--- metadata: - name: generator content: Diplodoc Platform v5.63.1 alternate: - kk/ - href: https://yandex.kz/legal/forms_termsofuse/kk/index.md type: text/markdown title: Markdown version --- # Яндекс Формы сервисін пайдалану шарттары ## 1. Жалпы ережелер 1.1. Осы құжат (бұдан әрі – «Шарттар») Яндекс Формы (Формы) сервисін пайдалану шарттарын белгілейді. Егер Формы сервисі Яндекс 360 сервистері шеңберінде пайдаланылса, онда осы Шарттарға қосымша ретінде мекенжайы бойынша орналастырылған Яндекс 360 сервистерін пайдаланудың жалпы шарттары (бұдан әрі – «Жалпы шарттар») да қолданылады. Егер Формы сервисі «Яндекс.Облако» Платформасының сервистері шеңберінде пайдаланылса, онда осы Шарттарға қосымша ретінде мекенжайы бойынша орналастырылған «Яндекс.Облако Платформасы» сервисін пайдалану шарттары да қолданылады. Яндекс Формы сервисін/оның жекелеген функционалдық мүмкіндіктерін пайдалана бастағанда, Пайдаланушы/Корпоративтік клиент осы Шарттарды және жоғарыда аталған құжаттарды толық көлемде, ешқандай ескертпелерсіз және ерекшеліктерсіз қабылдаған болып есептеледі. Шарттардың қолданыстағы редакциясы әрқашан Интернет желісінде мына мекенжай бойынша бетте орналасқан: . Пайдаланушы/Корпоративтік клиент көрсетілген құжаттардың қандай да бір ережесімен келіспеген жағдайда, Пайдаланушы Формы сервисін пайдалануға құқылы емес. 1.2. Сервисті пайдаланудың бірыңғай қағидалары мен қағидаттары, зияткерлік меншік, дербес деректерді өңдеу және жауапкершілік туралы ережелер осы Шарттарда қамтылған ерекшеліктерді ескере отырып, Шарттардың 1.1-тармағында көрсетілген құжаттармен реттеледі. ## 2. Яндекс Формы сервисін пайдалану ерекшеліктері 2.1. Формы сервисін пайдалана бастағанда, Пайдаланушы/Корпоративтік клиент мекенжайы бойынша Анықтамамен келіседі және оны қабылдайды. Көрсетілген бет осы Шарттардың ажырамас бөлігі болып табылады. 2.2. Сервис Пайдаланушыларға/Корпоративтік пайдаланушыларға Интернет желісінде аудиторияға арналған сауалнамаларды жасау және жариялау арқылы маркетингтік зерттеулер жүргізу, Пайдаланушының/Корпоративтік клиенттің тауарлары және/немесе көрсетілетін қызметтері туралы өтінімдер мен кері байланыс жинау және басқа да сауалнамалар жүргізу үшін функционалдық мүмкіндікті ұсынады. Яндекс өз қалауы бойынша пайдалану үшін қолжетімді ететін өзге де функционалдық мүмкіндіктерді ұсынуға құқылы. 2.3. Яндекс осы Шарттар өрескел немесе бірнеше рет бұзылған кезде өз қалауы бойынша Пайдаланушының/Корпоративтік клиенттің Сервиске (немесе, егер бұл технологиялық тұрғыдан мүмкін болса, Сервистің белгілі бір функцияларына) қол жеткізуін шектеу немесе Пайдаланушының/Корпоративтік клиенттің аккаунтын толығымен бұғаттау, нақты Форманы жою не заңнама талаптарын немесе үшінші тұлғалардың құқықтары мен заңды мүдделерін сақтау мақсатында Пайдаланушыға/Корпоративтік клиентке өзге де шараларды қолдану құқығын өзіне қалдырады. 2.4. Қол жеткізу деңгейлері мыналарға бөлінеді: * Формаларды жасайтын Пайдаланушылар (бұдан әрі — «Жасаушы»), * Формаларды толтыратын Пайдаланушылар (бұдан әрі — «Респондент»). 2.5. Жасаушы Формалардың мазмұны үшін дербес жауапты болады және өзінің заңсыз әрекеттеріне байланысты үшінші тұлғаларға, Респондентке немесе Яндекске келтірілген кез келген зиянды дербес өтеуге міндеттенеді. 2.6. Сервис нәсілдік, ұлттық тиесілілікке, саяси көзқарастарға, діни немесе философиялық нанымдарға, денсаулық жағдайына, жыныстық өмірге қатысты дербес деректердің арнайы санаттарын, соттылығы туралы дербес деректерді өңдеуге арналмаған. Жасаушы осы деректерді беруді көздейтін Формаларды жасауға құқылы емес. 2.7. Жасаушы Респонденттердің дербес деректерін өңдеу кезінде дербес деректер саласындағы қолданылатын заңнаманың талаптарын сақтауға, оның ішінде Сервис арқылы дербес деректерді өңдеу үшін құқықтық негізге ие болуға міндетті. Яндекс Форманы Жасаушы жол берген дербес деректер саласындағы қолданылатын заңнаманы бұзушылықтар үшін Респонденттер алдында жауап бермейді. 2.8. Респонденттер де осы Шарттарды, өзге де қолданылатын құжаттарды және заңнама талаптарын, оның ішінде Формаларды пайдалану кезінде үшінші тұлғалардың дербес деректерін көрсеткен жағдайда сақтауға міндетті. Яндекс Респонденттер жол берген дербес деректер саласындағы қолданылатын заңнаманы бұзушылықтар үшін үшінші тұлғалар алдында жауап бермейді. 2.9. Пайдаланушы осы Шарттарды, өзге де қолданылатын құжаттарды және заңнама талаптарын бұзу салдарынан Яндекске келтірілген залалдарды Яндекске өтеуге міндетті. 2.10. Формы сервисінде Яндекс Метрикамен, сондай-ақ Яндекс 360-тың басқа сервистерімен, оның ішінде, бірақ мұнымен шектелмей, Пошта, Трекер, Вики сервистерімен интеграциялау мүмкіндігі көзделуі мүмкін. *Жарияланған күні: 02.10.2026*