру батырмасын басыңыз.

  4. Қолдану бөлімінде ережені хаттардың қай түріне қолданғыңыз келетінін тізімнен таңдаңыз:

  5. Егер бөлімінде өңдеу шарттарын көрсетіңіз:

    Яндекс Күнтізбенің хаттарын сұрыптауды баптау

    Фильтрге Күнтізбеден кез келген жіберуші жіберген оқиғаның жасалғаны, өзгергені және өшірілгені туралы хаттар түсу үшін, мына шартты көрсетіңіз: Тақырып "X-Mailer"**** Yandex Calendar тақырыбына сәйкес келеді.

  6. Бір ереже үшін бір уақытта немесе жеке орындалуы мүмкін бірнеше шарттарды қоюға болады:

    1. Егер бөлімінде Шартты қосу батырмасын таңдаңыз.
    2. Көрсетілген шарттар бір мезгілде орындалуы керек пе, нақтылаңыз:

  7. Әрекетті орындау бөлімінде хатпен не істеу керектігін таңдаңыз: жою, оқылған деп белгілеу, қалтаға қою, белгі қою, мекенжайға жіберу немесе хабарлау, мәтінмен жауап беру.

  8. Қажет болса, Қалған ережелерді қолданбау опциясын қосыңыз (Ережелерді орындау тармағын қараңыз).

  9. Ереженің атын қойғыңыз келсе, атауын көрсету сілтемесін басыңыз.

  10. Ережені сақтау үшін Ережені құру батырмасын басыңыз.

Ережені тексеру

Қолданыстағы хаттардың қайсысы ереженің ықпалына түсетінін біле аласыз. Ол үшін ережені ашып, Ережені тексеру батырмасын басыңыз.

Ережені өзгерту

Ережені өзгерту, өшіру немесе жою үшін Поштаны өңдеу ережелері парағының оң жағындағы сілтемелерді пайдаланыңыз.

Ережелерді орындау тәртібі

Ережелерді орындау тәртібі олардың Поштаны өңдеу ережелері тізімінде орналасуына байланысты — ереже жоғары болған сайын, соғұрлым ертерек орындалады. Ереже басымдығын көтергіңіз келсе, оны жоғары позицияға сүйреңіз. Егер бірдей шарттары бар бірнеше ереже үшін бір уақытта орындалуы мүмкін емес әрекеттер қойылса, онда осы ережелердің тек біреуі ғана — тізімде жоғарыда орналасқаны жұмыс істейді.

Мысал

Алиса шайды кейде wonderlandtea.com сайтынан сатып алады. Ол сайттағы акциялар туралы хаттар мен оның сатып алған заттары туралы мәліметі бар хаттар алады. Барлық жарнамалық хаттарды жіберу, бірақ тапсырыс туралы деректерді жоғалтпау үшін Алиса екі ережені реттейді:

  • mailer@wonderlandtea.com мекен-жайынан келетін хаттарды «Жойылған» қалтасына көшіру;
  • mailer@wonderlandtea.com мекен-жайынан келген хаттағы тақырыбында «Тапсырыс» сөзі бар хаттарды «Тапсырыстар» қалтасына көшіру.
    Егер бірінші ереже екіншісінен жоғары болса, онда тапсырыстар туралы хаттарды қоса алғанда, барлық хаттар жойылады.Тапсырыс туралы хаттар жоғалмауы үшін Алиса екінші ережені біріншісінен бір саты жоғары қояды. Хат «Кіріс» қалтасына келгенде Яндекс Пошта хат тақырыбында «Тапсырыс» сөзі бар-жоғын тексереді. Егер иә болса, оны «Тапсырыстар» қалтасына жылжытады, ал жоқ болса — хатты жояды.

Егер бір хат бірден бірнеше ережеге келіссе, бірақ сізге тек нақты бір ереженің орындалғаны қажет болса, Қалған ережелерді қолданбау опциясын таңдаңыз. Бұл ретте, төменде көрсетілген ереже орындалмайды, ал жоғарыда орналасқан ережелер жұмыс істейді.

Мысал

Алиса және Чешир мысығы бірге бір жобада жұмыс істейді. Алисаның мекен-жайына тапсырыс берушілерден хаттар мен Мысық та қарауы тиіс іскерлік ұсыныстар, сонымен бірге Ақ қояннан келетін жеке хаттар да келеді. Барлық іскерлік хаттар Мысық жәшігіне жіберілуі үшін, ал Қоянның хаттары тек оның жәшігінде ғана қалып, маңызды ретінде белгіленгені қажет болса, Алиса ережені осылайша реттейді:

  • just.white.rabbit@yandex.ru мекен-жайынан келетін хаттарды маңызды деп белгілеу, Қалған ережелерді қолданбау опциясы қосулы;
  • барлық хаттарды cheshire.katze@yandex.ru мекен-жайына жіберу.

Егер бірінші ережеде Қалған ережелерді қолданбау опциясын қоспаса, онда Мысық жәшігіне Қоян хаттарын қоса алғанда, барлық хаттар жіберіледі. Қоянның хаттары жәшікте қалып, маңызды болып, қалғандары Мысық жәшігіне жіберілгені қажет болса, Алиса осы опцияны қосады. Хат «Кіріс» қалтасына келгенде, Яндекс Пошта Кімнен өрісі just.white.rabbit@yandex.ru мекенжайына сәйкес келіп-келмейтінін тексереді. Сәйкес келсе, оны маңызды деп белгілейді, келмесе, хатты cheshire.katze@yandex.ru мекенжайына жібереді.

Ереже жұмыс істемейді

Бұл келесі себептер бойынша орын алуы мүмкін:

Яндекс ID-де жеке деректер көрсетілмеген

Яндекс ID баптауларында сенімді жеке мәліметтерді енгізіңіз және аккаунтқа телефон нөмірін тіркеңіз. Қауіпсіздік жүйесі аккаунтыңызды күдікті танып, жәшігіңізді бұғаттаған болуы мүмкін. Әдетте мұның бәрі жәшікке телефон нөмірі байланбаған немесе Яндекс ID-де жалған аты-жөні көрсетілгеннен орын алып жатады. Бұғаттауды шешуге бірнеше сағат кетуі мүмкін.

Ережені баптаудан кейін аз уақыт өтті

Сіз автоматты хаттарды өңдеу ережесін баптағаннан кейін, бірнеше минут күтіңіз — ереже бірден жұмыс істемеуі мүмкін.

Ереже шарттары дұрыс көрсетілмеген

Қасиеттері мен параметрлері шарттарын тексеріңіз.

Яндекс Күнтізбенің хаттарын сұрыптау істемей жатса

Яндекс Күнтізбе жіберген хаттарда Жіберуші өрісінде info@calendar.yandex.kz мекенжайы бұдан былай жоқ. Бұл мекенжаймен толық сәйкестік бойынша бапталған сұрыптау енді істемейді. Оны түзету үшін Күнтізбенің хаттарын өңдеу ережесінде ескі шартты өшіріп, жаңасын белгілеңіз: Тақырып "X-Mailer"**** Yandex Calendar тақырыбына сай келеді. Фильтрге Күнтізбеден кез келген жіберуші жіберген оқиғаның жасалғаны, өзгергені және өшірілгені туралы хаттар түсетін болады.

Ереже тізімінде басым ережелер бар

Егер тізімде жоғарыда орналасқан шарттары бар ережелер бар болса немесе ережелердің бірінше Қалған ережелерді қолданбау опциясы тұрған болса, онда бұл ережені орындауға әсер етуі мүмкін. Толығырақ Ережелерді орындау тәртібі бөлімін қараңыз.

Хаттарды жинаушы Кіріс жәшігіне жинамады

Егер жәшікке хат басқа жәшіктен түссе, яғни хаттарды жинау бапталса, және Кіріс қалтасында болмаса, оған ереже әсер етпейді.

Егер бірнеше минуттан кейін ереже жұмыс істемесе және параметрлерді өзгерту көмектеспесе, беттің төменгі жағындағы үлгі арқылы Яндекс Пошта қолдау қызметіне жазыңыз.

Хаттарды өздері алып тастайды немесе қалтаға орналастырады

Хаттар төмендегі себептерге байланысты жойылуы немесе тасымалдануы мүмкін:

Хаттарды алып тастайтын немесе жылжытатын ереже бапталған

Хаттарды өңдеу ережелерінде кіріс хаттарды жою немесе басқа қалталарға жылжыту үшін бапталған ережелердің жоқтығына көз жеткізіңіз. Егер бар болса, оларды өшіруге тырысыңыз және хаттардың Кіріс қалтасына келетіндігін тексеріп көріңіз.

Егер мұндай ереже бар болса және сіз оны жасамағаныңызды есте сақтаңыз, онда ереже автоматты түрде жасалған. Мұндай жағдай хатты басқа қалтаға тасымалдап, содан кейін «Ондай хаттарды қалтаға тасымалдау керек пе?» хабарына «Иә» деп жауап бергенде орын алады.

Жіберуші өшірілген тарату хаттары тізіміне енгізілген

Жойылғандар қалтасына тарату хаттарын басқару арқылы өшірілген таратылымдардағы хаттар түседі. Баптауларда Тарату хаттарын басқару бөлімін таңдаңыз, Өшірілгендер қойындысына өтіңіз және онда қажетті жіберушінің бар-жоғын тексеріңіз. Тарату хаттарын жіберушіден келген хаттар Кіріс қалтасына келуі үшін, тарату хаттарын белгілеп, Осы жіберушінің хаттарын алу түймесін басыңыз.
Қолдау қызметіне жазу
Алдыңғы
Хаттарды өңдеу ережесі
Келесі
Хаттарды қалталар бойынша автоматты түрде сұрыптау