«1+1» жарнамалық науқанының ережелері

Осы Жарнамалық науқан ережелері (бұдан әрі - Ережелер) Яндекс.Еда сервисі пайдаланушылары үшін «1+1» жарнамалық науқанын (бұдан әрі – «Науқан») ұйымдастыру және өткізу тәртібін реттейді.

1. Негізгі терминдер:

Қатысушы– осы Ережелерге сәйкес Науқанға қатысу шарттарын орындаған Яндекс.Еда Сервисін Пайдаланушы.

Серіктес Мейрамхана - «Яндекс.Такси Казахстан» ЖШС-мен жұмыс істейтін және Яндекс.Еда Сервисінде өз ұсынысын орналастырған мейрамхана.

Науқанды Ұйымдастырушы - «Яндекс.Такси Казахстан» ЖШС.

Яндекс.Еда Сервисі - Яндекс.Еда Сервисі Пайдаланушысына Пайдаланушы келісімінде көзделген шарттармен Тауарға және Жеткізуге Тапсырыс беруді жүзеге асыру мүмкіндігін беретін Ұйымдастырушының және «ЯНДЕКС» ЖШҚ-ның немесе оның үлестес тұлғаларының барлық веб-сайттары (Интернет желісінде http://eda.yandex мекенжайы бойынша орналастырылғандарды қоса алғанда, бірақ олармен шектелмей), ЭЕМ арналған бағдарламалар (мобильдік құрылғыларға арналған Яндекс.Еда Қолданбасы, мобильдік құрылғыларға арналған өзге де бағдарламалар).

2. Науқанның мақсаты: Яндекс.Еда сервисіне пайдаланушылардың назарын тарту, Яндекс.Еда сервисі көмегімен Серіктес Мейрамханаларда тапсырыстар санын ұлғайту, Яндекс.Еда сервисіне пайдаланушылардың бейілділігін арттыру.

3. Науқанды өткізу кезеңі: 01.08.2019 ж. бастап 31.12.2019 ж. дейін.

4. Науқан шарттары:

4.1. Науқан тек Алматы, Нұрсұлтан қалаларындағы Яндекс.Еда сервисінің Интернет-сайтында (https://eda.yandex) және iOS және Android арналған Яндекс.Еда мобильдік қолданбасында Серіктес Мейрамхананың басты фотосуретінде белгіше маркермен белгіленген Яндекс.Еда сервисінің Серіктес Мейрамханаларында ғана өткізіледі.

4.2. Науқанға қатысу үшін Қатысушы:

4.2.1. https://yandex.kz/legal/promo1plus1 мекенжайы бойынша Интернет желісінде орналасқан осы Ережелермен танысу қажет.

4.2.2. Ережелердің 4.1 тармағында, iOS және Android арналған Яндекс.Еда мобильдік қолданбасында «сыйлық» сүзгісін қолдану арқылы немесе Яндекс.Еда сервисінің Интернет-сайтында (https://eda.yandex) анықтамасы берілген Серіктес Мейрамхананы таңдау қажет.

4.2.3. Таңдалған Серіктес Мейрамханадан оның мәзірінде «1+1» маркерімен белгіленген тауарлардың біреуіне тапсырысты жүзеге асыру қажет. Бұл жағдайда Серіктес Мейрамхана тапсырыс берілген тауарға ұқсас екінші тауарды сыйлыққа қосымша береді.

4.3. Сыйлыққа берілетін Тауарды, ол болған кезде, Ережелердің 4.1 тармағында анықтамасы берілген Серіктес Мейрамхана ұсынады. Яндекс.Еда сервисі Серіктес Мейрамхананың қосымша екінші ұқсас тауарды сыйлыққа бермегені үшін жауапкершілік көтермейді.

5. Қорытынды ережелер:

5.1. Науқан Қазақстан Республикасының заңнамасына және Яндекс.Еда сервисінің ережелеріне сәйкес ұйымдастырылған және Алматы, Нұр-Сұлтан қалаларында өткізіледі. Осы Науқанға қатысты барлық дау туғызатын сұрақтар ҚР қолданыстағы заңнамасы негізінде реттеледі.

5.2. Осы Ережелердің 4 бөлімінде көзделген әрекеттерді орындау Қатысушының Науқанның барлық шарттарымен және осы Ережелермен сөзсіз келісімін білдіреді.

5.3. Сыйлыққа берілетін тауарды баламалы мөлшерде ақшалай сыйақы төлеуге алмастыру көзделмейді. Сыйлыққа берілетін тауар қайтаруға және ауыстыруға жатпайды.

5.4. Ұйымдастырушы Науқанды өткізудің кез келген сәтінде Науқанды өткізу кезеңін және Науқанды өткізу шарттарын, сонымен қатар Науқанды тез арада тоқтатуды, сондай-ақ оны тоқтатып тұруды қайта қарастыруға құқылы. Серіктес Мейрамхананың «1+1» маркерімен белгіленген тауарлары сервисте жоқ болған жағдайда, Науқан Пайдаланушылар үшін уақытша тоқтатылған болып есептеледі.