Сұрақтар мен жауаптар

Интернетометр ақпаратты қайдан алады?

Қызмет бірнеше дереккөздерден мәлімет алады: мысалы, орналасқан жерін IP арқылы анықтайды, ал интернет қосылысының жылдамдығын Яндекс серверімен деректерді алмасқаннан кейін анықтайды. Егер сіз авторизацияланған болсаңыз, ақпараттың бір бөлігін Интернетометр Яндекстегі аккаунтыңыздан ала алады.

Кейбір жағдайларда Интернетометр қате ақпаратты көрсете алады, бұл оның дереккөзіне байланысты болуы мүмкін. Мысалы, егер сіз VPN пайдалансаңыз, қызмет сіздің IP және орналасқан жеріңізді дұрыс анықтай алмайды, ал браузердегі бет масштабын өзгерткен болсаңыз, экран ажыратымдылығы мен түс тереңдігі туралы ақпарат та қате болады.

Менде неліктен екі IP-мекен-жай көрсетіледі?

IP — интернет-хаттама, соның арқасында компьютерлер Интернет желісіне байланысады. Бұл хаттаманың екі нұсқасы бар: IPv4 және IPv6. Әрбір компьютердің нұсқасына байланысты әртүрлі көрінетін өзінің бірегей IP-мекен-жайы бар.

Көптеген пайдаланушыларда тек бір IP-мекен-жай бар — IPv4. Кейбіреулерде бір уақытта екі мекен-жай болуы мүмкін: IPv4 және IPv6.

Егер сіз интернетке IPv4 және IPv6 арқылы қосылған болсаңыз, тізімде бірінші болып браузеріңіз Интернетометрге барған IP мекен-жайы болады. Ол арқылы интернет-қосылу жылдамдығы өлшенеді.

Яндекс cookie-лерін қалай жоюға болады?

Cookie (куки) — бұл браузер сіз кірген сайттардан деректер, мысалы, логин, құпиясөздер және баптауларды жазып алатын шағын файлдар. Яндекс сайттарына кіру деректерін жою үшін төменде Интернетометр бетінде cookie-ді жою батырмасын басыңыз және әрекетті растаңыз.

Егер сіз барлық cookie-ді жойғыңыз келсе, браузеріңізге арналған ұсынымдарды қолданыңыз.

Кері байланыс

Егер сіз қиындыққа тап болсаңыз немесе Интернетометрді қалай жақсартуға болатыны туралы ой-пікіріңіз болса, төмендегі нысан арқылы хабарласыңыз.