Хаттардың санаттары

Яндекс Пошта әртүрлі санаттағы хаттармен жұмысты жеңілдетеді. Кіріс хаттарды автоматты түрде Таратылымдар, Әлеуметтік желілер және Тіркемелері бар қалталарға сұрыптауға болады.

Таратылымдар және Әлеуметтік желілер қалталарына түсетін хаттар тек осы қалталарда жатады және басқа қалталарға түспейді. Тіркемесі бар хаттар ең алдымен өздері түскен қалталарда сақталады, ал Тіркемесі бар қалтасында олар іздеу ыңғайлы болу үшін көрсетіледі.

Санаттары бар жүйелік қалталарды сөндіру үшін:
  1. Экранның жоғарғы сол жақ бұрышындағы белгішесін басыңыз.
  2. Қалталар үстіндегі Баптаулар батырмасын басыңыз.
  3. Негізгіні таңдаңыз.
  4. Кіріс хаттарды сұрыптау опциясын сөндіріңіз.

Осыдан кейін әлеуметтік желілердің хаттары мен таратылым хаттары Кіріс және басқа қалталарға қайтарылады.

Егер сіз Яндекс Поштаның мобильді нұсқасы арқылы жұмыс істесеңіз, қате туралы хабарламаны мобильді нұсқадағы кері байланыс үлгісі арқылы жіберіңіз:

  1. Экранның жоғарғы сол жақ бұрышындағы белгішесін басыңыз.
  2. Баптаулар → Анықтама және қолдау → Кері байланыс батырмасын басыңыз.
  3. Мәселені барынша егжей-тегжейлі сипаттаңыз.
Назар аударыңыз. Поштаның мобильді нұсқасына байланысты мәселелер бойынша Анықтама парақшасынан емес, мобильді нұсқа парақшасынан жазуыңызды өтінеміз. Солайша өтініш қажетті мамандарға түсіп, тезірек жауап ала аласыз. Сондай-ақ, Поштадан жіберген кезде мамандарымыз қиындықты шешуге көмектесетін техникалық ақпаратты көреді.

Егер мобильді Пошта ашылмаса және одан бізге жаза алмасаңыз, қате туралы хабарламаны төмендегі кері байланыс нысаны арқылы жіберіңіз.