Файлдармен және қалталармен орындалатын әрекеттер
Файлмен немесе қалтамен орындалатын негізгі әрекеттер жоғарғы панельде немесе контекстік мәзірде көрсетіледі. Қосымша әрекеттерді көру үшін, 
белгішесін басыңыз. Файлдармен және қалталармен орындалатын барлық әрекет Тарих бөлімінде сақталады.
Файл туралы ақпаратты көру
Таңдалған файл немесе қалта туралы мәлімет алу үшін, сол жақ жоғарғы панельде 
белгішесін басыңыз. Мәзірде мыналар көрсетіледі:
- атауы (оны өзгерту үшін, жоғарғы панельде немесе контекстік мәзірде Атауын өзгерту опциясын басыңыз);
- өлшемі;
- соңғы өзгертілген уақыты;
- егер бұл қалта болса, файлдар саны;
- егер бұл баршаға ашық файл немесе қалта болса, көру және жүктеп алу саны.
Сондай-ақ, қалтадағы файлдардың өлшемдерін көру үшін, оларды тізім ретінде көрсетіңіз: бұл әрекетті орындау үшін жоғарғы оң жақ бұрышта сәйкес көрсету әдісін таңдаңыз. Өлшем оң жақ бағанда көрсетіледі.
Файлдар тізімін сұрыптау
Қалтадағы файлдар тізімін сұрыптауға болады: барлық қолжетімді нұсқаларды көру үшін сұрыптау түймесін басыңыз.
Бірнеше файл мен қалтаны бөлектеу
Бірнеше файлды бірден басқару үшін, олар орналасқан аймақты бөлектеңіз және барлық топтық операциялар жоғарғы жағындағы панельде қолжетімді болады. Қатарынан бірнеше файлды таңдау үшін, Shift пернесін басып тұрып, ауқымдағы бірінші және соңғы файлды басыңыз. Бірнеше жеке файлды бөлектеу үшін, таңдау кезінде Windows жүйесінде Ctrl пернесін және macOS жүйесінде ⌘ пернесін басып тұрыңыз.
