--- metadata: - name: generator content: Diplodoc Platform v5.63.1 alternate: - kk/ - href: https://yandex.kz/legal/wiki_termsofuse/kk/index.md type: text/markdown title: Markdown version --- # Яндекс Вики сервисін пайдалану шарттары ## 1. Жалпы ережелер 1.1. Осы құжат (бұдан әрі – «Шарттар») Яндекс Вики (Вики) сервисін пайдалану шарттарын белгілейді. Егер Вики Яндекс 360 сервистері шеңберінде пайдаланылса, онда осы Шарттарға қосымша ретінде мекенжайы бойынша орналастырылған Яндекс 360 сервистерін пайдаланудың жалпы шарттары (бұдан әрі – «Жалпы шарттар») да қолданылады. Егер Вики «Яндекс.Облако» Платформасының сервистері шеңберінде пайдаланылса, онда осы Шарттарға қосымша ретінде мекенжайы бойынша орналастырылған «Яндекс.Облако Платформасы» сервисін пайдалану шарттары да қолданылады. Яндекс Вики сервисін/оның жекелеген функционалдық мүмкіндіктерін пайдалана бастағанда, Корпоративтік клиент осы Шарттарды және Жалпы шарттарды толық көлемде, ешқандай ескертпелерсіз және ерекшеліктерсіз қабылдаған болып есептеледі. Шарттардың қолданыстағы редакциясы әрқашан Интернет желісінде мына мекенжай бойынша бетте орналасқан: . Корпоративтік клиент көрсетілген құжаттардың қандай да бір ережесімен келіспеген жағдайда, Пайдаланушы Викиді пайдалануға құқылы емес. 1.2. Сервисті пайдаланудың бірыңғай қағидалары мен қағидаттары, зияткерлік меншік, дербес деректерді өңдеу және жауапкершілік туралы ережелер осы Шарттарда қамтылған ерекшеліктерді ескере отырып, Шарттардың 1.1-тармағында көрсетілген құжаттармен реттеледі. ## 2. Яндекс Вики сервисін пайдалану ерекшеліктері 2.1. Вики Сервисін пайдалана бастағанда, Корпоративтік клиент сондай-ақ мекенжайы бойынша Анықтамамен келіседі және оны қабылдайды. Көрсетілген бет Вики Сервисін пайдаланудың осы Шарттарының ажырамас бөлігі болып табылады. 2.2. Вики Корпоративтік клиентке корпоративтік білім базасын және беттердегі өзге де материалдарды жасау түріндегі функционалдық мүмкіндіктерді ұсынады, бұл ретте құру, өңдеу, орнын ауыстыру, бөлісу, корпоративтік база бойынша ақпаратты іздеуді жүзеге асыру, динамикалық кестелер жасау, мәтінді пішімдеу, беттерге қол жеткізуді баптау, үлгілік беттерге арналған шаблондар жасау, сондай-ақ Корпоративтік клиенттің қызметкерлері үшін осындай материалдармен бірлескен жұмыс жөнінде өзге де түрлі рұқсат етілген әрекеттер жасау мүмкіндігі бар. Яндекс өз қалауы бойынша пайдалану үшін қолжетімді ететін өзге де функционалдық мүмкіндіктерді ұсынуға құқылы. 2.3. Корпоративтік клиенттің әрбір қызметкеріне Викиде жеке бөлімі болу мүмкіндігі берілуі мүмкін. 2.4. Корпоративтік клиентке Вики беттеріне қатысты басқа пайдаланушылардың құқықтары мен мүмкіндіктерінің көлемі әртүрлі рөлдерін белгілеу, таңдау, өзгерту мүмкіндігі берілуі мүмкін. 2.5. Викидегі бетті жою «автор» немесе «ұйым әкімшісі» рөлі бар қызметкер-пайдаланушыға қолжетімді болуы мүмкін. Жойылған бетті 30 күн ішінде қалпына келтіруге болады. 2.6. Викиде Корпоративтік клиенттің Ұйымы шеңберінде Яндекс 360-тың басқа сервистерімен, оның ішінде, бірақ мұнымен шектелмей, Яндекс Формы және Яндекс Трекер сервистерімен интеграциялау мүмкіндігі көзделуі мүмкін. *Жарияланған күні: 02.10.2026*