Кілт деректерінің сақтық көшірмесі

Яндекс серверінде қосымша деректерінің сақтық көшірмесін жасай аласыз, сонда оны басқа құрылғыға ауыстыру немесе телефон не планшетті жоғалтқан жағдайда деректерді қалпына келтіру мүмкіндігін иеленесіз.

Сақтық көшірмеден деректерді алу үшін сізге:

• көшірмені жасау кезінде көрсеткен телефон нөміріне қолжетімділікке ие болу;

• сақтық көшірмені шифрлау үшін орнатқан құпиясөзді есте сақтауыңыз қажет.

Көшірме жасау кезінде Яндекс Кілт қосымшасына қосылған барлық аккаунттардың деректері серверге көшіріледі. Бір сақтық көшірмені жасау мүмкін емес, белгілі бір телефон нөмірі үшін деректердің әрбір келесі көшірмесі алдыңғы көшірмені ауыстырады.

Яндекс серверінен сақтық көшірмені әзірге өзіңіз жоя алмайсыз. Егер сіз оны бір жылдан артық пайдаланбасаңыз, ол Яндекс серверінен автоматты түрде жойылады. Сондықтан Яндекс кілті деректерінің сақтық көшірмесін жылына 1 реттен жиі жасап тұруды ұсынамыз. Әр жаңа аккаунтты қосқаннан кейін жасаған жақсы.

Сақтық көшірмені жасау

1. Қосымша баптауларынан Бұлтқа сақтау тармағын таңдаңыз.

2. Сақтық көшірме жасалатын телефон нөмірін енгізіңіз (мысалы, «71234567890») және Әрі қарай батырмасын басыңыз.

   Яндекс енгізілген телефон нөміріне растау кодын жібереді. Кодты алғаннан кейін оны қосымшада енгізіңіз және Әрі қарай батырмасын басыңыз.

3. Деректердің сақтық көшірмесі шифрланған құпиясөзді ойлап табыңыз. Бұл құпиясөзді қалпына келтіру мүмкін емес, сондықтан оны ұмытпайтыныңызға немесе жоғалтпағаныңызға көз жеткізіңіз.

4. Жасалған құпиясөзді екі рет енгізіп, Дайын батырмасын басыңыз. Яндекс Кілт қосымшасы сақтық көшірмені шифрлап, оны Яндекс серверіне жібереді және бұл туралы хабарлайды.

Сақтық көшірмеден қалпына келтіру

1. Қосымша баптауларынан Бұлттан жүктеп алу тармағын таңдаңыз.

2. Сақтық көшірме жасау кезінде пайдаланған телефон нөмірін енгізіңіз (мысалы, «71234567890») және Әрі қарай батырмасын басыңыз.

   Егер көрсетілген нөмір үшін қосымша деректерінің сақтық көшірмесі табылса, Яндекс осы телефон нөміріне растау кодын жібереді. Кодты алғаннан кейін оны бағдарламаға енгізіңіз.

3. Құрылғының атауы, сақтық көшірме жасау күні мен уақыты сіз пайдаланғыңыз келетін сақтық көшірмеге сәйкес келетініне көз жеткізіңіз. Содан кейін Қалпына келтіру батырманы басыңыз.

4. Сақтық көшірме жасау кезінде орнатқан құпиясөзді енгізіңіз. Егер сіз оны есіңізде сақтамасаңыз, өкінішке қарай, сақтық көшірмені ашу мүмкін болмайды.

5. Яндекс Кілт қосымшасы сақтық көшірме деректерін ашады және деректердің қалпына келтірілгені туралы хабарлайды.