Фотосурет байқаулары

Фотосурет шарттарға сәйкес болуы қажет:

Тек түпнұсқалық жұмыс

Байқауға тек өзіңіз жасаған фотосуреттерді ғана жіберуге болады. Туыстарыңыз жасаған кадрларды немесе отбасылық мұрағаттан фотосуреттерді жібермеңіз. Модератор жіберілген суреттің түпнұсқасын — фотоаппараттан көшірілген және компьютерде өңделмеген, EXIF-деректері бар бастапқы файлды түсініктемелер түрінде сұратуға құқылы. Бізге оны Байқау фотосуретінің түпнұсқасы хабар тақырыбымен және жұмысыңызға сілтемемен "кері байланыс үлгісі" арқылы жіберіңіз. Басқа біреудің фотосуреттерін немесе фотомонтаждарды орналастыратын пайдаланушылар келешектегі конкурстарға қатысу мүмкіндігінен айырылуы мүмкін.

Байқау тақырыбы

Байқаудың атауы мен сипаттамасына ғана емес, сонымен қатар, ережелерге де назар салыңыз. Ережелерде нақты ненің суреттерде бейнеленуі қажет екені және қандай фотосуреттерді жіберуге болмайтыны атап көрсетілген.

Кадрдағы басты нысан

Байқау түсірілімінің нысаны фотосуретте басты орынды алып тұруы қажет — ол артқы планда орналаспауы немесе кадрдағы басқа заттардың фонында көзге көрінбей қалмауы керек.

Фотосуреттің ең кіші өлшемі

Суреттің өлшемі кішірек жағы бойынша 800 пиксельден кем болмауы қажет. Егер кадрды кесетін болсаңыз, онда түпнұсқалық пропорцияларды сақтаған жөн.

Мағыналы атауы мен белгілері

Байқаудағы жұмыстың атауы болуы керек. 0003449, DSC_0013 немесе IMG_4039 сияқты атаулар мағыналы болып саналмайды. Сондай-ақ, суретті сипаттайтын тегтерді қосыңыз. Сипаттамасында жарнамалық хабарландырулар мен сілтемелер қамтылған фотосуреттер қабылданбайды.

Кескіннің өзінде түсірілім күні мен уақытының болмауы

Түсірілімнің күні мен уақыты кадрдың бұрышында көрсетілген фотосуреттер байқауға қабылданбайды. Кейбір камералар оларды әрбір суретке өздері жазып қояды — бұл опцияны фотоаппараттың баптауларында өшіріңіз.

Фотомонтаж емес

Байқауға фотомонтаждар — бөлек фотосуреттердің бөліктері біріктірілген, қандай да бір мәліметтер қосылған немесе жойылған кескіндер жіберілмейді. Суреттің коллаж емес екеніне көз жеткізу мақсатында байқаудың модераторы түсініктемелер түрінде оның түпнұсқасын сұрата алады. Бастапқы файлды бізге Фотосуреттің түпнұсқалылығын растау хабар мәтінімен және жұмысыңызға сілтемемен "кері байланыс үлгісі" арқылы жіберіңіз.

Сондай-ақ, графикалық өңдегіштерде фотосуреттерді шамадан тыс компьютерлік өңдеуге жол бермеу ұсынылады. Кескіннің шынайылығы мен сапасын төмендететін бірнеше әсерді бір уақытта қолданбаңыз.

Жақтаусыз және қолтаңбаларсыз

Байқау фотосуретінде жақтаулар болмауы қажет, тек виньеттеуге ғана жол беріледі. Сонымен қатар, кескіннің үстінде жазбалар, логотиптер, веб-мекенжайлар бар фотосуреттер де қабылданбайды. Бірыңғай жағдай — суреттің бұрышында автордың аты-жөні немесе лақап аты көрсетілген жартылай мөлдір қолтаңба (мысалы, Алиса Литл). Қаріптің өлшемі 24 нүктеден аспауы тиіс. Қолтаңбаны авторлық құқық таңбасымен және фотосуреттің алғашқы жарияланған жылымен толықтыруға болады (мысалы, © Алиса Литл, 2017)

Суреттің жоғары сапасы

Сапасы төмен фотосуреттің байқауға түсуге мүмкіндігі азырақ. Бұлыңғыр суреттер, экспозициясы дұрыс емес немесе ақ түс балансы бар кадрлар байқауға өтпеуі мүмкін. Сондай-ақ, сандық шуыл, өте жоғары контраст, қатты қисайған горизонт та кемшіліктер ретінде саналады. Кез келген сурет пішімін қолдануға болады, бірақ кадрлеу кезінде түпнұсқалық пропорцияларды сақтаған жөн. Монитордан, теледидардың экранынан немесе басқа кескіннен қайта түсірілген фотосуреттер байқауға қабылданбайды.

Кейде фотосуреттердегі «кемшіліктер» көркемдік тәсілдер болып табылады — әрине, қос экспозициялы немесе фоны әдейі бұлыңғырланған сапалы сурет байқауға қабылданады.

Көркем фотосурет

Байқауға тұрмыстық сипаттағы суреттерді жібермеңіз — мысалы, үй ішіндегі адамдардың дастарқан басындағы отырысының, ваннада шомылып отырған сәбидің, саяжай теліміндегі салынып бітпеген күркенің фотосуреттері. Яндекс.Топтамалардағы байқаулар әуесқой және кәсіби көркем фотосуреттерге қолдау көрсету үшін құрылған. Пайдаланушылар бәрінен бұрын жарқын, әсерлі, әдемі кадрлар үшін қуана-қуана дауыс береді — өтіп кеткен кез келген байқау жеңімпаздарының жұмыстарын көру арқылы бұған оңай көз жеткізуге болады.

Суреттің дұрыс мазмұны

Психоделикалық, порнографиялық және жиіркенішті сюжеттерден, абстрактылы композициялардан тұратын фотосуреттерден байқауға қабылданбайды.

Яндекс.Топтамалар қызметінің пайдаланушылық келісімін сақтау

Егер сурет Яндекс.Топтамалар қызметінің Пайдаланушылық келісімі шарттарына сәйкес келмесе, онда ол байқауға қабылданбайды.

1. Қандай фотосуреттер байқауға қабылданады бөлімінде ұсыныстармен танысып шығыңыз.
2. Қатысу ережелері мен шарттарын байқау бетінде оқып шығыңыз.
3. Байқау бетінде Қатысу түймесін басыңыз.
4. Жаңа фотосуретті өз топтамаларыңызға жүктеңіз.

Осыдан кейін модератор фотосуреттің байқау ережелеріне сәйкес келуін тексереді. Фотосурет байқауға қабылданған кезде, Яндекс.Топтамалар бетінде хабарландыру аласыз. Барлық хабарландыруларды қарап шығу үшін, оң жақ жоғарғы бұрыштағы белгішесін басыңыз.

Байқау аяқталмағанша, фотосурет бар топтамаға қатынасу баптауларын өңдемеңіз. Егер топтаманы басқа пайдаланушыларға қолжетімсіз етіп қойсаңыз, онда фотосурет байқаудан алынып тасталады.

Ағымдағы байқау жайлы ақпарат байқаулар бетіндегі Тақырыптық байқаулар бөлімінде көрсетіледі. Әрбір байқау екі кезеңнен өткізіледі:

1. Пайдаланушылар өз жұмыстарын қосады.
2. Фотосуреттерді қабылдау тоқтатылып, дауыс беру басталады. Барлық жұмыстардың, олардың байқауға қай кезде шығарылғанына қарамастан, жеңіске жетуге мүмкіндіктері бірдей болады.

Фотосуреті Яндекс.Топтамалар пайдаланушыларының көпшілігіне ұнаған қатысушы жеңімпаз атанады. Байқаудың 10 үздік фотосуретінің авторлары Яндекстен кәдесыйларды алады.

1. Байқау бетін ашыңыз.
2. Дауыс беру түймесін басыңыз.
3. Фотосуреттерді Ұнайды немесе Ұнамайды түймелерімен келесіге ауыстырыңыз: Ұнайды түймесі карточкаға бір дауыс береді, ал Ұнамайды түймесі келесі карточканы көрсетеді.

Бізге Байқау ережелерінің бұзылуы хабар тақырыбымен және фотосуретке сілтемемен "кері байланыс үлгісі" арқылы жазыңыз. Хабарда фотосуреттің байқау ережелеріне сәйкес келмеу себебін көрсетіңіз. Барлық хабарларды модераторлар міндетті түрде қарап шығады.