Алиса дауыстық көмекшісі
Алиса не үшін керек
Алиса — бұл мобильді Яндекс Браузерде орнатылатын дауыстық көмекші. Ол сізге интернетте ақпаратты табуға көмектеседі, жаңалықтар мен ауа-райы туралы айтып береді, музыканы қосады, бағдарламаны іске қосады немесе сізбен әңгімелеседі.
Сондай-ақ Алиса Яндекс мобильді қосымшасы мен компьютерге арналған Яндекс Браузерде қолжетімді.
Егер баптауларда Алисаның тілін ауыстырсаңыз, Алиса тек орыс тілінде ғана емес, сонымен қатар қазақ тілінде де сөйлесе алады.
Алиса және сіздің жеке деректеріңіз
Сіз қолданатын Яндекс сервистерінде сіздің деректеріңіз қалады (мысалы, Алисадан сұрау тарихы). Біз бұл деректерді қорғаймыз. Біздің қоймалар SOC 2 — ең сенімді халықаралық стандарттардың біріне сай.
Жеке деректерді Сіздің Яндекстегі деректеріңіз парақшасы арқылы басқаруға болады.
-
Сіздің Яндекстегі деректеріңіз парақшасын ашыңыз және қажетті Яндекс ID арқылы кіргеніңізге көз жеткізіңіз.
-
Деректерді жүктеп алу батырмасын басыңыз.
-
Мұрағатты даярлау батырмасына басыңыз.
Яндекс мұрағатты жүктеп шығарғанда, сіз файлды жүктеп алуға болатындығы туралы хат аласыз. Егер Яндексте поштаңыз болмаса, жүктеп шығару күйі туралы беттегі ақпараттан ғана білесіз.
Ескерту
Мұрағат құпиясөзбен қорғалған болады. Құпиясөзді қалай алып, мұрағатты қалай ашуға болатындығы туралы Яндекс ID Анықтамасынан оқыңыз.
-
Сіздің Яндекстегі деректеріңіз парақшасын ашыңыз және қажетті Яндекс ID арқылы кіргеніңізге көз жеткізіңіз.
-
Деректерді жою бөлімінде сервистің атауы бар батырмаға басыңыз. Сонда Яндекс осы сервис үшін сақтаған барлық деректер көрсетілген тізім ашылады.
Ескерту
Егер сервис тізімде болмаса, тізімнің астындағы Тағы көрсету батырмасын басыңыз.
-
Деректер түрі көрсетілген жолды таңдаңыз.
-
Ашылған терезеде Жоюды басыңыз.
Жойғаннан кейін барлық дерлік деректер қолжетімсіз болады. Кейбір деректерді Яндекс әлі біраз уақыт бойы сақтайды, себебі заң талап етеді.