Pulli obunalar haqida ogohlantirish

Telefoningiz uchun pulli xizmatga obuna bo‘lish juda oson: sayt sahifasidagi tugmani bossangiz bas. Yandex Brauzer Layt sizni pulli obunalar haqida ogohlantiradi, shunda siz ularga faqat kerak bo‘lganda rozilik bildirasiz.

Pulli obuna nima

Pulli obuna ‒ internet xizmatlarini to‘lash usullaridan biri. Pulli obuna yordamida, masalan, mobil telefonda ovozli pochta xizmatini ulashingiz yoki har hafta SMS orqali yuboriladigan ob-havo prognoziga obuna bo‘lishingiz mumkin. Obunani rasmiylashtirish uchun operator sahifasiga kiring va tugmani bosish orqali rozilikni tasdiqlang. Ayrim kontent provayderlari obunalarning soddaligini suiste’mol qilishadi va foydalanuvchilarga keraksiz pulli xizmatlarni sezdirmay ulashadi.

Pulli obuna sahifalari uyali aloqa operatorlarining saytlariga joylashtirilgan bo‘lsada, ularning mazmuni uchinchi tomon kontent provayderlari tomonidan belgilanadi. Ayrim provayderlar pulli xizmatni ulash haqida ma’lumotni ko‘rish qiyinligini ta’minlash uchun hamma narsani qiladilar: masalan, obuna tugmasida Play yoki Kirish deb yozilishi mumkin. Xizmat pulliligi haqidagi xabar kichik bosma yozuvda yoki ekrandan tashqarida yashiringan bo‘lishi mumkin. Natijada maxsus saytdagi tugmani bir marta bosishingiz bilan mobil hisobingizdan pul har kuni yechib olinadi.

Pulli obuna haqida ogohlantirish

Agar pulli obunasi bo‘lgan uyali aloqa operatorining sahifasiga kirsangiz, Brauzer sizni ogohlantiradi ‒ Brauzer oynasida xabar va belgisi chiqadi. Baribir oʻtish tugmasini faqatgina obunani to‘lamoqchi bo‘lsangiz, bosing.