Алиса дауыстық көмекшісі
Алиса не үшін керек
Алиса — бұл мобильді Яндекс Браузерде орнатылатын дауыстық көмекші. Ол сізге интернетте ақпаратты табуға көмектеседі, жаңалықтар мен ауа-райы туралы айтып береді, музыканы қосады, бағдарламаны іске қосады немесе сізбен әңгімелеседі.
Сондай-ақ, Алиса Яндекс мобильді қолданбасы мен компьютерге арналған Яндекс Браузерде қолжетімді.
Алиса орыс және қазақ тілдерінде сөйлей алады.
Алиса және сіздің жеке деректеріңіз
Сіз қолданатын Яндекс сервистерінде сіздің деректеріңіз қалады (мысалы, Алисадан сұрау тарихы). Біз бұл деректерді қорғаймыз. Біздің қоймалар SOC 2 — ең сенімді халықаралық стандарттардың біріне сай.
Жеке деректерді Сіздің Яндекстегі деректеріңіз парақшасы арқылы басқаруға болады.
- Сіздің Яндекстегі деректеріңіз парақшасын ашыңыз және қажетті Яндекс ID арқылы кіргеніңізге көз жеткізіңіз.
- Деректерді жүктеп алу батырмасын басыңыз.
- Мұрағатты даярлау батырмасына басыңыз.
Мұрағатты жүктеу аяқталғаннан кейін Яндекс сізге мұрағатты жүктеп алуға болатыны туралы хат жібереді. Егер сізде Яндексте поштаңыз болмаса, жүктеп шығару күйі туралы сіз тек парақшадағы ақпараттан ғана біліп отыра аласыз.
- Яндекстегі деректеріңіз парақшасын ашыңыз және қажетті Яндекс ID арқылы кіргеніңізге көз жеткізіңіз.
- Деректерді жою бөлімінде сервистің атауы бар батырмаға басыңыз. Сонда Яндекс осы сервис үшін сақтаған барлық деректер көрсетілген тізім ашылады.Ескертпе. Егер сервис тізімде болмаса, тізімнің астындағы Тағы көрсету батырмасын басыңыз.
- Деректер түрі көрсетілген жолды таңдаңыз.
- Ашылған терезеде Жоюды басыңыз.
Жойғаннан кейін барлық дерлік деректер қолжетімсіз болады. Кейбір деректерді Яндекс әлі бірер уақыт бойы сақтайды, мұны заң талап етеді.
Егер сіз Анықтама бөлімінен ақпарат таба алмасаңыз немесе мобильді Яндекс Браузермен жұмыс кезінде қиындықтар туындаса, әр қимылыңызды қадамды түрде сипаттап беріңіз. Егер мүмкін болса, скриншот жасаңыз. Бұл қолдау қызметінің мамандарына жағдайды тез түсінуге көмектеседі.
→ Қосымша → Мәселе туралы хабарлау немесе форма арқылы.