Контактілерді басқару

Поштадағы контактілерді басқару үшін мекенжай кітабы пайдаланылады. Оны ашу үшін төменгі оң жақ бұрыштағы Тағы батырмасын басыңыз және Контактілер жолын таңдаңыз.
  1. Контакт карточкасы
  2. Контактіні қосу
  3. Контактіні өзгерту
  4. Контактіні жою
  5. Контактіні іздеу
  6. Пошта контактілерін телефонмен синхрондау

Контакт карточкасы

Әрбір контакт туралы ақпарат оның карточкасында жинақталған. Оны көру үшін мекенжай кітабындағы немесе хатты оқу парақшасындағы контактінің атын нұқыңыз.

Контакт карточкасында мына әрекеттерді орындай аласыз:

  • хат алмасу тарихын қарап шығу;
  • хаттарды берілген критерийлер — тіркемелер, қалта, күн, жіберуші, алушы, мазмұны және басқалары бойынша табу;
  • хат жазуға тез өту;
  • Яндекс.Күнтізбеде кездесу тағайындау;
  • Яндекс.Мессенджерде сөйлесуді бастау;
  • көрсетілген телефон нөміріне қоңырау шалу.

Контактіні қосу

Мекенжай кітабы автоматты түрде сіз жазған мекенжайлардан қалыптасады.

Сондай-ақ, мекенжайды қолмен қосуға болады:

  1. батырмасын басыңыз.

  2. Контактіні өңдеу терезесіндегі өрістерді толтырыңыз.

  3. Өзгертулерді сақтау үшін Дайын батырмасын басыңыз.

Егер контактінің аты анық көрсетілмесе және адресат сізге жауап берсе, мекенжай кітабына оның пошта баптауларында көрсетілген аты қойылады.

Контактіні өзгерту

Контакт жайлы ақпарат — аты, электрондық пошта, телефон, туған күні, түсініктемені — сіз келесі әдістердің бірімен өзгерте немесе қоса аласыз:

  • Мекенжай кітабының интерфейсі арқылы. Тізімнен контактіні таңдаңыз. Жоғарғы оң жақ бұрыштағы  → Контактіні өзгерту белгішесін басып, контакт туралы жаңа ақпаратты енгізіңіз және өзгертулерді сақтаңыз.
  • Контакт карточкасындағы хатты оқу парақшасында. Хатты ашыңыз және жіберушінің атына басыңыз. Жоғарғы оң жақ бұрыштағы  → Контактіні өзгерту белгішесін басып, контакт туралы жаңа ақпаратты енгізіңіз және өзгертулерді сақтаңыз.

Контактіні жою

Мекенжай кітабындағы контактіні келесі әдістердің бірімен жоюға болады:

  • Мекенжай кітабының интерфейсі арқылы. Тізімнен контактіні таңдаңыз. Жоғарғы оң оң жақ бұрыштағы  → Контактіні жою белгішесін басыңыз.
  • Контакт карточкасындағы хатты оқу парақшасында. Хатты ашыңыз және жіберушінің атына басыңыз. Жоғарғы оң оң жақ бұрыштағы  → Контактіні жою белгішесін басыңыз.

Контактіні іздеу

Мекенжай кітабындағы контактіні тез табу үшін аты мен тегінің тікелей және кері транслитерациясын қолдайтын кірістірілген іздеуді пайдаланыңыз. Мысалы, "Безумный шляпник" контактісін іздеу үшін латынша "b" және кириллицада "б" да қолданылады.

Егер сіз хат жазу кезінде Кімге өрісіндегі аты, тегі немесе электрондық пошта мекенжайының бірінші әріптерін енгізсеңіз, қалқымалы кеңестер түрінде сәйкес контактілердің тізімін көресіз. Алмастырып қою үшін ең алдымен сіз осы жақында жазысқан мекенжай иелері таңдалады.

Егер сіз Яндекс.Пошта қосымшасымен жұмыс барысында қиындыққа тап болсаңыз, қосымшадағы кері байланыс үлгісі арқылы қате туралы хабарлаңыз:

  1. Экранды солға сүйреңіз.
  2. Қалталар тізімінің астындағы Анықтама және қолдау тармағын таңдаңыз.
  3. Қиындық тармағын таңдаңыз.
  4. Қиындық тақырыбын таңдаңыз.
  5. Мәселені барынша егжей-тегжейлі сипаттаңыз.
Назар аударыңыз. Ұялы қосымшаға байланысты мәселелер бойынша Анықтама парақшасы арқылы емес, қосымшаның өзінен жазуыңызды өтінеміз. Солайша өтінішіңіз қажетті мамандарға түсіп, тезірек жауап ала аласыз. Сондай-ақ, қосымшадан жіберген кезде мамандарымыз қиындықты шешуге көмектесетін техникалық ақпаратты көреді. Егер қосымша кенеттен жұмысын аяқтаса және одан бізге жаза алмасаңыз, қате туралы хабарламаны төмендегі кері байланыс үлгісі арқылы жіберіңіз.