Балаларға арналған аккаунт

Ескертпе. Балаларға арналған аккаунт Браузердің 22.11.0 және одан жоғары нұсқаларында қолжетімді. Егер сіз аккаунтты көрмей тұрсаңыз, Браузерді жаңартыңыз және оны қайтадан іске қосыңыз.
  1. Не үшін керек
  2. Құру
  3. Ересектерге арналған аккаунтқа өзгерту
  4. Басқа отбасылық топқа көшіру

Не үшін керек

Балаларға арналған аккаунтпен сіз балаңыз нені қарай алатындығын тура Браузер арқылы бақылай аласыз және оны қажетсіз контенттен қорғай аласыз.

Балаларға арналған аккаунтта:

  • Яндекс сервистері контентті жас ерекшелігіне қарай ұсынады. Жас ерекшелігіне байланысты шектеулерді Отбасының жеке кабинетінде белгілеңіз.

  • Іздеу нәтижелерінен "ересектерге арналған" контент (егер сұраным осындай ресурстарды іздеуге тікелей бағытталған болса), сондай-ақ, балағат сөздерді қамтитын сайттар толықтай алынып тасталады.

  • Музыка балағат сөздері бар әндерді жасырады.
  • Кинопоиск автоматты түрде балаларға арналған режимге өтеді, онда жас ерекшелігі бойынша шектеулерді және қаралым уақыты бойынша шектеулерді белгілеуге болады.

  • Бала аккаунттан шықпас үшін шығу кезінде ата-анасының телефонына SMS арқылы жіберілген код қажет болады.

  • Инкогнито режимін қосу мүмкін емес.

Құру

  1. Отбасылық аккаунт жасаңыз.

  2. Отбасының парақшасына өтіңіз.

  3. Балаларға арналған аккаунт жасау батырмасын басыңыз.
  4. Баланың аты мен туған күнін енгізіңіз. Әрі қарай батырмасын басыңыз.
  5. Балаларға арналған аккаунт үшін логин мен құпиясөз ойлап табыңыз. Әрі қарай батырмасын басыңыз.
  6. Сіздің аккаунтыңызға тіркелген телефонға SMS арқылы келген кодты енгізіңіз.
  7. Аккаунттың деректерін тексеріп шығыңыз, жас ерекшелігі бойынша шектеуді таңдаңыз және, қажет болса, отбасылық төлем картасын қосыңыз. Оны аккаунтты құрғаннан кейін де жасауға болады.
  8. Дайын батырмасын басыңыз.

Балаларға арналған аккаунтқа кіру үшін авторлану кезінде соны таңдаңыз.

Ересектерге арналған аккаунтқа өзгерту

Ескертпе. Оған қоса, сіз ересектерге арналған аккаунтты балаларға арналған етіп өзгерте аласыз. Балаларға арналған аккаунтты ересектерге арналған етіп және керісінше тек отбасылық топтың әкімшісі ғана өзгерте алады. Рөлдерді нұсқаулық бойынша баптай аласыз.

Сіз балаларға арналған аккаунтты ересектерге арналған етіп өзгерте аласыз. Бұл әрекетті баланың аккаунты арқылы растау қажет.

  1. Отбасы қойындысына өтіңіз.
  2. Топтың мүмкіндіктері бөлімінде Рөлдер → Балаларға арналған аккаунтты ересектерге арналған етіп өзгерту батырмасын басыңыз.
  3. Аккаунтын өзгерткіңіз келетін баланың атына басыңыз. Сілтеме алмасу аралығына көшіріледі. Оны балаңызға жіберіңіз.
  4. Баланың аккаунтына кіріңіз және алған сілтеме арқылы өтіңіз.
  5. Балаларға арналған аккаунтты ересектерге арналған етіп өзгертуді растаңыз.
Маңызды. Әдетте, баланың аккаунтына осы аккаунтты жасаған пайдаланушының телефон нөмірі тіркеледі және балаларға арналған аккаунтты ересектерге арналған етіп өзгерту кезінде ол сақталады. Бұл нөмірді аккаунтты пайдаланатын адамның нөміріне ауыстырыңыз — осылай қауіпсіз болады.

Басқа отбасылық топқа көшіру

Сіз балаларға арналған аккаунтты басқа отбасылық топтан өз тобыңызға көшіре аласыз. Бұл әрекетті балаларға арналған аккаунттан және SMS арқылы келген код көмегімен растау қажет болады. Код балаларға арналған аккаунтты жасаған пайдаланушының телефон нөміріне жіберіледі.

  1. Отбасы қойындысына өтіңіз.
  2. Отбасылық топ бөлімінде Жақыныңызды шақыру батырмасын басыңыз.
  3. Шақыру тәсілін таңдаңыз:
    • Сілтемемен бөлісу. Балаға жіберуге арналған сілтеме алмасу аралығына көшіріледі. Баланың аккаунтына кіріңіз, алған сілтеме арқылы өтіңіз және шақыруды қабылдаңыз.
    • SMS немесе хат жіберу. Баланың аккаунтына тіркелген электрондық пошта мекенжайын енгізіңіз. Онда отбасылық топқа шақыру келеді, оны қабылдаңыз.
  4. Балаларға арналған аккаунтты жасаған пайдаланушының телефон нөміріне балаларға арналған аккаунтты көшіруді растауға арналған коды бар SMS келеді. Басқа отбасылық топқа шақыруды қабылдау үшін SMS арқылы келген кодты енгізіңіз.
Маңызды. Әдетте, баланың аккаунтына осы аккаунтты жасаған пайдаланушының телефон нөмірі тіркеледі және балаларға арналған аккаунтты отбасылар арасында көшірген кезде ол сақталады. Бұл нөмірді өзгерткен дұрыс — осылай қауіпсіз болады.