Құжаттарды өңдеу

Құжаттарды, кестелерді және презентацияларды тікелей Яндекс Дискіде жасап, өңдей аласыз.

Редакторда ашуға болатын ең үлкен файл көлемі — 30 МБ.

Файлдың келесі форматтарына қолдау көрсетіледі:

  • құжаттар — DOCX;
  • кестелер — XLSX;
  • презентациялар — PPTX.
Назар аударыңыз. Егер редакторда құжатты ескірген форматта (DOC, RTF, ODT, XLS, ODS, PPT, ODP) ашсаңыз, Яндекс Диск осы құжаттың көшірмесін жаңа форматта (DOCX, XLSX, PPTX) жасайды. Көшірмені өңдеуге болады, түпнұсқа құжатты тек көруге болады.

Сонымен қатар барлық құжатпен бір жерде, яғни Яндекс Документы қызметінде жұмыс істей аласыз.

  1. Құжатты жасау
  2. Редакторда жұмыс істеу
  3. Құжаттарды бірлесіп өңдеу
  4. Тарихты көру

Құжатты жасау

Жаңа құжатты, кестені және презентацияны жасау үшін, сол жақтағы панельден Жасау түймесін басып, файл түрін таңдаңыз. Сондай-ақ контекстік мәзір арқылы құжаттарды жасауға болады.

Егер сізде өңдеу қажет құжат болса, оны Дискіден ашыңыз немесе компьютерден жүктеп салыңыз.

Редакторда жұмыс істеу

Құжатты редакторда ашу үшін, оны екі рет басыңыз.

Барлық өзгеріс автоматты түрде сақталады. Құжаттағы жұмыс аяқтап, Дискінің қалтасына оралу үшін редактор қойындысын жабыңыз.

Файлдың атауын өзгертіп, оны жүктеп алуға немесе басып шығаруға жіберуге болады. Файлдарды басқарудың қосымша мүмкіндіктерін көру үшін, Файл мәзірін ашыңыз.

Құжаттарды бірлесіп өңдеу

Дискідегі құжатты бір уақытта 40 пайдаланушыға дейін өңдей алады. Құжатқа достармен немесе әріптестермен бірге өзгерістер енгізу үшін, оны бөлісіңіз:

  1. Дискіде құжатты тінтуірдің оң жақ пернесімен басып, контекстік мәзірде Бөлісу опциясын таңдаңыз. Сондай-ақ редактор бетінің өзінен бөлісуге болады. Жоғарғы оң жақ бұрыштағы Бөлісу түймесін басыңыз.
  2. Пайдалану рұқсатын таңдаңыз: Көру немесе Өңдеу.
    Шектеу. Бір пайдаланушыға көру, басқасына өңдеу сияқты жеке рұқсатты баптау әзірше болмайды.
  3. Сілтемені көшіру түймесін басып, оны кез келген ыңғайлы әдіспен достарыңызға немесе әріптестеріңізге жіберіңіз.

Өңдеу рұқсатын бөлісе алмаймын

Егер рұқсатты баптаулар терезесінде Көру опциясы ғана болып, Өңдеу опциясы болмаса, бұл — осы құжатқа арналған бірігіп өңдеудің қолжетімді емес екенін білдіреді.

Мұның себебі:

Құжат ескі редакторда ашылған

Бұл құжат үшін бірігіп өңдеу мүмкіндігі бар жаңа редактор әлі қосылмаған. Құжат ашылған қойындыны жауып, қайта бөлісіп көріңіз.

Ескі форматтағы құжат

Құжаттар DOC, PPT, XLS форматында болса, оларды бірігіп көру үшін ғана ашуға болады. Мұндай құжатты әріптестермен бірге өңдеу үшін, алдымен оны редакторда ашыңыз. Бөлісуге болатын жаңа форматтағы құжаттың көшірмесі жасалады.

Құжат жалпы қалтада болады, оның иесі ескі редакторды пайдаланады

Осы құжат жатқан қалтаның иесінен өңдеуге рұқсаты бар сілтемені сізбен бөлісуді сұраңыз. Онда бірігіп өңдеу мүмкіндігі бар жаңа редактор қосылады. Содан кейін сіз де құжатпен бөлісе аласыз.