Фото және видеоны мобильді құрылғыдан "Фотокамера" қалтасына автоматты түрде жүктеп салу

Егер сіз телефонмен немесе планшетпен фотосуреттер мен видеоларды көп түсіретін болсаңыз, Яндекс Дискіде медиафайлдарды автоматты түрде жүктеп салуды қосыңыз. Осылайша телефонға немесе планшетке бірдеңе болса да, фотосуреттеріңіз жоғалмайды.

Фотосуреттер мен видеолар "Фотокамера" қалтасына автоматты түрде жүктеп салынып, Дискіде орын алатын болады. Файлдарды қызмет бетінен, мобильдік қолданбадан және компьютерге арналған бағдарламадан көре аласыз.

Назар аударыңыз. Автоматты түрде жүктеп салуға арналған қалтаны өзгерту мүмкін емес. "Фотокамера" қалтасының атын өзгертсеңіз, жойсаңыз немесе орнын ауыстырсаңыз, оның орнына дәл осындай атаумен жаңа қалта жасалады және оған фотосуреттеріңіз бен видеофайлдарыңыз жүктеп салынады.

Фотосуреттер мен видео файлдарын "Фотокамера" қалтасында сақтағыңыз келмесе, оларды Дискідегі кез келген басқа қалтаға жылжытуға болады. Келесі рет автоматты түрде жүктеп салу кезінде сіз орнын ауыстырған файлдар қайта жүктеп салынбайды.

"Фотокамера" қалтасына автоматты түрде жүктеп салынған фотосуреттер мен видеолар Дискіде орын алмайтын болады. Егер олардың орын алмағанын қаласаңыз, шексіз лимитті қосыңыз.

  1. Автоматты түрде жүктеп салуды қосу
  2. Фотосуреттер мен видеолар қай қалтада сақталады?
  3. Фотосуреттер мен видеолармен орындалатын әрекеттер
  4. Автоматты түрде жүктеп салу мүмкіндігі үшін Дискідегі орын таусылды
  5. Фотосуреттер мен видеолар Фотокамераға жүктеліп салынбай қалды
  6. Менің Яндекс Дискіме бөтен адамдардың фотосуреттері мен видеолары түсті
  7. Автоматты түрде жүктеп салу мүмкіндігін өшіру

Автоматты түрде жүктеп салуды қосу

  1. Қолданба параметрлерін ашыңыз.
  2. Фотосуреттер мен видеоларды автоматты түрде жүктеп салу опциясын басыңыз.
  3. Фотосуретті автоматты түрде жүктеп салу және Видеоны автоматты түрде жүктеп салу опциясын қосыңыз.
  4. Шексіз лимитке жүктеп салу опциялары өшірілгеніне көз жеткізіңіз.
  5. Фото суреттер мен видеоларды қандай желі арқылы жүктеп салу керектігін таңдаңыз:
    • Тек Wi-Fi арқылы жүктеп салғыңыз келсе, Мобильді интернет арқылы жүктеп салу опциясын өшіріңіз.
    • Wi-Fi арқылы да, мобильді интернет арқылы да жүктеп салғыңыз келсе, Мобильді интернет арқылы жүктеп салу опциясын қосыңыз.
      Назар аударыңыз. Мобильді интернетті пайдаланғаны үшін шотыңыздан ақы алынуы мүмкін.

Фотосуреттер мен видеолар қай қалтада сақталады?

Автоматты түрде жүктеп салынған файлдар "Фотокамера" қалтасында сақталады. Сондай-ақ оларды мобильдік қолданбалардағы Фото және Таспа бөлімдерінен және қызмет бетіндегі Фото және Соңғы бөлімдерінен көруге болады.

Назар аударыңыз. Фото бөлімінде файлдар сақталмайды, олар тек көрсетіледі. Егер сіз Барлық фото бөлімінен файлдарды жойсаңыз, олар "Фотокамера" қалтасынан да жойылатын болады. Дискіден жойған файлдарыңыз Себетке түседі және онда 30 күн сақталады. Файлдар Себетте жатқан кезде, оларды қалпына келтіруге болады. Олар 30 күн өткеннен кейін серверден автоматты түрде жойылады. Жойылған файлдарды серверден қалпына келтіру мүмкін емес.

Фотосуреттер мен видеолармен орындалатын әрекеттер

Автоматты түрде жүктеп салынған фотосуреттермен және видеолармен кәдімгі файлдар сияқты мына әрекеттерді жасай аласыз: оларды қарау, альбомға қосу, жүктеп алу, оларды бөлісу.

Автоматты түрде жүктеп салу мүмкіндігі үшін Дискідегі орын таусылды

Дискіде бос орын азайған кезде, оны пайдалану рұқсаты шектеледі. Шектеуді алып тастау үшін, қажетсіз файлдарды жою немесе Себетті тазарту (ондағы файлдар да орын алады) немесе қосымша орын сатып алу қажет. Егер бұл әрекеттер орындаламаса, 44 күннен кейін Диск толықтай блокталады, ал 6 айдан кейін барлық файл біржолата жойылады. Бұл туралы толығырақ ақпаратты Дискідегі орын бөлімінен аласыз.

Автоматты түрде жүктеп салу мүмкіндігі үшін Дискідегі орын бұдан былай таусылмауы үшін, шексіз лимитті қосыңыз.

Фотосуреттер мен видеолар Фотокамераға жүктеліп салынбай қалды

Бұл шексіз лимит параметрін қосқандықтан орын алған болуы мүмкін. Лимитсіз автоматты түрде жүктеп салу мүмкіндігі қосылғанда, мультимедиа файлдары "Фотокамера" қалтасында сақталмайды. Оларды қызмет бетіндегі Фото бөлімінде көруге болады.

"Фотокамера" қалтасына фотосуреттер мен видеоларды жүктеп салуды қайта бастау үшін шексіз лимитті өшіріңіз.

Менің Яндекс Дискіме бөтен адамдардың фотосуреттері мен видеолары түсті

Егер басқа мобильдік құрылғыда авторизациялансаңыз, Яндекс Дискіге бөтен файлдар түсуі мүмкін. Бұл жағдайда қосулы автожүктеуде файлдар құрылғыдан Яндекс Дискіге жүктеледі.

Мына әдістер арқылы бөтен файлдардың Яндекс Дискіге жүктелуін тоқтата аласыз:

Барлық құрылғыдан шығу
Яндекс Дискіңізге бөтен файлдар түспеуі үшін, барлық құрылғыдағы Яндекс Диск бағдарламасынан шығыңыз.
Бағдарламаны пайдалану мүмкіндігін жою

Сондай-ақ, сервердегі файлдарыңызды Яндекс Диск бағдарламалары мен қолданбаларының пайдалануын тоқтата аласыз:

  1. Пайдалану рұқсатын басқару бетін ашыңыз.
  2. Тізімнен Яндекс Диск деген атауы бар жолдарды табыңыз.
  3. Әр жолды басып, Жою түймесін басыңыз.

Автоматты түрде жүктеп салу мүмкіндігін өшіру

  1. Қолданба параметрлерін ашыңыз.
  2. Фотосуреттер мен видеоларды автоматты түрде жүктеп салу опциясын басыңыз.
  3. Фотосуретті автоматты түрде жүктеп салу және Видеоны автоматты түрде жүктеп салу опциясын өшіріңіз.