--- metadata: - name: generator content: Diplodoc Platform v5.63.1 alternate: - kk/ - href: https://yandex.kz/legal/tracker_termsofuse/kk/index.md type: text/markdown title: Markdown version --- # Яндекс Трекер сервисін пайдалану шарттары ## 1. Жалпы ережелер 1.1. Осы құжат (бұдан әрі – «Шарттар») Яндекс Трекер (Трекер) сервисін пайдалану шарттарын белгілейді. Егер Трекер Яндекс 360 сервистері шеңберінде пайдаланылса, онда осы Шарттарға қосымша ретінде мекенжайы бойынша орналастырылған Яндекс 360 сервистерін пайдаланудың жалпы шарттары (бұдан әрі – «Жалпы шарттар») да қолданылады. Егер Трекер «Яндекс.Облако» Платформасының сервистері шеңберінде пайдаланылса, онда осы Шарттарға қосымша ретінде мекенжайы бойынша орналастырылған «Яндекс.Облако Платформасы» сервисін пайдалану шарттары да қолданылады. Яндекс Трекер сервисін/оның жекелеген функционалдық мүмкіндіктерін пайдалана бастағанда, Корпоративтік клиент осы Шарттарды және жоғарыда аталған құжаттарды толық көлемде, ешқандай ескертпелерсіз және ерекшеліктерсіз қабылдаған болып есептеледі. Шарттардың қолданыстағы редакциясы әрқашан Интернет желісінде мына мекенжай бойынша бетте орналасқан: . Корпоративтік клиент көрсетілген құжаттардың қандай да бір ережесімен келіспеген жағдайда, Пайдаланушы Трекерді пайдалануға құқылы емес. 1.2. Сервисті пайдаланудың бірыңғай қағидалары мен қағидаттары, зияткерлік меншік, дербес деректерді өңдеу және жауапкершілік туралы ережелер осы Шарттарда қамтылған ерекшеліктерді ескере отырып, Шарттардың 1.1-тармағында көрсетілген құжаттармен реттеледі. ## 2. Яндекс Трекер сервисін пайдалану ерекшеліктері 2.1. Трекерді пайдалана бастағанда, Корпоративтік клиент мекенжайы бойынша Анықтамамен келіседі және оны қабылдайды. Көрсетілген бет осы Шарттардың ажырамас бөлігі болып табылады. 2.2. Трекер Корпоративтік клиенттерге тапсырмаларды қою, орындау, бақылау, сондай-ақ сервисте көзделген өзге де әрекеттерді жасау үшін функционалдық мүмкіндікті ұсынады. Яндекс өз қалауы бойынша пайдалану үшін қолжетімді ететін өзге де функционалдық мүмкіндіктерді ұсынуға құқылы. 2.3. Корпоративтік клиенттің иесі әкімші рөлінде болады. Корпоративтік клиенттің иесі жекелеген қызметкерлерге әкімші рөлдерін беруге құқылы. Әкімшілер қызметкерлер мен олардың топтары үшін сервистің жекелеген элементтері мен мүмкіндіктеріне қол жеткізу құқықтарын айқындауға, сондай-ақ Трекердегі жекелеген баптауларды басқаруға құқылы. 2.4. Сервис бірлескен жұмысқа арналған бөгде сервистерден Трекерге деректерді көшіру (миграциялау) мүмкіндігін ұсына алады. Бұл ретте Яндекс ешқандай кепілдік бермейді және кез келген іркілістер, қателер, деректердің жоғалуы, деректерді тасымалдаудың Корпоративтік клиенттің күтулеріне сәйкес келмеуі және өзге де техникалық инциденттер үшін жауап бермейді. 2.5. Трекерде Корпоративтік клиенттің Ұйымы шеңберінде Яндекс 360-тың басқа сервистерімен, оның ішінде, бірақ мұнымен шектелмей, Пошта, Формы, Вики, Күнтізбе, Мессенджер сервистерімен интеграциялау мүмкіндігі көзделуі мүмкін. 2.6. Трекердің валидация қағидаларын бұзатын және/немесе оның дұрыс жұмыс істемеуіне әкелетін деректер анықталған кезде Яндекс бұл туралы Корпоративтік клиентті хабардар етеді және оған тиісті деректерді өзгерту және/немесе жою үшін 14 жұмыс күнін береді. Егер көрсетілген мерзім өткен соң деректерді Корпоративтік клиент өзгертпесе және/немесе жоймаса, Яндекс мұны дербес жасауға құқылы. Яндекс деректерді өзгерткен және/немесе жойған кезде ол Корпоративтік клиентті нақты қандай деректер өзгертілгені және/немесе жойылғаны туралы хабардар етеді. Трекердің жұмысына, оның ішінде басқа Пайдаланушылар мен Корпоративтік клиенттердің сервиспен жұмысына қатер төндіретін сыни жағдайларда Яндекс жоғарыда көрсетілген деректерді Корпоративтік клиентті алдын ала хабардар етпестен өзгертуге және/немесе жоюға құқылы. *Жарияланған күні: 02.10.2026*