Қосымша мекенжайлар

Сіз әр түрлі жіберу мекенжайларын пайдалана отырып, хат-хабар алыса аласыз — сіздің Яндекстегі негізгі пошта мекенжайыңыз, пошталық алиастардың бірі немесе басқа сервистегі мекенжайыңыз (мысалы, Gmail немесе Mail.Ru).

  1. Пошта алиастары
  2. Әдемі пошта мекенжайы
  3. Басқа сервистердегі пошталық мекенжайлар
  4. Хаттың қай мекенжайдан жіберілетінін таңдау

Пошта алиастары

Яндекске тіркелгенде, сіз келесі пошта мекенжайларын аласыз:

  • сіздің еліңіздің доменіндегі негізгі мекенжай, мысалы alice.the.girl@yandex.kz;
  • қосымша мекенжайлар:
    • ru (Ресей), by (Беларусь) ұлттық домендерінде;
    • com доменінде;
    • ya.ru доменінде.
Ескертпе. Қосымша мекенжайлардың нақты тізімі Яндекс ID-ге көрсетілген елге тікелей байланысты.

Қосымша мекенжайлар негізгі пошта мекенжайыңыздың алиастары болып табылады.

Алиастар логиніңіздің бірегейлігін сақтау үшін қажет. Егер сіз Яндекске Қазақстанда тіркелген болсаңыз, Беларусь немесе Ресейдегі басқа пайдаланушы сіздің пошта жәшігіңіздің дәл осындай логині бар көшірмесін жасай алмайды.

Ескертпе. Егер сіз нүкте белгісі бар логинмен жәшік жасасаңыз, мысалы alice.the.girl, домендік алиастардан бөлік alice-the-girl түріндегі алиас логині құрылады.

Сондай-ақ, сіз алиас ретінде телефон нөміріңізді пайдалана аласыз.

Әдемі пошта мекенжайы

Егер сізде Яндекс 360 Премиум бар болса, сіз әдемі пошта мекенжайын қоса аласыз. Оны есте сақтау оңай және бөлісу жеңіл. Мысалы, бұл inbox@ivansytin.ru немесе alex@design-kukhni.ru деген мекенжай болуы мүмкін.

Сіз әдемі мекенжайды қосқан кезде, ол сіздің Яндекстегі негізгі пошта мекенжайыңыздың алиасы болады. Жаңа мекенжай барлық хаттарды жіберу үшін әдепкі түрде пайдаланылатын болады.

Яндекс 360 Премиум аяқталған жағдайда әдемі мекенжай сізге тағы 30 күн ішінде қолжетімді болады — осылайша сіз Премиумды қайта жаңартып үлгере аласыз. 30 күннен кейін әдемі мекенжай ажыратылады.

Әдемі пошта мекенжайын әзірше тек .ru домендік аймағында ғана алуға болады.

Яндекс таңдалған доменді тек сіздің поштаңыздың мекенжайы үшін ғана пайдалануға береді. Доменде бөлек сайт орналастыруға, оған басқа пошта мекенжайларын қосуға немесе оны ұйымның домені ретінде пайдалануға болмайды. Домен сіздің поштаңызға Премиум әрекет ететін кезеңде немесе әдемі мекенжайды ажыратқан сәтке дейін бекітілетін болады. Осылайша, сіз әдемі пошта мекенжайын пайдаланып жатқан кезде, басқа ешкім дәл осындай доменді қоса алмайды.

Доменде корпоративтік поштаны қосу тек бизнеске арналған Яндекс 360 үшін ғана қолжетімді. Әдемі мекенжайды пайдалану шарттары туралы толығырақ құқықтық құжаттардан оқып білуге болады.

  1. Қалай қосуға болады
  2. Қалай сөндіруге болады

Қалай қосуға болады

  1. Жоғарғы оң жақ бұрыштағы таңбасын басыңыз және әдемі мекенжайды қосуды таңдаңыз.
  2. Ұнаған мекенжайды таңдаңыз немесе бос екендігіне көз жеткізіп, өзіңіздікін енгізіңіз.
    Ескертпе. Таңдалған мекенжайда қоғамдық мүдделерге, адамгершілік және мораль қағидаларына қайшы келетін сөздер болмауы керек. Оған қоса мұнда әдепсіз сөздер, адамгершілікке жат үндеулер, адамзат қадірін қорлайтын сөздер, діне наным-сенімдер және т.б. жатады.
  3. Таңдау батырмасын басыңыз. Егер сізде Яндекс 360 Премиум болмаса, мекенжайды таңдағаннан кейін Премиум тарифтердің бірін қосу қажет.

Бір пайдаланушыға тек бір әдемі пошта мекенжайын қосуға болады.

Қалай сөндіруге болады

Назар аударыңыз. Әдемі мекенжай сөндірілген кезде, сіз одан хаттар жібере алмайсыз, оған хат ала алмайсыз және оны Поштаға кіру үшін пайдалана алмайсыз. Ал таңдалған доменді басқа пайдаланушылар иемденіп алуы мүмкін.
  1. Оң жақ жоғарғы бұрыштағы  → Барлық баптаулар таңбасына басыңыз.
  2. Әдемі мекенжайды таңдаңыз.
  3. Өшіру таңбасын басып, әрекетті растаңыз.

Осыдан кейін хаттарды жіберу үшін yandex.ru домені бар негізгі мекенжай әдепкі түрде қолданылатын болады.

Әдемі мекенжайды қайта қосуға болады, бірақ ол үшін жарты жылдан кем емес уақыт керек. Ал егер сіз әдемі мекенжайды сол доменде қосқыңыз келсе, домен бос болуы керек.

Егер әдемі пошта мекенжайы туралы сұрақтарыңыз бар болса, бізге парақшаның төменгі бөлігіндегі форма арқылы жазыңыз.

Басқа сервистердегі пошталық мекенжайлар

Егер сіз алушыға хаттың басқа сервистегі электрондық поштаңыздың мекенжайынан келгенін қаласаңыз (мысалы, Gmail немесе Mail.Ru), Электронды пошта мекенжайлары бетінде осы мекенжайды қосыңыз және оған кіруді растаңыз. Расталғаннан кейін Кімнен өрісінде Яндекстегі мекенжайыңыздың алиасын ғана таңдап қоймай, басқа сервистегі пошта мекенжайын да таңдай аласыз.

Назар аударыңыз. Егер сіз басқа пошталық сервистегі жәшіктің мекенжайын қоссаңыз, одан Яндекстегі жәшіктехаттардың жинаушысын баптаңыз. Жинаушы бапталмаса, хаттар осы мекен-жайдан жіберілмейді. Жинаушыны баптаған кезде логин орнына мекенжайды толық көрсетіңіз, мысалы cheshire.katze@forestmail.com.

Егер дұрыс бапталған жинаушыға қарамастан хаттар басқа пошта сервисіндегі мекен-жайдан жіберілмесе, бұл сервистің қауіпсіздік ережелері хаттарды басқа пошта сервистері арқылы, соның ішінде Яндекс Пошта арқылы жіберуге тыйым салады деген сөз.

Хаттың қай мекенжайдан жіберілетінін таңдау

Барлық хаттар үшін

Жеке деректердің баптаулар бөлімінде хаттың қай мекен-жайдан жіберілетінін таңдай аласыз . Бұл мекенжай барлық хаттар үшін әдепкі түрде пайдаланылады. Сондай-ақ, ол пайдаланушының аты мен портретіне басқан кезде Яндекс Пошта парақшасының жоғарғы оң жақ бұрышында көрсетіледі.

Нақты хат үшін

Жіберу мекенжайын хатты жасау парақшасында таңдауға болады. Таңдалған мекенжай нақты осы хат үшін ғана пайдаланылатын болады.

  1. Оң жақ жоғарғы бұрыштағы Көшірмелері, Кімнен батырмасын басыңыз.
  2. Кімнен өрісіндегі атқа басыңыз.