Яндекс неліктен құпиясөзді өзгертуімді сұрайды

Сіздің аккаунтыңыз бұзылған немесе құпиясөз көпшілікке қолжетімді жерден табылған болуы мүмкін. Өз аккаунтыңызды бұзудан қорғау үшін құпиясөзді өзгерту қажет.

Аккаунт бұғатталған кезде негізгі құпиясөз бен егер қолданып жүрген болсаңыз, қосымшалар құпиясөздері жұмысын тоқтатады. Сондай-ақ, сіз деректерге қол жеткізуге рұқсат берген барлық сайттар, бағдарламалар мен мобильді қосымшалар өшіріледі. Осылайша, сіз де, бұзушы да Яндекс веб-қызметтері және қандай да бір қосымшалар арқылы сіздің аккаунтыңызға қолжетімділікті жоғалтасыз.

Күдікті белсенділік

Яндекс автоматты түрде аккаунтыңыздың белсенділігін тексереді: сіздің жәшігіңізден жіберілген хаттар спам емес пе, авторизация күдікті емес пе және т.б.

Егер сіз қандай да бір әрекеттерді өзіңіз жасай алмағаныңыз анық болса (мысалы, Владивосток пен Мәскеуден бір сағаттық интервалмен аккаунтыңызға кіру), аккаунт автоматты түрде бұғатталады. Оны ашу үшін құпиясөзді өзгерту қажет.

Құпиясөз көпшілікке қолжетімді

Тексеру үшін Яндекс құпиясөздер базасын пайдаланады, ол үнемі толығып отырады. Онда әлдебір тәсілмен көпшілікке қолжетімді болып қалған құпиясөздер жинақталған, мысалы, мұндай жағдай компьютерге вирус кіріп кетсе немесе әртүрлі сайтта бір құпиясөз қолданылса орын алуы мүмкін.

Егер Яндекс сіздің құпиясөзіңізді көпшілікке қолжетімді жерден тапса, қауіпсіздік шаралары мақсатында Яндекс ID бұғатталады. Сіз оған құпиясөзді ауыстырған кезде ғана кіре аласыз.

Яндекс құпиясөзді өзгертуді сұрағанда не істеу керек

Тек сізге белгілі болатын жаңа құпиясөзді ойлап табу керек. Бұзушы аккаунтыңызға сол құпиясөзбен қайта кірмеуі үшін ескі құпиясөзді пайдалануға болмайды.

Ол үшін не істеу керек:

1. Құпиясөзді өзгертпес бұрын, құпиясөзді енгізген барлық компьютерлер мен құрылғыларды вирустарға тексеріңіз. Вирустың көмегімен қаскүнем құпиясөзді қайта тауып алып, аккаунтыңызға кіруі мүмкін.

2. Яндекске ағымдағы құпиясөзбен кіріңіз. Ескертпесі бар терезеде Құпиясөзді ауыстыру батырмасын басыңыз.

3. Аккаунт иесі өзіңіз екеніңізді растаңыз:

   • Егер Яндекс ID-іңізге телефон нөмірі қосылған болса, SMS арқылы растау кодын сұрап, оны парақшада енгізіңіз және Растау батырмасын басыңыз. Егер сіз байланған нөмірге қол жеткізе алмасаңыз, Бұл нөмір маған қолжетімсіз сілтемесі бойынша өтіңіз.

   • Егер сіздің Яндекс ID-іңізге телефон нөміріңіз байланбаған болса, бақылау сұрағына жауап беріңіз. Жауапты дұрыс енгізіңіз, егер оны нақты еске түсіре алмасаңыз, біздің ұсынымдарымыз көмектеседі.

     Бақылау сұрағына жауап бергеннен кейін ұялы телефон нөмірін тіркеу қажет. Бұл болашақта аккаунтыңызға қолжетімділікті оңай және тезірек қалпына келтіруге көмектеседі.

   • Егер сіз телефон нөмірін тіркемеген және бақылау сұрағын орнатпаған болсаңыз, бірақ қосымша пошта мекенжайын қосқан болсаңыз, біз растау коды бар хатты сонда жібереміз.

   • Егер сіз аккаунтты қорғау үшін бақылау сұрағы, телефон нөмірі немесе қосымша электрондық пошта мекенжайын қолданбаған болсаңыз, қалпына келтіру формасын толтырыңыз немесе қолдау қызметіне жазыңыз.

4. Ұсынымдарымыздың көмегімен жаңа құпиясөзді ойлап табыңыз.

5. Аккаунт деректері бар терезеде жеке деректеріңіздің, телефон нөмірі және қалпына келтіруге арналған пошта мекенжайларының дұрыс көрсетілгенін тексеріңіз. Бұзу кезінде қаскүнем дәл соларды пайдаланған болуы мүмкін екендігін ұмытпаңыз. Егер қажет болса, оларды өзгертіңіз — егер қажет болмаса, Иә, бәрі дұрыс батырмасын басыңыз.

Кіру кезінде тексерістен өте алмай жатырмын

Бақылау сұрағына жауап есімде жоқ

Егер жауапты ұмытып қалсаңыз, бақылау сұрағын өзгертіп көріңіз.

Өзекті емес телефон нөмірі тіркелген

Телефон нөмірін алмастыру немесе өшіру үшін форманы толтырыңыз.

Менің әлі де сұрақтарым бар

Егер аккаунтқа қолжетімділікті қалпына келтіре алмай жатсаңыз, қолдау қызметіне жазыңыз.