"Барлық кіріс хаттар" қалтасы

  1. Қалтаны қосу немесе өшіру
  2. Оқылмағандарын ғана көрсету
  3. Қалтадағы хаттармен әрекеттер

Егер сіз Пошта қосымшасында бірнеше аккаунтты қолдансаңыз, барлық қосылған жәшіктердің кіріс хаттарын бір жерде — Барлық кіріс хаттар қалтасында оқуға болады.

Онда тек Кіріс хаттар қалтасындағы хаттар көрсетіледі. Басқа қалталардағы хаттар (Таратылым, Әлеуметтік желілер, сондай-ақ сіз жасаған басқа қалталар) Барлық кіріс хаттар қалтасына түспейді.

Ескертпе. Қалта бағдарламада 2-ден 5-ке дейін аккаунт, оның ішінде сыртқылардан (Mail.Ru, Google, Outlook.com, Hotmail, Rambler, Yahoo!, QIP, NGS немесе басқа электрондық пошта қызметтері) қосылған болса, пайда болады.

Қалтаны қосу немесе өшіру

  1. Экранды солға сүйреңіз.
  2. Баптаулар батырмасын басыңыз (қалталар мен белгілер тізімінің астында).
  3. Барлық кіріс хаттар бөліміндегі «Барлық кіріс хаттарды» көрсету опциясын қосыңыз немесе өшіріңіз.

Егер Барлық кіріс хаттар поштаға кірген кезде бірден ашылғанын қаласаңыз, Әдепкі бойынша ашу опциясын да қосыңыз.

Оқылмағандарын ғана көрсету

Барлық кіріс хаттар қалтасындағы оқылмаған хаттарды тезірек табу үшін сүзгіні қосыңыз: қалтаның жоғарғы оң жақ бұрышындағы белгішесін басыңыз.

Барлық хаттарды қайта көрсету үшін белгішесін басыңыз.

Қалтадағы хаттармен әрекеттер

Сіз хатқа Барлық кіріс хаттар қалтасы ішінде тікелей жауап бере аласыз: жауапта Кімнен өрісінде хат келген жәшіктің мекенжайы автоматты түрде қойылады.

Хаттарды іздеу, ауыстыру және таңбалар қою сіз ауысқан аккаунт үшін ғана істейді.

Егер сіз Яндекс.Пошта қосымшасымен жұмыс барысында қиындыққа тап болсаңыз, қосымшадағы кері байланыс үлгісі арқылы қате туралы хабарлаңыз:

  1. Экранды солға сүйреңіз.
  2. Қалталар тізімінің астындағы Анықтама және қолдау тармағын таңдаңыз.
  3. Қиындық тармағын таңдаңыз.
  4. Қиындық тақырыбын таңдаңыз.
  5. Мәселені барынша егжей-тегжейлі сипаттаңыз.
Назар аударыңыз. Ұялы қосымшаға байланысты мәселелер бойынша Анықтама парақшасы арқылы емес, қосымшаның өзінен жазуыңызды өтінеміз. Солайша өтінішіңіз қажетті мамандарға түсіп, тезірек жауап ала аласыз. Сондай-ақ, қосымшадан жіберген кезде мамандарымыз қиындықты шешуге көмектесетін техникалық ақпаратты көреді. Егер қосымша кенеттен жұмысын аяқтаса және одан бізге жаза алмасаңыз, қате туралы хабарламаны төмендегі кері байланыс үлгісі арқылы жіберіңіз.