Яндекс Күнтізбе сервисін пайдалану шарттары

1. Жалпы ережелер

1.1. Осы құжат (бұдан әрі – «Шарттар») Яндекс Күнтізбе (Күнтізбе) сервисін пайдалану шарттарын белгілейді және https://yandex.ru/legal/360_termsofuse мекенжайы бойынша орналастырылған Яндекс 360 сервистерін пайдаланудың жалпы шарттарының (бұдан әрі – «Жалпы шарттар») ажырамас бөлігі болып табылады.

Яндекс Күнтізбе сервисін/оның жекелеген функционалдық мүмкіндіктерін пайдалана бастағанда, Пайдаланушы/Корпоративтік клиент осы Шарттарды және Жалпы шарттарды толық көлемде, ешқандай ескертпелерсіз және ерекшеліктерсіз қабылдаған болып есептеледі.

Шарттардың қолданыстағы редакциясы әрқашан Интернет желісінде мына мекенжай бойынша бетте орналасқан: https://yandex.ru/legal/calendar_termsofuse/.

Пайдаланушы/Корпоративтік клиент көрсетілген құжаттардың қандай да бір ережесімен келіспеген жағдайда, Пайдаланушы Яндекс 360 сервистерін пайдалануға құқылы емес.

1.2. Яндекс 360 сервистерін пайдаланудың бірыңғай қағидалары мен қағидаттары, зияткерлік меншік, дербес деректерді өңдеу және жауапкершілік туралы ережелер осы Шарттарда қамтылған ерекшеліктерді ескере отырып, Жалпы шарттармен реттеледі.

2. Яндекс Күнтізбе сервисін пайдалану ерекшеліктері

2.1. Күнтізбе Пайдаланушыға виртуалды күнтізбеге оқиғаларды олардың күнін, уақытын және атауын көрсете отырып қосудың (бұдан әрі – «Оқиғалар») функционалдық мүмкіндігін ұсынады. Оқиғаны ұйымдастырушы басқа Пайдаланушыларды Оқиғаны өз Күнтізбесіне қоса отырып, Оқиғаға қосылуға шақыра алады (бұдан әрі – «Оқиғаға қатысушылар»).

2.2. Күнтізбенің Пайдаланушысына Оқиғаға Яндекс Телемост сервисіндегі Бейнеқоңырауға сілтемені байланыстырудың функционалдық мүмкіндігі беріледі.

Оқиғаны ұйымдастырушыға Оқиғаны өңдеу, сондай-ақ Оқиғаға қатысушыларға оны өңдеу құқықтарын беру (оның ішінде, бірақ мұнымен шектелмей, Оқиғаның сипаттамасына өз қалауы бойынша өзге бейнеконференцбайланыс сервистеріне сілтемелерді қосу) мүмкіндігі қолжетімді.

2.3. Күнтізбенің Пайдаланушысына Пайдаланушының Яндекс ID есептік жазбасына байланыстырылған электрондық пошта мекенжайы бойынша немесе push-хабарлама арқылы (Пайдаланушының мобильді құрылғысының баптауларында Күнтізбеге тиісті рұқсат берілген жағдайда) алдағы Оқиға туралы еске салғыш жіберудің функционалдық мүмкіндігі беріледі.

Кейбір Оқиғалар Күнтізбеге Яндекс Пошта сервисінен автоматты түрде қосылуы мүмкін.

2.4. Күнтізбені Корпоративтік клиенттің пайдалануы сондай-ақ https://yandex.ru/support/yandex-360/business/calendar/ru/ сілтемесі бойынша қолжетімді анықтамамен реттеледі.

Жарияланған күні: 02.10.2026