Аккаунтты жоя алмай тұрмын

Егер Яндекстің қандай да бір сервисіндегі деректерді жойғыңыз келсе, аккаунтты жоюдың қажеті жоқ — сіз оны аккаунттың баптаулары арқылы өшіре аласыз. Толығырақ Деректерді жою бөлімінен қараңыз. Сондай-ақ, қажет емес фотосуреттерді жою, спамды өшіру немесе бақылау сұрағына ұмытылған жауапты осы деректерді сақтайтын сервистің көмегімен өзгертуге болады. Сіз өз мәселеңіздің шешімін сәйкесінше сервис анықтамасынан таба аласыз — олардың барлығы Анықтаманың басты бетінде тізімделген.

Назар аударыңыз. Аккаунтпен бірге Яндекс қызметтері деректеріне қатысты барлық деректер қалпына келтіру мүмкіндігінсіз жойылады (мысалы, Поштадағы хаттар немесе Дискідегі файлдар). Жойылған логинмен аккаунтты қайта тіркеу 6 айдан кейін ғана қолжетімді болады.

Өз аккаунтыңызды толықтай өшіру үшін Деректер қойындысына өтіңіз және парақшаның төменгі бөлігіндегі Аккаунтты жою батырмасын басыңыз. Жоюды ұялы телефоныңызға немесе электрондық пошта мекенжайына жіберілген кодпен растау қажет.

Егер сіз қосымша мекенжайды да, телефон нөмірін де тіркемеген болсаңыз, бақылау сұрағына жауап беруге тура келеді. Егер жауап есіңізде болмаса, Бақылау сұрағына жауап есімде жоқ бетіндегі нұсқауларды пайдаланыңыз.