Трекерлер

Cookie файлдары меншікті және бөгде (трекерлер) бола алады.

Меншікті cookie — бұл браузер сіз кірген сайттардың деректерін жазып отыратын шағын мәтіндік файлдар. Cookie файлдары сайттарға өздеріне кірушілерді "есте сақтауға", мысалы, әр кірген сайын логин мен құпиясөзді сұрай бермеуге мүмкіндік береді.

Трекерлер (бөгде cookies немесе third-party cookies) — бұл сайттың бағдарламалық кодының шағын фрагменттері. Сіз сайтты ашқан кезде трекер автоматты түрде жүктеледі, ақпарат жинақтайды (мысалы, орналасқан орныңыз, құрылғының түрі немесе оның IP-мекенжайы) және оның иесіне жібереді. Трекерді сайт әкімшісі де, оның серіктестері де орналастыра алады. Мысалы, сіз қарап отырған сайтта http://www.example.org сайтының жарнамалық баннері бар. Бұл баннер браузерде өз cookie файлын қалдырады, ол сіздің веб-сайтыңыздағы белсенділік туралы мәліметтерді сақтайды. Егер сіз http://www.example.org жарнамалық баннері бар басқа сайтқа кірсеңіз, жарнама желісі осы әрекеттерді өзара байланыстырады.

Трекерлердің қандай пайдасы бар

• Трекерлердің көмегімен сайт иесі оған қанша оқырман кіретінін, қай аймақтардан, қай құрылғылардан келетінін бағалайды. Бұл деректер оған сайтты аудиторияның қажеттіліктері үшін оңтайландыруға мүмкіндік береді.
• Трекерлер бірнеше сайтта ортақ логин немесе әлеуметтік желі виджетін пайдалануға мүмкіндік береді. Мысалы, сіз Яндекске ВКонтакте желісінде қолданатын логин мен құпиясөздің көмегімен тіркеле аласыз. Яндекстің сайтына кірген кезде сіз автоматты түрде оның барлық сервистерінде авторизациядан өтесіз.

Өзіңіз кірген сайттардың трекерлері (мысалы, әлеуметтік желілер) адал ниетпен пайдаланылуы мүмкін.

Қасақана пайдалану мысалдары

Трекерлерді қасақана пайдаланатын иелері сайтқа енгізілген жеке деректерді, мысалы, телефон нөмірі немесе электрондық пошта мекенжайын бөгде компанияларға бере және қайта сата алады. Нәтижесінде сіз қалаусыз жарнамалық хаттарды немесе телефоныңызды қалдырмаған жарнама берушілерден мазаңызды алатын қоңыраулар алуыңыз мүмкін.

Біз трекерлердің деректерді қасақана мақсатта пайдалануын сіздің құпиялылығыңызды бұзу деп санаймыз. Оны қорғау үшін біз Яндекс Браузерқұрамына кіретін Protect белсенді қорғау жүйесі YTP арнайы технологиясын жасақтадық.

Your Tracking Protection (YTP) технологиясы трекерлердің жұмысын шектеп отырады және сізге қай ресурстарға деректеріңізді тапсыруға болатындығын таңдауға мүмкіндік береді.

YTP қарапайым ережеге негізделген: трекерлерді іске қосуға тек сіз кірген сайттарға рұқсат етіледі. Тек солар ғана сіздің деректеріңізді өзара табыстап, сізге өзекті жарнамалық хабарландыруларды көрсете алады. Егер сіз сайтқа 45 күн бойы кірмеген болсаңыз, Браузер оның трекерлерін бұғаттай бастайды.

Жарнаманың арқасында сайттардың иелері табыс алады, ал сізге парақшаларды қараған үшін төлеудің қажеті жоқ. Яндекс сервистердің тегін болуы және жарамды жарнаманың арасында тепе-теңдік болғанын қалайды.

Осылайша, интернет сіз үшін ыңғайлы болады (мысалы, сіз бірнеше сайт үшін ортақ логин пайдалана аласыз), ал сайттар жарамсыз жарнамамен келушілердің мазасын алмайтын болады.

Трекерлері бұғатталған парақшалар барынша тезірек жүктеледі.

Сонымен қатар, YTP технологиясы парақшада қандай трекерлердің істеп тұрғандығын қарауға және сіз сенбейтін трекерлерді бұғаттауға мүмкіндік береді.

1.  → Параметрлер → Сайттар батырмасын басыңыз.
2. Парақшаны төмен жылжытыңыз және Сайттардың кеңейтілген баптаулары батырмасын басыңыз.
3. Сookie-файлдар бөлімінде бұғаттау нұсқасын таңдаңыз:

   • Бөгде соокіе файлдарын шектеу — оларды пайдалануға тек сіз кірген сайттарға ғана рұқсат беру үшін.
   • Бөгде cookie файлдарын бұғаттау — оларды барлық сайттар үшін бұғаттау үшін.

1. Ақылды жолдың сол жағындағы қосылым мәртебесі белгішесін басыңыз. Protect тақтасы ашылады.
2. Жарнама мен трекерлерді бұғаттау бөлімінде Баптау... батырмасын басыңыз. Экранның оң жағында Құпиялылық терезесі ашылады.
3. Осы веб-беттегі трекерлер бөлімінен қажетті трекерді тауып алыңыз, кейін оның оң жағындағы басыңыз және таңдаңыз:

   • Трекерді сайтқа келесі жолы кіргенге дейін бұғаттау үшін рұқсатты қайтарып алу.
   • Трекерді сіз оны бұғаттан алып шыққанға дейін бұғаттау үшін біржола бұғаттау.
   • Трекерді бұғаттан алып шығу үшін бұғаттан біржола алып шығу.

Кейбір сайттар бөгде cookie файлдарынсыз қалыпты түрде жұмыс істей алмайды (сайттың бір бөлігі істемейді, мысалы, билетті сатып алу кезінде орын таңдай алмайсыз). Егер сайт сынып қалса, трекерлерді бұғаттауды өшіріп көріңіз:

1. Ақылды жолда қосылым мәртебесі белгішесін басыңыз. Protect тақтасы ашылады.
2. Жарнама мен трекерлерді бұғаттау бөлімінде Баптау... батырмасын басыңыз. Экранның оң жағында Құпиялылық терезесі ашылады.
3. Осы веб-парақшадағы трекерлер бөліміндегі Сайт жұмыс істемей ме? батырмасын басыңыз.
4. Ашылған терезеде Бөгде сookie файлдарына рұқсат беру батырмасын басыңыз.
5. Парақшаны қайтадан жүктеу үшін ашылған хабарламадағы Жаңарту батырмасын басыңыз.

Трекерлерден қорғауды қайтару үшін:

1. Ақылды жолда қосылым мәртебесі белгішесін басыңыз. Protect тақтасы ашылады.
2. Жарнама мен трекерлерді бұғаттау бөлімінде Баптау... батырмасын басыңыз. Экранның оң жағында Құпиялылық терезесі ашылады.
3. Осы веб-парақшадағы трекерлер бөліміндегі Қорғауды қосу батырмасын басыңыз.
4. Парақшаны қайтадан жүктеу үшін ашылған хабарламадағы Жаңарту батырмасын басыңыз.

Қолдау қызметіне жазу