Cookie файлдары
Cookie дегеніміз не
Cookie (куки) — веб-сервер жіберетін және сіздің құрылғыңызда сақталатын деректердің шағын фрагменті. Cookie файлдары сіз туралы ақпаратты қамтиды. Мысалы, логин мен құпиясөз, орналасқан жері, тіл баптаулары, интернет-дүкеннің себетіндегі тауарлар туралы мәліметтер.
- Неліктен cookie пайдалы
-
- Сізге авторизацияны қажет ететін сайтта логин мен құпиясөзді қайтадан енгізу қажет емес.
- Егер сіз интернет-дүкеннің сайтынан тапсырыс жасамай кетіп қалып, кейін қайта оралсаңыз — тауарлар себетте сақталады.
- Егер ауа райы болжамын білуге болатын сайтқа алғаш рет кіріп, қалаңызды көрсеткен болсаңыз — сайт келесі жолы сізден қалаңызды сұрамайды.
Веб-талдау құралдарында (мысалы, Яндекс Метрикада) cookie интернетте пайдаланушы әрекеттерін бақылау үшін қолданылады.
- Неліктен cookie — құпиялылық үшін қауіп тудырады
-
- Егер сіздің құрылғыңызды басқа адам қолданатын болса, cookie файлдарында логин мен құпиясөздер сақталатындықтан, ол сіздің аккаунттарыңызға кіре алады.
- Егер зиянкес cookie файлдарын жолда ұстап алса, ол сіздің жеке деректеріңізді қарай алады. Оларды сізге мазаңызды алатын жарнама көрсету үшін пайдалануға болады.
Cookie файлдарын жою
Құпиялылықты қорғау немесе планшет жадысындағы орынды босатқыңыз келсе, сіз барлық cookie файлдарын жоя аласыз.
→ Баптауларды басыңыз.- Құпиялылық бөліміне өтіңіз.
- Деректерді тазартуды басыңыз.
- Веб-беттердің деректері тармағын белгілеңіз.
- Қалған барлық тармақтардан белгілерді алып тастаңыз (егер тек cookie файлдарын ғана жойғыңыз келсе).
- Деректерді тазартуды басыңыз.
- Деректерді жоюды растаңыз.
Егер сіз Анықтама бөлімінен ақпарат таба алмасаңыз немесе мобильді Яндекс Браузермен жұмыс кезінде қиындықтар туындаса, әр қимылыңызды қадамды түрде сипаттап беріңіз. Егер мүмкін болса, скриншот жасаңыз. Бұл қолдау қызметінің мамандарына жағдайды тез түсінуге көмектеседі.
→ Қосымша → Мәселе туралы хабарлау немесе форма арқылы.