Браузер компьютерді сақтайтын қауіптер тізімі

  1. Жаңартылған жүйені іске қосу параметрлері (StartPage)
  2. Қажет емес мазмұнды көрсететін сүзгі драйвері (Fake NetFilter)
  3. DNS-ті ауыстыру (Infected DNS)
  4. Hosts файлындағы жағымсыз жазбалар (Infected Hosts)
  5. Браузердің жағымсыз кеңейтімдері (Unwanted Extensions)
  6. Трафикті өзгертетін қалаусыз БЖ (PBot)
  7. Браузердің таңбашаларын өзгерту (Infected LNK)

Яндекс Браузер операциялық жүйеңіздегі жағымсыз БҚ туралы деректерді автоматты түрде жинайды және оны жоюды ұсынады. Жүйеде жағымсыз БҚ бар-жоғын білуге браузерге статистика жинағы көмектеседі, ол сіздің деректеріңіздің құпиялылығын бұзбайды.

Назар аударыңыз. Браузер желіде кең таралған кейбір қауіп-қатерлерді болдырмайды, бірақ толық вирусқа қарсы өнім емес. Сонымен қатар Protect технологиясы антивирус бұғаттамайтын компьютерлік қауіп-қатерлерден қорғайды. Толық қорғау үшін басқаларды да пайдалануды ұсынамыз.

Жаңартылған жүйені іске қосу параметрлері (StartPage)

Жағымсыз бағдарлама жүйелік реестрге танымал интернет-сервиске ұқсайтын жарнама сайтының мекенжайын қосады. Мекенжайы бар кілт автоматты іске қосу үшін заңды БЖ тіркелген бөлімге қосылады.

Нәтижесінде, компьютерді әр қайта жүктегеннен кейін жарнама сайты әдепкі бойынша браузерде ашылады.

Қажет емес мазмұнды көрсететін сүзгі драйвері (Fake NetFilter)

Сүзгі драйвері браузерде таңғаларлық және жабысқақ жарнамаларды көрсету, жарнамалық қойындыларды ашу, пайдаланушыны қажетсіз сайттарға қайта бағыттау және оның жеке деректерін ұрлау үшін интернет-трафикті ұстап тұруды пайдаланады.

Маңызды. Сүзгі драйвері сіз қандай браузерді қолданғаныңызға қарамастан, тіпті ол жабылған кезде де жұмыс істейді.

DNS-ті ауыстыру (Infected DNS)

Қажетсіз бағдарлама DNS баптауларын өзгертеді.

Әдетте, пайдаланушы веб-парақшаны ашқанда, браузер арнайы DNS сервері доменді көрсететін сұранымды, ал сервер жауап ретінде осы доменнің IP мекенжайыын жібереді.

Жүйе параметрлеріндегі қажетсіз БЖ DNS серверінің мекенжайын ауыстырады. Нәтижесінде барлық сұранымдар пайдаланушыны айлакерлік, фишингтік немесе жарнамалық парақшаларға жібереді.

Hosts файлындағы жағымсыз жазбалар (Infected Hosts)

Hosts жүйелік файлы C:\Windows\System32\drivers\etc қалтасында орналасып, сайттардың домендік мекенжайлары тізімін және соған сәйкес IP-мекенжайларын құрайды. Зарарлы бағдарламалар hosts файлдарына танымал сайттарға кіруді бұғаттай отырып, пайдаланушыны фишингтік парақшаларға бағыттай немесе браузерлердің қорғаныс функцияларын өшіре отырып жалған мекенжайларды жазуы мүмкін.

Браузердің жағымсыз кеңейтімдері (Unwanted Extensions)

Жағымсыз БЖ-ның бұл түрі браузерде жарнамалық қойындыларды ашып, жабысқақ және таңғаларлық жарнаманы көрсететін зарарлы кеңейтімдерді орнатады немесе пайдаланушының жеке деректерін ұрлайды.

Зарарлы кеңейтімдер антивирустармен нашар танылады. Бұл барлық кеңейтімдердің браузердің ішінде жұмыс істейтіні және компьютердің операциялық жүйесіне әсер етпейтіні үшін орын алуы мүмкін.

Тексеруден өтетін Opera Add-ons немесе Chrome Web Store интернет-дүкендеріндегі кеңейтімдерді орнатқан дұрыс.

Трафикті өзгертетін қалаусыз БЖ (PBot)

Вирус жұққан компьютер қосылған сайын жағымсыз бағдарлама іске қосылады және іске қосылған қосымшаларды бақылайды. Пайдаланушы браузерлердің бірін ашқанда, зиянды БҚ пайдаланушыны жарнамалық немесе фишингтік парақшаларға қайта бағыттау, әдепкі бойынша іздеу баптауларын өзгерту және жеке деректерді ұрлау үшін браузер үдерісіне өз кодын енгізеді.

Браузердің таңбашаларын өзгерту (Infected LNK)

Қажетсіз бағдарлама браузерді іске қосу белгішесін өзгертеді: қосымша параметрлерді қосады (көбінесе сайт мекенжайы) немесе браузердің орнына басқа қосымшаны іске қосады. Нәтижесінде, әр іске қосу кезінде жарнамасы бар парақшалар ашылады.