Балаларға арналған аккаунт

Не үшін керек

Яндекс Браузердегі балаларға арналған аккаунт балаңызды қажетсіз контенттен қорғайды.

Балаларға арналған аккаунтта:

  • Яндекс сервистері контентті жас ерекшелігіне қарай ұсынады. Отбасының жеке кабинетінде жас шектеулерін белгілеңіз.

  • Іздеу нәтижелерінен сексуалдық сипаттағы (сұрау сондай ресурстарды іздеуге тікелей бағытталған болса да) материалдар сондай-ақ, балағат сөздерді қамтитын сайттар толықтай алынып тасталады.

  • Музыка балағат сөздері бар әндерді жасырады.

  • Бала жаңа профильдер аша алмайды немесе олардың арасында ауыса алмайды. Браузер баптауларында Пайдаланушылар бөлімі жоқ.

  • Бала аккаунттан шықпас үшін шығу кезінде ата-анасының телефонына смс арқылы жіберілген код қажет болады.

  • Инкогнито режимі қолжетімсіз.

Қажетсіз контентті бұғаттау

Егер Яндекс Браузер құрылғыдағы әдепкі браузер болып таңдалса, ол балалар аккаунтындағы қажетсіз және фишинг сілтемелерін, тіпті, олар арқылы өту іздеуден емес, мысалы, тікелей мессенджерден жасалса да бұғаттайтын болады.

Егер бала чатта қауіпті сілтеме алса және ашуға әрекет жасаса, Браузер ескерту көрсетеді және күдікті сайтқа өтуге жол бермейді.

Құру

  1. Отбасылық аккаунт ашыңыз.

  2. Отбасы парақшасына өтіңіз.

  3. Балаларға арналған аккаунт жасау опциясын басыңыз.

  4. Баланың аты мен туған күнін енгізіңіз. Әрі қарай батырмасын басыңыз.

  5. Балаларға арналған аккаунт үшін логин мен құпиясөз ойлап табыңыз. Әрі қарай батырмасын басыңыз.

  6. Сіздің аккаунтыңызға тіркелген телефонға смс арқылы келген кодты енгізіңіз.

  7. Балаларға арналған аккаунтты баптаңыз: жас шектеулерін таңдаңыз, шығуды растауды баптаңыз, отбасының басқа мүшелеріне рұқсаттар беріңіз, отбасылық төлем картасын қосыңыз және т.б. Оны аккаунтты құрғаннан кейін де жасауға болады.

  8. Дайын батырмасын басыңыз.

Балаларға арналған аккаунтқа кіру үшін авторлану кезінде соны таңдаңыз.

Аккаунттан шығуды баптау

Балаңыз аккаунттан өз бетінше шыға алмау үшін шығуды смс арқылы растауды баптаңыз. Егер бала балаларға арналған аккаунттан шыққысы келсе, ата-анасының нөміріне растау коды бар нөмір келеді.

Ескерту

Балаларға арналған аккаунттың баптауларында баланың емес, ата-анасының телефон нөмірі көрсетілген.

Аккаунттан шығуды баптау үшін:

Аккаунттан шығуды смс арқылы растау опциясын қосыңыз.

  1. Отбасы қойындысына өтіңіз.
  2. Баланың аккаунтына басыңыз.
  3. Аккаунттан шығуды смс арқылы растау опциясын қосыңыз.

Ересектерге арналған аккаунтқа өзгерту

Ескерту

Сондай-ақ ересектерге арналған аккаунтты балаларға арналған аккаунтқа өзгерте аласыз. Балаларға арналған аккаунтты ересектерге арналған етіп және керісінше тек отбасылық топтың әкімшісі ғана өзгерте алады. Рөлдерді нұсқаулық бойынша реттеуге болады.

Сіз балаларға арналған аккаунтты ересектерге арналған етіп өзгерте аласыз. Бұл әрекетті баланың аккаунты арқылы растау қажет.

  1. Отбасы қойындысына өтіңіз.

  2. Топ мүмкіндіктері бөлімінде Рөлдер → Балаларға арналған аккаунтты ересектерге арналған етіп өзгерту тармағын басыңыз.

  3. Аккаунтын өзгерткіңіз келетін баланың атына басыңыз. Сілтеме алмасу аралығына көшіріледі. Оны балаңызға жіберіңіз.

  4. Балаңыздың аккаунтына кіріп алған сілтеме арқылы өтіңіз.

  5. Балаларға арналған аккаунтты ересектерге арналған етіп өзгертуді растаңыз.

Маңызды

Әдетте, баланың аккаунтына осы аккаунтты жасаған пайдаланушының телефон нөмірі тіркеледі және балаларға арналған аккаунтты ересектерге арналған етіп өзгерту кезінде ол сақталады. Осы нөмірді аккаунтты пайдаланатын кісінің нөміріне ауыстырыңыз, — осылай қауіпсіз болады.

Басқа отбасылық топқа көшіру

Сіз балаларға арналған аккаунтты басқа отбасылық топтан өз тобыңызға көшіре аласыз. Бұл әрекетті балаларға арналған аккаунттан және смс арқылы келген код көмегімен растау қажет болады. Код балаларға арналған аккаунтты жасаған пайдаланушының телефон нөміріне жіберіледі.

  1. Отбасы қойындысына өтіңіз.

  2. Отбасылық топ бөлімінде Жақын адамды қосу опциясын басыңыз.

  3. Шақыру тәсілін таңдаңыз:

    • Сілтемемен бөлісу. Балаға жіберуге арналған сілтеме алмасу аралығына көшіріледі. Балаңыздың аккаунтына кіріп алған сілтеме арқылы өтіңіз және шақыруды қабылдаңыз.
    • Смс немесе хат жіберу Баланың аккаунтына тіркелген электрондық пошта мекенжайын енгізіңіз. Онда отбасылық топқа шақыру келеді, оны қабылдаңыз.
  4. Балаларға арналған аккаунтты жасаған пайдаланушының телефон нөміріне балаларға арналған аккаунтты көшіруді растауға арналған коды бар смс келеді. Басқа отбасылық топқа шақыруды қабылдау үшін смс арқылы келген кодты енгізіңіз.

Маңызды

Әдетте, баланың аккаунтына осы аккаунтты жасаған пайдаланушының телефон нөмірі тіркеледі және балаларға арналған аккаунтты отбасылар арасында көшірген кезде ол сақталады. Бұл нөмірді ауыстырған дұрыс — осылай қауіпсіз болады.

Балаларға арналған аккаунттағы телефонды ауыстыру

Егер балалар аккаунтын тіркеу кезінде сіз балаңыздың нөмірін көрсетсеңіз, оны ата-ананың телефон нөміріне ауыстыруға болады.

Балалар аккаунтындағы телефон нөмірін ауыстыру үшін:

  1. Отбасы қойындысына өтіңіз.
  2. Баланың аккаунтын таңдаңыз.
  3. Қорғауға арналған телефон өрісінің оң жағындағы Меню батырмасын басыңыз.
  4. Жаңасына ауыстыру батырмасын басыңыз.
  5. Қажет телефон нөмірін енгізіңіз.
  6. Әрі қарай батырмасын басып, жаңа нөмірді растаңыз.
Қолдау қызметіне жазу