Отбасылық картамен төлеу

Отбасылық төлем тек РФ аумағында қолжетімді.

Отбасылық топтың барлық мүшелері Яндекс сервистеріндегі шаруаларын әкімші тіркеген ортақ банк картасымен төлей алады.

Назар аударыңыз

Отбасылық картамен төлеу үшін Яндекс ID-ге телефон нөмірі тіркелген болу керек.

Отбасылық төлемді қосу

  1. Топ мүмкіндіктері бөліміндегі Отбасы қойындысында Отбасылық төлем батырмасын басып, тізім ішінен картаны таңдаңыз. Егер Яндекс ID-ге карта әлі тіркелмеген болса немесе жаңа картаны қосқыңыз келсе, Картаны қосу батырмасын басыңыз. Карта деректерін енгізіңіз және Тіркеу батырмасын басыңыз.

  2. SMS-хабарлама арқылы келген растау кодын енгізіңіз.

    Картаны тексеру үшін сіздің шотыңызда шағын сома сақталады (шамамен 11 ₽). Қаражат есептен шығарылмайды және тексеру аяқталғаннан кейін қайтадан қолжетімді болады.

Отбасы мүшесіне арналған лимитті белгілеу

  1. Отбасы қойындысында отбасылық топ мүшесін таңдаңыз.
  2. Отбасылық төлем батырмасын басыңыз.
  3. Қажетті валютада лимитті көрсетіңіз және шектеуді орнатқыңыз келетін кезеңді белгілеңіз.
  4. Сақтау батырмасын басыңыз.

Картаны пайдалануға тыйым салу

  1. Отбасы қойындысында отбасылық топ мүшесін таңдаңыз.

  2. Отбасылық төлем батырмасын басыңыз.

  3. Қолжетімсіз опциясын таңдаңыз.

  4. Сақтау батырмасын басыңыз.

Картамен төлеуге болатын жерлерді баптау

  1. Отбасы қойындысында отбасылық топ мүшесін таңдаңыз.

  2. Отбасылық төлем батырмасын басыңыз.

  3. Тізімнен сервистерді таңдаңыз немесе барлық жерде төлеуге рұқсат етіңіз. Отбасылық топ мүшесі әдепкі бойынша Яндекстің барлық сервистерінде картамен төлей алады.

  4. Сақтау батырмасын басыңыз.

Назар аударыңыз

Сервистерге жазылымды, мысалы Плюс немесе Яндекс 360, отбасылық картамен тек отбасылық аккаунттың әкімшісі ғана төлей алады.

Картамен төлеу

Зат затып алу кезінде отбасылық топқа тіркелген картамен төлеуге болады, ол үшін сатып алуды ресімдеу кезінде Отбасылық картаны Төлем деректері бөлімінен таңдаңыз.

Отбасылық топтың сатып алушысы мен әкімшісі жасалған сауда туралы хабарламаны телефонына алады.

Төлемдер тарихын қарау

Отбасылық топтың әрбір қатысушысы өзінің төлемдер тарихын, ал әкімші барлық қатысушылардың төлемдерін қарай алады. Мұны істеу үшін Топ мүмкіндіктері бөліміндегі Отбасы қойындысында Отбасылық карта батырмасын басып, Төлемдер тарихы опциясын таңдаңыз.

Отбасылық картаны ауыстыру

Топ мүмкіндіктері бөліміндегі Отбасы қойындысында Отбасылық картаБасқа картаны отбасылық етіп жасау батырмасын басып, тізім ішінен картаны таңдаңыз.

Отбасылық картаны жою

Топ мүмкіндіктері бөліміндегі Отбасы қойындысында Отбасылық карта батырмасын басып, Картаны жою опциясын таңдап, әрекетті растаңыз.

Отбасылық төлемді өшіру

Топ мүмкіндіктері бөліміндегі Отбасы қойындысында Отбасылық карта батырмасын басып, Отбасылық төлемді өшіру опциясын таңдап, Жалғастыру батырмасын басыңыз.

Қолдау қызметіне жазу