«Мәзірге жеңілдік» жарнамалық науқанының ережелері

Осы Жарнамалық науқан ережелері (бұдан әрі - Ережелер) Яндекс.Еда сервисі пайдаланушылары үшін «Мәзірге жеңілдік» жарнамалық науқанын (бұдан әрі – «Науқан») ұйымдастыру және өткізу тәртібін реттейді.

1. Негізгі терминдер:

Қатысушы – осы Ережелерге сәйкес Науқанға қатысу шарттарын орындаған Яндекс.Еда Сервисін Пайдаланушы.

Серіктес Мейрамхана - «Яндекс.Такси Казахстан» ЖШС-мен жұмыс істейтін және Яндекс.Еда Сервисінде өз ұсынысын орналастырған мейрамхана.

Науқанды Ұйымдастырушы - «Яндекс.Такси Казахстан» ЖШС.

Яндекс.Еда Сервисі - Яндекс.Еда Сервисі Пайдаланушысына Пайдаланушы келісімінде көзделген шарттармен Тауарға және Жеткізуге Тапсырыс беруді жүзеге асыру мүмкіндігін беретін Ұйымдастырушының және «ЯНДЕКС» ЖШҚ-ның немесе оның үлестес тұлғаларының барлық веб-сайттары (Интернет желісінде http://eda.yandex мекенжайы бойынша орналастырылғандарды қоса алғанда, бірақ олармен шектелмей), ЭЕМ арналған бағдарламалар (мобильдік құрылғыларға арналған Яндекс.Еда Қолданбасы, мобильдік құрылғыларға арналған өзге де бағдарламалар).

2. Науқанның мақсаты: Янедкс.Еда сервисіне пайдаланушылардың назарын тарту, Яндекс.Еда сервисі көмегімен Серіктес Мейрамханаларда тапсырыстар санын ұлғайту, Яндекс.Еда сервисіне пайдаланушылардың бейілділігін арттыру.

3. Науқанды өткізу кезеңі: 01.08.2019 ж. бастап 31.12.2019 ж. дейін.

4. Науқан шарттары:

4.1. Науқан тек Алматы, Нұрсұлтан қалаларындағы Яндекс.Еда сервисінің Интернет-сайтында (http://eda.yandex) және iOS және Android арналған Яндекс.Еда мобильдік қолданбасында Серіктес Мейрамхананың басты фотосуретінде белгіше маркермен белгіленген Яндекс.Еда сервисінің Серіктес Мейрамханаларында ғана өткізіледі.

4.2. Науқанға қатысу үшін Қатысушы:

4.2.1. https://yandex.kz/legal/promo_skidka_na_menu мекенжайы бойынша Интернет желісінде орналасқан осы Ережелермен танысу қажет.

4.2.2. Ережелердің 4.1 тармағында, iOS және Android арналған Яндекс.Еда мобильдік қолданбасында «Науқандар» бөлімінде немесе Яндекс.Еда сервисінің Интернет-сайтында (http://eda.yandex) анықтамасы берілген Серіктес Мейрамхананы таңдау қажет.

4.2.3. Яндекс.Еда сервисінің Интернет-сайтында (http://eda.yandex) және iOS және Android арналған Яндекс.Еда мобильдік қолданбасында «Науқандар» бөлімінде Серістес Мейрамхананың мәзірі парақшасында көрсетілген жеңілдікті беру шарттарымен танысу қажет. Науқан Қатысушылары үшін шарттар Серіктес Мейрамхананың және/немесе Науқан Ұйымдастырушысы қалауынша белгіленеді.

4.2.4. Таңдалған Серіктес Мейрамханадан оның мәзірінен/каталогынан бір немесе бірнеше тағамға және/немесе тауарға тапсырыс беруді жүзеге асыру қажет.

4.3. Осы Ережелердің 4.2. тармағында көрсетілген шарттар орындалған кезде Қатысушыға iOS және Android арналған Яндекс.Еда мобильдік қолданбасында немесе Яндекс.Еда сервисінің Интернет-сайтында (http://eda.yandex) көрсетілген мөлшерде тапсырысқа жеңілдік беріледі. Егер 4.2.3. тармағына сәйкес жеңілдік Серіктес Мейрамхананың мәзірінен/каталогынан белгілі бір санатқа берілетін болса, Науқанға қатысушы iOS және Android арналған Яндекс.Еда мобильдік қолданбасында немесе Яндекс.Еда сервисінің Интернет-сайтында (http://eda.yandex) көрсетілген мөлшерде мәзірдің/каталогтың осы санатынан тапсырыс берілген тағамдарға ғана беріледі.

4.4. «Мәзірге жеңілдік» жарнамалық науқаны шеңберінде берілетін жеңілдік Яндекс.Еда сервисінің Промокоды бойынша берілетін жеңілдікке қосылуы мүмкін. Промокод бойынша жеңілдік «Мәзірге жеңілдік» жарнамалық науқаны шеңберінде берілетін жеңілдікті есептеп алғанда тапсырыс құнына есептеледі. Яндекс.Еда сервисінің Промокодтарын пайдалану шарттары Интернет желісінде https://yandex.kz/legal/promocode_eda мекенжайы бойынша орналасқан.

5. Қорытынды ережелер:

5.1. Науқан Қазақстан Республикасының заңнамасына және Яндекс.Еда сервисінің ережелеріне сәйкес ұйымдастырылған және Алматы, Нұр-Сұлтан қалаларында өткізіледі. Осы Науқанға қатысты барлық дау туғызатын сұрақтар ҚР қолданыстағы заңнамасы негізінде реттеледі.

5.2. Осы Ережелердің 4 бөлімінде көзделген әрекеттерді орындау Қатысушының Науқанның барлық шарттарымен және осы Ережелермен сөзсіз келісімін білдіреді.

5.3. Жеңілдікті баламалы мөлшерде ақшалай сыйақы төлеуге алмастыру көзделмейді.

5.4. IOS және Android арналған Яндекс.Еда мобильдік қолданбасында «Науқандар» бөлімінде немесе Яндекс.Еда сервисінің Интернет-сайтында (http://eda.yandex) «%» белгіше маркері бар Серіктес Мейрамханалар болмаған кезде «Мәзірге жеңілдік» науқаны пайдаланушылар үшін қолжетімді емес болып есептеледі.