Пәрмендер мен параметрлер
Пәрмендер
Клиентпен жұмыс істеу үшін мына пәрмендер қолданылады:
- token — Яндексте логиніңіз үшін авторизация кілтін (OAuth-токен) алу;Пәрменді енгізген кезде токенді сақтауға арналған файлдың атауын және оған апаратын жолды орната аласыз (FILE). Егер қосымша параметрлер көрсетілмесе, токенді сақтау үшін ~/.config/yandex-disk каталогінде passwd файлы жасалады..
$ yandex-disk token [FILE]
Клиентте логин мен құпиясқз енгізу қажет емес. Пәрменді шақырғаннан кейін Диск браузерде белгілі бір бетті ашып, бірегей код енгізуді ұсынады.Ескертпе. Кодты енгізбес бұрын браузерде қажетті аккаунтпен авторизацияланғаныңызды тексеріңіз. - start — демонды іске қосу және ерекше жағдай тізімінде exclude-dirs көрсетілген қалталардан басқа барлық қалтаны синхрондау;
$ yandex-disk start [OPTION]
- status — демон жұмысының күйін көрсету (синхрондау күйі, синхрондау қатесі, синхрондалған файлдар тізімі, Дискідегі жалпы және бос орын);
$ yandex-disk status [OPTION]
- stop — демонның жұмысын тоқтату;
$ yandex-disk stop [OPTION]
- sync — ерекше жағдай тізімінде exclude-dirs көрсетілген қалталардан басқа барлық қалтаны синхрондау;
$ yandex-disk sync [OPTION]
- publish — көрсетілген файл немесе қалта үшін баршаға ашық сілтеме алу (FILE);
$ yandex-disk publish [OPTION] FILE
- unpublish —көрсетілген файл немесе қалта үшін жариялаудан бас тарту (FILE);
$ yandex-disk unpublish FILE
Қосымша параметрлер [OPTION]
- --config=FILE, -c FILE
-
Файл конфигурациясын көрсету. Әдепкісінше ~/.config/yandex-disk каталогіндегі config.cfg файлы қолданылады.
- --dir=DIR, -d DIR
-
Дискінің жергілікті көшірмесі сақталатын каталогті көрсету. Егер бастапқы баптау кезінде атау берілмесе, әдепкісінше ~/Yandex.Disk калаогі пайдаланылады.
- --auth=FILE, -a FILE
-
Авторизация деректері бар файлды көрсету. Әдепкісінше tokenпәрмені немесе бастапқы баптау шебері арқылы жасалған passwd файлы қолданылады және ~/.config/yandex-disk каталогінде сақталады.
- --exclude-dirs=DIR1,DIR2,...
-
Көрсетілген каталогтерді синхрондамау. Баптау әрдайым өз күшінде тұруы үшін, каталогтерді config.cfg файлындағы exclude-dirsайрықша жағдайлар тізіміне қосу қажет. Баптаулар дұрыс жұмыс істеуі үшін, алып тасталатын директориялардың атауын үтір арқылы, бос орынсыз көрсету керек.
- --read-only
-
Дискінің серверіндегі файлдарды өзгертуге тыйым салу және тек жергілікті көшірмеде синхрондау. Синхрондауда қайшылықтар туындаса, жергілікті файлдардың атауы өзгертіледі. Егер қосымша ретінде --overwrite параметрі көрсетілсе, жергілікті файлдар қайта жазылады.
- --overwrite параметрі көрсетілсе
-
Сервермен синхрондау кезінде Дискінің жергілікті көшірмесінде жасалған өзгертулерді қайта жазуға рұқсат беру. Ол --read-only параметрімен бірге пайдаланылады.
- --no-daemon, -D
-
Демонды консольде басқару мүмкіндігін қайтармастан іске қосу. Басқару мүмкіндігін қайтару үшін басқа консольден yandex-disk stop пәрменін іске қосып немесе қазіргі консольді жауып демонды тоқтату керек.
Егер осы параметр қоданылса, қолданба конфигурация файлын оқымайды. Сондықтан барлық қажетті баптауларды пәрмен жолағы арқылы енгізу керек. config.cfg параметріне --exclude-dirs аргументі сәйкес келеді.
$ yandex-disk --no-daemon --dir=/root/Yandex.Disk --exclude-dirs=DO_NOT_SYNC,temp
Ескертпе. --no-daemon қолданылған кезде start пәрменін көрсетудің қажеті жоқ.Бұл режимде барлық пәрмен еленбейді.
- --help, -h
-
Анықтама шығару.
- --proxy=PARAM
-
Прокси-серверді баптау. Рұқсат етілген параметрлер:
- auto — прокси-сервердің жүйелік баптауларын пайдалану (әдепкісінше пайдаланылады);
- no — прокси-серверді пайдаланбау;
- protocol, address, port, login, password — қолмен баптау.
Пәрмендердің пайдаланылу үлгісі
$ yandex-disk start -c ~/ydconfig/newconfig.cfg # демонды және синхрондауды көрсетілген конфигурация файлы арқылы іске қосу $ yandex-disk start --exclude-dirs=Foto # Foto қалтасын синхрондамау $ yandex-disk sync --read-only # қалтаны read-only режимінде синхрондау $ yandex-disk publish Foto # Foto қалтасына баршаға ашық сілтеме алу