---
metadata:
  - name: generator
    content: Diplodoc Platform v5.52.0
alternate:
  - https://yandex.kz/support/abuse/kk/troubleshooting/search/copyright.md
  - https://yandex.kz/support/abuse/ru/troubleshooting/search/copyright.md
  - href: kk/troubleshooting/search/copyright.md
    type: text/markdown
    title: Markdown version
  - href: ../../llms.txt
    type: text/markdown
    title: llms.txt
---
> **Documentation Index:** Fetch the complete configuration index at https://yandex.kz/support/abuse/kk/llms.txt


# Іздеудегі сайт менің авторлық құқықтарымды бұзатын контентті қамтиды

Яндекстен іздеу нәтижелерінде интернеттен алынған жалпыға қолжетімді материалдар ұсынылған. Іздеу жүйелері басқа тұлғалардың сайттарының парақшаларындағы контентті өшіре алмайды, тіпті, егер Яндекс іздеу нәтижелерінде мұндай парақшалардың сілтемелері болмаса да, контент бәрібір интернетте жалпыға қолжетімді күйде қала береді, ал сіздің құқықтарыңыздың бұзылуы, өкінішке қарай, тоқтамайды.

Яндекс пайдаланушыларға іздеу нәтижелерін олардың сұрауларына сай автоматты түрде ұсынып отырады, табылған парақшалардың мазмұнын бақыламайды және ол үшін жауап бермейді. Яндекстен іздеу нәтижелерінде табылған қандай да бір парақшаларда сіздің айрықша құқықтарыңыздың бұзылғанын анықтаған сайт әкімшісіне немесе осындай сайттар орналасқан хостинг-провайдерлерге жүгінуіңізді сұраймыз. Егер мәселеге себеп болған контент осындай парақшаларда бұғатталса немесе өшірілсе, немесе оларға қолжетімділік басқа тәртіппен шектелетін болса, оларға сілтемелер біршама уақыттан кейін іздеу нәтижелерінен автоматты түрде алып тасталынады.

Іздеу жүйесіндегі индекстеу кідіріспен жасалуы мүмкін, сондықтан өшірілген немесе бұғатталған контент туралы ақпарат, сондай-ақ парақшаның сақталған көшірмесі Яндекстен іздеу нәтижелерінде бірер уақыт табылып отыруы мүмкін. Ақпарат жойылған, бірақ әлі де іздеу нәтижелерінде көрсетіліп тұрған парақша туралы [мына жерден](https://yandex.kz/support/abuse/ru/troubleshooting/search/default) хабарлай аласыз.

Егер сіз өзіңіздің авторлық құқықтарыңыз бұзылып жатқанын анықтасаңыз және Яндекстен іздеу нәтижелеріндегі авторлық құқықтардың бұзылғаны туралы арыз бергіңіз келсе, төменде орналасқан форманы толтырыңыз.

## Толтырар алдында мұқият оқып шығыңыз

Біз сізге қажет тексерістерді өткізіп (оның ішінде, заңгерлік консультация алып), өз арызыңыздың заңдылығына көз жеткізіп алуға кеңес береміз. Ішінде жалған немесе шатастыратын ақпарат бар арыздар немесе негізсіз және заңсыз арыздарды беру сізге құқықтық жауапкершілік жүктеуі мүмкін екендігіне назар аударыңыз. Сондықтан, төменде орналасқан форманы толтырар алдында тиісті туындының құқық иесі екеніңізге немесе құқық иесінің мүдделерін білдіруге заңды құқығыңыз бар екеніне, және сіз шағым беріп жатқан сайтта туындыны пайдалануға рұқсат беретін негіздемелердің жоқ екеніне көз жеткізіп алыңыз.

Сіздің бүкіл арыздарыңызда авторлық құқықтар бұзылған болуы ықтимал туындының толық сипаттамасы, біздің қолдау қызметіміздің командасы заң бұзушылықтың болған-болмағанын анықтай алу үшін заңды түрде орналастырылған туындыға сілтеме, сіз қолжетімділікті бұғаттап тастағыңыз келетін авторлық құқықтарды бұзған болуы ықтимал сайтқа сілтеме, сондай-ақ құзыретті ұлттық сот немесе әкімшілік орган берген сіздің авторлық құқықтарыңыздың бұзылғаны туралы растама болу керектігіне назар аударыңыз. Егер сіз қажет ақпаратты ұсынбасаңыз, онда біз сіздің мәлімдемеңізді өңдемей қалдыруымыз мүмкін екеніне назар аударыңыз.

Ескерту: авторлық құқықтардың бұзылуына қатысты аталған ережелер тек [www.yandex.kz](www.yandex.kz) домені мен тиісті қосалқы домендерге таралады. Егер сізде басқа домендерге қатысты мәселелер туындаса, сол жерде көрсетілген нұсқаулықтарды орындаңыз.

Төмендегі форма тек авторлық құқықтардың ықтимал түрде бұзылғаны туралы хабарларға арналған. Егер басқа сұрақ бойынша шағым бергіңіз келсе, келесі формаларды қолданыңыз: [https://yandex.kz/support/abuse/ru/troubleshooting/search/list](https://yandex.kz/support/abuse/ru/troubleshooting/search/list).

## Авторлық құқықты бұзу туралы өтініш беруге арналған онлайн нысан

<iframe src="https://forms.yandex.ru/surveys/13867482.675f31de526042ab3b09fd093822cc089496f3f0?iframe=1&lang=kk" frameborder="0" name="ya-form-13867482.675f31de526042ab3b09fd093822cc089496f3f0" width="650"></iframe>

&nbsp;

<!-- source: kk/_includes/footer/search.md -->
#### Яндекс қағидалары

- [Яндекстен іздеу және ересектерге арналған контент](https://yandex.ru/company/rules/filtration/)

#### Құқықтық құжаттар

- [Пайдаланушы келісімі](https://yandex.kz/legal/rules/kk/)

- [Іздеу жүйесін пайдалануға лицензия](https://yandex.kz/legal/termsofuse/kk/)

#### Пайдалы

- [Поиск Анықтамасы](https://yandex.kz/support/search/kk/)
<!-- endsource: kk/_includes/footer/search.md -->