«Яндекс Автоматизация» сервисін бета-нұсқада пайдалану шарттары

1. Жалпы ережелер

1.1. Осы құжат (бұдан әрі – «Шарттар») Яндекс Автоматизация (Автоматизация) сервисін пайдалану шарттарын белгілейді және https://yandex.ru/legal/360_termsofuse мекенжайы бойынша орналастырылған Яндекс 360 сервистерін пайдаланудың жалпы шарттарының (бұдан әрі – «Жалпы шарттар») ажырамас бөлігі болып табылады.

Яндекс Автоматизация сервисін/оның жекелеген функционалдық мүмкіндіктерін пайдалана бастағанда, Корпоративтік клиент осы Шарттарды және Жалпы шарттарды толық көлемде, ешқандай ескертпелерсіз және ерекшеліктерсіз қабылдаған болып есептеледі.

Шарттардың қолданыстағы редакциясы әрқашан Интернет желісінде мына мекенжай бойынша бетте орналасқан: https://yandex.ru/legal/automation_termsofuse/.

Корпоративтік клиент көрсетілген құжаттардың қандай да бір ережесімен келіспеген жағдайда, Корпоративтік клиент Яндекс 360 сервистерін пайдалануға құқылы емес.

1.2. Яндекс 360 сервистерін пайдаланудың бірыңғай қағидалары мен қағидаттары, зияткерлік меншік, дербес деректерді өңдеу және жауапкершілік туралы ережелер осы Шарттарда қамтылған ерекшеліктерді ескере отырып, Жалпы шарттармен реттеледі.

2. Сервистің жекелеген функцияларын пайдалану ерекшеліктері

2.1. Сервис Корпоративтік клиентке деректерді автоматтандырылған өңдеудің және Яндекс Сервистерінің, оның ішінде, бірақ мұнымен шектелмей, Яндекс Пошта, Яндекс Күнтізбе, Яндекс Телемост, Яндекс Мессенджер, Яндекс Диск, Яндекс Трекер, Яндекс Формы, Алиса Про бағдарламаларының, Яндекстің генеративтік жасанды интеллект технологияларының бір-бірімен өзара әрекеттесуін ұйымдастырудың функционалдық мүмкіндігін ұсынады.

2.2. Яндекс Сервистерінің өзара әрекеттесуі шеңберінде Сервистің интерфейсінде https://automation.yandex.ru бетінде көрсетілген үшінші тұлғалардың бөгде бағдарламалары мен сервистері де қатыса алады. Бұл ретте Корпоративтік клиент осындай бөгде бағдарламалар мен сервистерді пайдалануға өзінде құқықтардың болуы үшін, сондай-ақ оларды пайдалану шарттарын сақтау үшін дербес жауап береді. Бұдан басқа, Корпоративтік клиент үшінші тұлғалардың бөгде бағдарламалары мен сервистерінен деректерді берудің заңдылығын қамтамасыз етеді.

2.3. Бағдарламалар мен сервистердің өзара әрекеттесуінің түрлері, нысандары мен нұсқалары, сондай-ақ деректерді автоматтандырылған өңдеудің ерекшеліктері Сервистің интерфейсінде сипатталған. Корпоративтік клиент ұсынылған шаблондарды пайдалана алады не өзара әрекеттесу нұсқаларын жеке тәртіппен жасай/баптай алады.

2.4. Корпоративтік клиент кез келген электрондық хаттағы немесе Сервисте орналастырылған материалдағы TCP/IP пакетінің кез келген тақырыбын немесе тақырыптың кез келген бөлігін имитацияламауға және/немесе қолдан жасамауға міндетті.

Жарияланған күні: 02.10.2026