Қолдану шарттары
Терминдер мен анықтамалар
Тапсырыс – Клиент Лицензиатта және/немесе Лицензиаттың серіктесінде орналастырған тауарды жеткізуге тапсырыс.
Клиенттер – Тапсырыстарды рәсімдейтін және тапсырыстарды жеткізетін үшінші тараптар, Лицензиаттың және/немесе Лицензиат серіктестері клиенттері.
Бағдарламалық құрал (БҚ) – Лицензиардың картографиялық технологияларын қолдана отырып, тапсырыстарды ұйымдастыруға және жеңілдетуге мүмкіндік беретін «Яндекс Курьер» және «Қадағалау интерфейсі» ЭЕМ-ге арналған бағдарламалар жиынтығы. БҚ функционалдық мүмкіндіктерінің толық сипаттамасы осы Пайдалану шарттарының 5.1-тармағында келтірілген.
Құрылғылар – Лицензиатқа немесе Лицензиат қызметкерлеріне тиесілі Интернетке кіре алатын мобильді құрылғылар.
Мобильді қызметкер – Тапсырыстарды жеткізетін Лицензиат қызметкерлері және/немесе жеке тұлға мердігерлері.
Маршрут – Мобильдік қызметкерлер жеткізуі үшін ретпен біріктірілген Лицензиат жоспарлаған Лицензиаттың жалпы Тапсырыстары жиынтығындағы Лицензиаттың Тапсырыстарының бір бөлігінің белгілі бір реті. Бұл ретте бір Маршрутқа жеткізу нүктелерінің геокоординаталары әртүрлі клиенттерге жеткізілетін 250-ге (екі жүз елу) дейін Тапсырыс кіреді. Сондай-ақ, тәулік ішінде 1 (бір) Маршрутқа Мобильді қызметкердің Тапсырыстар бойынша тауарды жүктеу нүктелеріне жасайтын бірнеше рейсі кіреді.
Тарифтеу бірлігі – Лицензиаттың БҚ-ға маршрутты орындайтын мобильді қызметкер немесе көлік құралы ретінде енгізген Лицензиаттың мобильді қызметкері немесе көлік құралы; немесе Лицензиат БҚ арқылы тағайындаған Тапсырыс.
БҚ қолдану тәсілдері
Лицензиат БҚ-ны келесі тәсілдермен пайдалануға құқылы:
1.1. Лицензиаттың Мобильді қызметкерлері тікелей функционалдық мақсатына сай пайдалануы үшін, БҚ-ны қолдануға арналған Құрылғылардың жадына жазу (орнату) арқылы БҚ-ны ойнату;
1.2. Тапсырыстарды беру, Тарифтеу бірліктерін енгізу және оларды мақсатына сай пайдалану кезінде БҚ-да көрсету, сондай-ақ Клиенттерге СМС-хабарларды және/немесе өзге де хабарларды таратуды белсендіру және өшіру үшін БҚ-ға API арқылы жүгіну.
Лицензиат құпиялық шарттарын сақтай отырып, Лицензиатқа қатысты деректерді, атап айтқанда, БҚ жіберген Тапсырыстарды жеткізу реті және Тапсырыстардың мекенжайларға болжалды жеткізілу уақыты туралы ақпаратты сақтап алуға және сақтауға құқылы.
Тараптар БҚ-ны мына мекенжай бойынша қолжетімді «API Курьерлік шешімдер бойынша нұсқаулық» құжатында сипатталған ретпен көрсету үшін Тапсырыстар туралы деректер жіберу үшін БҚ және API реттеуді жүзеге асырады: https://yandex.kz/routing/doc/kk/delivery/.
Лицензиат міндеттері
БҚ-ны қолданған кезде Лицензиат міндеттенеді:
2.1. БҚ жаңартуының соңғы нұсқасын қолдану;
2.2. БҚ көмегімен алынған деректерді, сондай-ақ БҚ-дағы немесе алынған деректердегі кез келген ақпаратты, соның ішінде (бірақ шектелмей) жарнамалық-ақпараттық материалдарды, тауар белгілерін, логотиптерді, сілтемелерді немесе құқық иелеріне өзге де сілтемелерді, сондай-ақ кез келген басқа да хабарларды және/немесе БҚ-ға деректермен бірге берілетін ақпаратты жоймау, өзгертпеу, жасырмау және/немесе модификациялау;
2.3. Лицензиардың Клиенттерге тапсырыстарды орындау туралы хабарлары бар СМС-хабарларды және/немесе өзге де электрондық хабарларды жіберу мүмкіндігін беру үшін Клиенттерден барлық қажетті келісімдерді алу. Лицензиат Клиенттерден келісім алу үшін жауапты болады және Клиенттердің және/немесе мемлекеттік органдардың Лицензиарға соңғы СМС-хабарларды және/немесе Клиенттерге өзге де электрондық хабарламаларды жіберуге қатысты барлық талаптарын реттеуге, сондай-ақ Лицензиарға осындай талаптар бойынша төленген өтемақылар мен айыппұлдар сомаларын қоса алғанда, оның шеккен барлық құжатталған шығындарын өтеуге міндеттенеді.
2.4. Лицензиат тауарларды сатуды/қызметтерді сатуды жүзеге асыратын ресми сайтта немесе өзге де ресурстарда орналастырылған Лицензиаттың тауарларды сату/қызметтерді сату шарттарын айқындайтын құжаттың мәтініне https://yandex.ru/legal/delivery_termsofuse/ бетіндегі «Яндекс Курьер» сервисін пайдалану шарттары» құжатына сілтеме жасай отырып, тауарлар/қызметтер алушылар үшін келесі хабарды қосу:
«Тапсырысты «Яндекс Курьер» сервисін пайдалана отырып, ақпараттық сүйемелдеген жағдайда, Тапсырысты жеткізу барысы туралы хабардау, Клиентке Тапсырыстың барысы мен жеткізу туралы ақпараттық хабарды жазу бойынша сервисті «ЯНДЕКС» ЖШҚ-нан (СТН 7736207543) алу үшін «Яндекс Курьер» (https://yandex.ru/legal/delivery_termsofuse/) сервисін қолдану шарттарына толық келіседі. Тапсырысты «Яндекс Курьер» сервисін қолдана отырып ақпараттық сүйемелдеу Клиент үшін өтемақысыз негізде жүзеге асырылады.»
Тауарларды сату/қызметтерді өткізу шарттарын, мекенжайын және/немесе оны орналастыру ресурсын айқындайтын құжаттың мәтініне өзгерістер енгізілген жағдайда, Лицензиат «Яндекс Курьер» сервисін пайдалану шарттары» құжатына сілтемесі бар жоғарыдағы тармақты Тауарларды сату/қызметтерді өткізу шарттарын айқындайтын құжатқа немесе жаңа мекенжайларда/оны орналастыру ресурстарында қосуға міндеттенеді.
Лицензиар Лицензиаттың клиенттерге СМС-хабарларды және/немесе өзге де хабарларды жіберуді өз бетінше белсендіретінін және өшіретінін растайды. Лицензиардың клиенттерге Тапсырыстың орындалуы туралы хабарлаудан басқа ешқандай СМС-хабарды және/немесе өзге де электрондық хабарларды жіберуге құқығы жоқ, атап айтқанда, Лицензиардың клиенттерге жарнамалық сипаттағы СМС-хабарларды және/немесе өзге де электрондық хабарларды жіберуге құқығы жоқ. Лицензиар осы Оферта тармағында Лицензиардың жіберу құқығы көзделмеген СМС-хабарларды және/немесе өзге де электрондық хабарларды жіберген жағдайда, Лицензиар осындай СМС-хабарларды және/немесе өзге де электрондық хабарларды жолдағаны үшін жауапты болады және Клиенттерге СМС-хабарларды және/немесе өзге де электрондық хабарларды жіберуге қатысты Клиенттің және/немесе мемлекеттік органдардың барлық шағымдарын реттеуге міндетті.
3.1. Лицензиат осы арқылы келесілерге келіседі:
3.1.1. Лицензиар Лицензиатқа немесе кез келген үшінші тарапқа оның Оферта мен осы Қолдану шарттары шеңберінде БҚ пайдаланғандағы өз бетінше іс-қимылдары нәтижесі үшін жауап бермейді және Лицензиатқа немесе кез келген үшінші тарапқа келген залалдарды тікелей немесе жанама түрде өтемейді.
3.1.2. Оферта ережелерінің және пайдалану шарттарының мәнін төмендетпей, Лицензиаттың осы Қолдану шарттарының «Лицензиаттың міндеттері» бөлімінің талаптарын бұзуы Лицензиарға қандай да бір шағымдардың, сұрау жасалуының, талаптардың, нұсқамалардың, арыздардың (бұдан әрі – ) берілуіне әкелгенде, Лицензиат келесілерге міндеттенеді: (1) сот, уәкілетті мемлекеттік орган немесе өзге тұлға Лицензиардан шағым жасауға және/немесе шағымды қарауға байланысты сұратқан барлық ақпарат пен мәліметтерді Лицензиарға беру; (2) өз күшімен және Лицензиардың атына келіп түскен барлық Шағымдарды өз есебінен реттеу; (3) шағымды ұсыну, қарау және/немесе реттеу нәтижесіндегі Лицензиардың барлық құжатталған залалдарын өтеу.
4.1. Лицензиат Лицензиаттың Мобильді қызметкерлерінің БҚ-ны заңсыз пайдаланғаны үшін жауап береді.
5.1. БҚ келесі функцияларға ие
- Клиенттерге қоңырау шалу үшін Тапсырыстар реті;
- Клиентпен ұялы желі арқылы байланыс орнату мүмкіндігі;
- Клиенттің мекенжайы бойынша болжалды келу уақытын есептеу;
- Клиенттің қалауы бойынша жеткізу аралығын өзгерту мүмкіндігі;
- Жеткізу аралықтарын және кептелістерді болжауды ескере отырып, аралап шығу үшін Тапсырыстардың ретін құру;
- Яндекс Навигатор қолданбасына ауысу және Клиенттің мекен-жайына жеткізу маршрутын құру;
- Лицензиатқа және/немесе Лицензиаттың Клиенттеріне немесе Лицензиаттың серіктестеріне Тапсырыстарды Лицензиаттың Клиенттеріне жеткізудің жоспарланған уақыты туралы хабарлау;
- Тапсырысты жеткізу мәртебесін енгізу (жеткізілген/бас тарту);
- Курьерге кешігу туралы ескертулер;
- Бұл деректерді Лицензиатқа бермей-ақ, Тапсырыс бойынша түсініктеме беру мүмкіндігі (мысалы, клиенттің кеңсесін/үйін қалай табуға болатыны жайлы).