Трекерлерді бұғаттау
Трекерлер дегеніміз не
Cookie файлдары меншікті және бөгде (трекерлер) бола алады.
Меншікті cookie — бұл браузер сіз кірген сайттардың деректерін жазып отыратын шағын мәтіндік файлдар. Cookie файлдары сайттарға өздеріне кірушілерді «есте сақтауға», мысалы, әр кірген сайын логин мен құпиясөзді сұрай бермеуге мүмкіндік береді.
Трекерлер (бөгде cookies немесе third-party cookies) — бұл сайттың бағдарламалық кодының шағын фрагменттері. Сіз сайтты ашқан кезде трекер автоматты түрде жүктеледі, ақпарат жинақтайды (мысалы, орналасқан орныңыз, құрылғының түрі немесе оның IP-мекенжайы) және оның иесіне жібереді. Трекерді сайт әкімшісі де, оның серіктестері де орналастыра алады. Мысалы, сіз қарап отырған сайтта http://www.example.org сайтының жарнамалық баннері бар. Бұл баннер браузерде өз cookie файлын қалдырады, ол сіздің веб-сайтыңыздағы белсенділік туралы мәліметтерді сақтайды. Егер сіз http://www.example.org жарнамалық баннері бар басқа сайтқа кірсеңіз, жарнама желісі осы әрекеттерді өзара байланыстырады.
Трекерлердің қандай пайдасы бар
-
Трекерлердің көмегімен сайт иесі оған қанша оқырман кіретінін, қай аймақтардан, қай құрылғылардан келетінін бағалайды. Бұл деректер оған сайтты аудиторияның қажеттіліктері үшін оңтайландыруға мүмкіндік береді.
-
Трекерлер бірнеше сайтта ортақ логин немесе әлеуметтік желі виджетін пайдалануға мүмкіндік береді.
Өзіңіз кірген сайттардың трекерлері (мысалы, әлеуметтік желілер) адал ниетпен пайдаланылуы мүмкін.
Қасақана пайдалану мысалдары
- Трекерлерді қасақана пайдаланатын иелері сайтқа енгізілген жеке деректерді, мысалы, телефон нөмірі немесе электрондық пошта мекенжайын бөгде компанияларға бере және қайта сата алады. Нәтижесінде сіз қалаусыз жарнамалық хаттарды немесе телефоныңызды қалдырмаған жарнама берушілерден мазаңызды алатын қоңыраулар алуыңыз мүмкін.
Біз трекерлердің деректерді қасақана мақсатта пайдалануын сіздің құпиялылығыңызды бұзу деп санаймыз. Оны қорғау үшін біз Яндекс Браузерге арналған арнайы YTP технологиясын жасақтадық, ол Protect белсенді қорғаныс жүйесінің құрамына кіреді.
YTP дегеніміз не
Your Tracking Protection (YTP) технологиясы трекерлердің жұмысын шектеп отырады және сізге қай ресурстарға деректеріңізді тапсыруға болатындығын таңдауға мүмкіндік береді.
YTP қарапайым ережеге негізделген: трекерлерді іске қосуға тек сіз кірген сайттарға рұқсат етіледі. Тек солар ғана сіздің деректеріңізді өзара табыстап, сізге өзекті жарнамалық хабарландыруларды көрсете алады. Егер сіз сайтқа 45 күн бойы кірмеген болсаңыз, Браузер оның трекерлерін бұғаттай бастайды.
Жарнаманың арқасында интернет-сайттардың иелері табыс алады, ал сізге сайттарды қараған үшін төлеудің қажеті жоқ. Яндекс сервистердің тегін болуы және жарамды жарнаманың арасында тепе-теңдік болғанын қалайды.
Осылайша, интернет сіз үшін ыңғайлы болады (мысалы, сіз бірнеше сайт үшін ортақ логин пайдалана аласыз), ал сайттар жарамсыз жарнамамен келушілердің мазасын алмайтын болады.
Трекерлері бұғатталған парақшалар барынша тезірек жүктеледі.
Сонымен қатар, YTP технологиясы парақшада қандай трекерлердің істеп тұрғандығын қарауға және сіз сенбейтін трекерлерді бұғаттауға мүмкіндік береді.
Сайттағы трекерлерді бұғаттау
Парақшаны жүктегеннен кейін сіз онда қанша трекердің бұғатталғанын біле аласыз. Ол үшін:
-
→ Сайт туралы батырмасын басыңыз. -
Бақылауды бұғаттау опциясында бұғатталған трекерлердің саны көрсетіледі.
Сайтқа кірер алдында бұғаттау
-
→ Сайт туралы → Бақылауды бұғаттау батырмасын басыңыз.
-
Трекердің оң жағындағы
→ Бұғаттау батырмасын басыңыз.
Трекер өзі тиесілі сайтқа қайта кіргенге дейін бұғатталады.
Біржола бұғаттау
-
→ Сайт туралы → Бақылауды бұғаттау батырмасын басыңыз.
-
Трекердің оң жағындағы
→ Біржола бұғаттау батырмасын басыңыз.
Трекер сіз бұғатты алып тастағанға дейін бұғатталып тұрады.
Бұғаттан шығару
Егер трекер бұғатталған болса, сіз оны сайтқа келесі жолы кіргенге дейін немесе біржола бұғаттап тастай аласыз:
-
→ Сайт туралы → Бақылауды бұғаттау батырмасын басыңыз.
-
Трекердің оң жағындағы
батырмасын басып, Бұғаттан шығару немесе Бұғаттан біржола шығару батырмасын басыңыз.
Егер трекер бұғаттан шығарылған болса, онда Рұқсатты қайтарып алу опциясы оны оның доменіне келесі жолы кіргенге дейін бұғаттап тастайды.
Егер сайт трекерлерсіз істемей тұрса
Кейбір сайттар бөгде cookie файлдарынсыз қалыпты түрде жұмыс істей алмайды (сайттың бір бөлігі істемейді, мысалы, билетті сатып алу кезінде орын таңдай алмайсыз). Егер сайт сынып қалса, трекерлерді бұғаттауды толықтай өшіріп көріңіз:
-
→ Сайт туралы → Бақылауды бұғаттау батырмасын басыңыз.
-
Бақылаудан қорғау терезесінде Сайт жұмыс істемей ме? сілтемесін басыңыз.
-
Үшінші тарап сookie файлдарына рұқсат беру батырмасын басыңыз.
-
Бетті қайта жүктеу үшін Жаңарту батырмасын басыңыз.
Трекерлерден қорғауды қайтару үшін:
-
→ Сайт туралы → Бақылауды бұғаттау батырмасын басыңыз.
-
Бақылаудан қорғау терезесінде Сайт жұмыс істемей ме? сілтемесін басыңыз.
-
Рұқсат бермеу батырмасын басыңыз.
-
Бетті қайта жүктеу үшін Жаңарту батырмасын басыңыз.