Осы тақырып туралы естігенде, көз алдыма тұскиіздің жанында тұрған қалыңдық бейнесі келді. Қалыңдықтың сәл тентектеу оқты көзінде әйел адамның жігері мен батылдығын көрсеткім келді. Әйел бақытты болу үшін, өз құқығы мен еркі үшін күресуді ұмытпау керек деп ойлаймын. Жұмысымды да осындай батыл, өз өмірі мен болашағын өзі жасайтын адамдарға арнағым келді. Суреттің фонында тұскиіз бейнеленген.

Қазақ мәдениетінде монументал суреттер орта ғасырдан бері сағанатам сияқты ескерткіштерде сақталып қалған. Әдетте бұл ескерткіштердің қабырғасы мен босағасында тұскиіздегідей өрнектер салынады. Фонға да тұскиіз бейнелеуді жөн көрдім, бұл шешім суретке тағы бір мән-мағына беретін секілді.

Qańtars Ақтөбе қаласында туып-өскен, суретті 2019 жылдан бері салып келе жатыр. Негізгі бағыты — дижитал арт, сүйікті құралы — графика планшеті.

Шабытты Орталық Азияның терең тарихы мен алуан-қилы мәдениетінен алады. Бұл оның әр жұмысынан көрініс табады.